LPG cylinder : ગેહલોતનો માસ્ટર સ્ટ્રોક!!! રાજસ્થાનમાં મળશે માત્ર રૂપિયા 500માં ગેસ સિલિન્ડર

રાજસ્થાનમાં કોંગ્રેસ સરકારના ચાર વર્ષ પૂર્ણ થવા પર અને વિધાનસભા ચૂંટણીના લગભગ એક વર્ષ પહેલા સીએમ અશોક ગેહલોતે મોટી જાહેરાત કરી છે.

Ashok Gehlot

Rajasthan CM Ashok Gehlot makes Big announcement : દેશમાં રાંધણ ગેસના સલિન્ડરના ભાવ દેશભરમાં એક સળગતો મુદ્દો છે. સામાન્ય માનવીથી લઈને ધનિક વર્ગ પણ ગેર સિલિન્ડરના ભાવથી પરેશાન છે. ત્યારે જ રાજસ્થાન સરકારે આ મામલે મહત્વની જાહેરાત કરી છે. રાજસ્થાનની અશોક ગેહલોત સરકારે માત્ર રૂપિયા 500માં ગેસ સિલિન્ડર આપવાની જાહેરાત કરી છે. 

રાજસ્થાનમાં કોંગ્રેસ સરકારના ચાર વર્ષ પૂર્ણ થવા પર અને વિધાનસભા ચૂંટણીના લગભગ એક વર્ષ પહેલા સીએમ અશોક ગેહલોતે મોટી જાહેરાત કરી છે. સીએમ અશોક ગેહલોતે 1 એપ્રિલથી ઉજ્જવલા યોજનાના લાભાર્થીઓને 500 રૂપિયામાં ગેસ સિલિન્ડર આપવાની જાહેરાત કરી છે. ગેહલોતે સોમવારે ભારત જોડો યાત્રા અંતર્ગત અલવર જિલ્લાના માલાખેડામાં આયોજિત સભામાં આ જાહેરાત કરી હતી.

રાજસ્થાનના મુખ્યમંત્રી અશોક ગેહલોતે અલવરમાં કહ્યું, 'હું આવતા મહિને બજેટ રજૂ કરીશ અને તેમાં જાહેરાત કરીશ કે અમે રૂ10240ની કિંમતના 12 ઘરેલું સિલિન્ડર માત્ર રૂપિયા 500માં આપીશું. મોંઘવારીમાં આપણે જે કંઈ કરી શકીએ તે કરીશું. આજે અલવરના માલાખેડામાં જનસભાને સંબોધિત કરતી વખતે ગેહલોતે આ જાહેરાત કરી હતી. 

આ સાથે ગેહલોતે કેન્દ્ર સરકાર પર નિશાન સાધ્યું હતું અને આરોપ લગાવ્યો હતો કે, એન્ફોર્સમેન્ટ ડિરેક્ટોરેટ (ED), આવકવેરા વિભાગ અને સેન્ટ્રલ બ્યુરો ઑફ ઇન્વેસ્ટિગેશન (CBI) જેવી તમામ સંસ્થાઓ આજકાલ પોતે જ ડરી રહી છે, કારણ કે, તેમને ખબર નથી કે ઉપરથી શું આદેશ આવશે. ગેહલોતે કહ્યું હતું કે, હું આ પ્રસંગે જાહેરાત કરીશ કે, એવા લોકો જે ગરીબી રેખા નીચે છે (BPL). જે લોકો ગરીબ છે અને ઉજ્જવલા યોજના સાથે સંકળાયેલા છે અમે તે વર્ગોનો અભ્યાસ કરાવીશું. ત્યાર બાદ આવતા વર્ષે 1 એપ્રિલ બાદ 1040 રૂપિયાનો સિલિન્ડર 500 રૂપિયામાં આપવામાં આવશે. 

રાહુલ ગાંધીને લઈને કહ્યું કે... 

કોંગ્રેસના નેતા રાહુલ ગાંધીએ સોમવારે કહ્યું હતું કે, આ દેશ "પ્રેમનો છે, નફરતનો નથી", તેથી તેઓ "નફરતના બજારમાં પ્રેમની દુકાન ખોલી રહ્યા છે". કોંગ્રેસ નેતાએ તેમની 'ભારત જોડો યાત્રા' પર સવાલ ઉઠાવનારા ભારતીય જનતા પાર્ટી (BJP) નેતાઓને કહ્યું, "નફરતના બજારમાં, હું પ્રેમની દુકાન ખોલી રહ્યો છું." તેમણે કહ્યું, "તમારું બજાર નફરતનું છે." મારી દુકાન છે. પ્રેમ થી જોડાયેલું.

ગાંધીએ કહ્યું કે ભાજપના નેતાઓએ પણ નફરતના બજારમાં પ્રેમની દુકાનો ખોલવા માટે આગળ આવવું જોઈએ. કોંગ્રેસ નેતાએ કહ્યું, "અંતમાં તેઓએ પણ એવું જ કરવું પડશે કારણ કે આપણો દેશ પ્રેમનો દેશ છે, નફરતનો દેશ છે." બેઠકમાં કોંગ્રેસ અધ્યક્ષ મલ્લિકાર્જુન ખડગે, મુખ્યમંત્રી અશોક ગેહલોત પણ હાજર હતા. ગાંધીએ રાજ્ય સરકારની મહત્વાકાંક્ષી ચિરંજીવી આરોગ્ય વીમા યોજના અને મહાત્મા ગાંધી ઇંગ્લિશ સ્કૂલ યોજનાની ખુલ્લેઆમ પ્રશંસા કરી હતી.