Lucknow Airport: લખનૌ એરપોર્ટને બોમ્બથી ઉડાડી દેવાની ધમકી મળતા ફફડાટ, સર્ચ ઓપરેશન શરુ

Lucknow Airport Bomb Threat News: ઉત્તર પ્રદેશની રાજધાની લખનૌ એરપોર્ટ પર બોમ્બ હોવાની ધમકી મળી છે. લખનૌની શાળાઓ બાદ હવે એરપોર્ટને બોમ્બથી ઉડાવી દેવાની ધમકી મળી છે.

લખનૌ એરપોર્ટને બોમ્બથી ઉડાવી દેવાની ધમકી (તસવીર સ્ત્રોત: શાહનવાઝ ખાન)

Lucknow Airport Bomb Threat News: ઉત્તર પ્રદેશની રાજધાની લખનૌ એરપોર્ટ પર બોમ્બ હોવાની ધમકી મળી છે. લખનૌની શાળાઓ બાદ હવે એરપોર્ટને બોમ્બથી ઉડાવી દેવાની ધમકી મળી છે. એક શંકાસ્પદ વ્યક્તિ તરફથી મેલ દ્વારા ધમકીઓ મોકલવામાં આવી છે. માહિતી મળતાની સાથે જ CISFની ટીમ અને BDDSની ટીમે લખનૌ એરપોર્ટ પર ચેકિંગ ઓપરેશન હાથ ધર્યું હતું. બોમ્બ ડિસ્પોઝલ ડિટેક્શન સ્કવોડ, સીઆઈએસએફના જવાનો અને સ્થાનિક પોલીસ દ્વારા સમગ્ર એરપોર્ટ પર ચેકિંગ ઝુંબેશ હાથ ધરવામાં આવી હતી.

દિલ્હીની બે હોસ્પિટલોને ધમકીઓ મળી હતી

અગાઉ, રાષ્ટ્રીય રાજધાની દિલ્હીની બુરારી સરકારી હોસ્પિટલ અને મંગોલપુરીની સંજય ગાંધી હોસ્પિટલને રવિવારે ઈમેલ દ્વારા બોમ્બની ધમકી મળી હતી. આ ધમકીભર્યા મેલ બાદ પોલીસે તાત્કાલિક બંને હોસ્પિટલના પરિસરમાં સર્ચ કર્યું હતું. પોલીસ કર્મચારીઓ બોમ્બ ડિસ્પોઝલ ટીમો અને સ્નિફર ડોગ્સ સાથે હોસ્પિટલ પહોંચ્યા હતા. તે જ સમયે, ફાયર વિભાગ અને અન્ય સંબંધિત વિભાગોને પણ હોસ્પિટલોને મળેલા ઇમેઇલ વિશે જાણ કરવામાં આવી હતી. અગાઉ દિલ્હી-એનસીઆરની 100 થી વધુ શાળાઓને ઈમેલ દ્વારા બોમ્બની ધમકી મળી હતી અને હવે આ ધમકી થોડા દિવસો પછી આવી છે.

 

#WATCH | Delhi: Bomb threat email received at Burari Government Hospital and Sanjay Gandhi Hospital in Mangolpuri, search operation underway: Delhi Fire Service pic.twitter.com/1RBMHftCGn

— ANI (@ANI) May 12, 2024

જયપુર એરપોર્ટ પર ધમકી બાદ હંગામો મચી ગયો હતો

રાજસ્થાનની રાજધાની જયપુર ઈન્ટરનેશનલ એરપોર્ટ પર બોમ્બની ધમકી મળી હતી. આ ધમકી મળ્યા બાદ વહીવટીતંત્ર એલર્ટ મોડ પર છે અને CISFના જવાનોએ એરપોર્ટ પર સર્ચ કર્યું છે. મળતી માહિતી મુજબ જયપુર એરપોર્ટને ઈમેલ દ્વારા ધમકી આપવામાં આવી હતી અને આ ધમકી બાદ હોબાળો મચી ગયો હતો. આ સાથે એરપોર્ટ પર લોકોમાં ગભરાટનો માહોલ જોવા મળ્યો હતો અને CISF અને સુરક્ષા ટુકડીએ દરેક જગ્યાએ સર્ચ કર્યું હતું.

ચૂંટણી દરમિયાન અફવાઓએ પડકાર વધાર્યો
આવી ઘટનાઓ એવા સમયે બની રહી છે જ્યારે દેશમાં લોકસભાની ચૂંટણી ચાલી રહી છે. જ્યારે રાજધાની દિલ્હીમાં 25મી મેના રોજ મતદાન થવાનું છે. ચૂંટણી દરમિયાન સલામત મતદાન કરાવવાની જવાબદારીમાં પોલીસ વ્યસ્ત છે તો બીજી તરફ આવા મેઈલ પડકાર બનીને ઉભરી રહ્યા છે.