Maharashtra CM: મહારાષ્ટ્રમાં કોણ બનશે મુખ્યમંત્રી, ફડણવીસ, શિંદે કે પવાર ? આજે થઈ શકે છે નિર્ણય 

મહારાષ્ટ્ર ચૂંટણીમાં મહાયુતિની શાનદાર જીત બાદ રાજ્યના આગામી મુખ્યમંત્રી કોણ હશે તે અંગે સસ્પેન્સ યથાવત છે. જો કે, દેવેન્દ્ર ફડણવીસ મુખ્યમંત્રીની રેસમાં સૌથી આગળ છે.

મહારાષ્ટ્રમાં કોણ બનશે મુખ્યમંત્રી

Source : PTI

મહારાષ્ટ્ર ચૂંટણીમાં મહાયુતિની શાનદાર જીત બાદ રાજ્યના આગામી મુખ્યમંત્રી કોણ હશે તે અંગે સસ્પેન્સ યથાવત છે. જો કે, દેવેન્દ્ર ફડણવીસ મુખ્યમંત્રીની રેસમાં સૌથી આગળ છે કારણ કે ભાજપ 132 બેઠકો સાથે સૌથી મોટી પાર્ટી તરીકે ઉભરી આવી છે. ભાજપના વિજેતા ધારાસભ્યો પણ માને છે કે દેવેન્દ્ર ફડણવીસ મહારાષ્ટ્રના આગામી મુખ્યપ્રધાન બનવા જોઈએ.

જો કે, શિંદે જૂથ ફરી એકવાર રાજ્યની કમાન સીએમ એકનાથ શિંદેને સોંપવાની માંગ કરી રહ્યું છે. તેમના નેતાઓનું કહેવું છે કે સીએમ એકનાથ શિંદેના પ્રયાસોને કારણે મહાયુતિની જીત થઈ છે. તેથી ફરી એકવાર રાજ્યની કમાન સીએમ એકનાથ શિંદેને સોંપવી જોઈએ. અજિત જૂથ તરફથી એવી માંગ પણ છે કે રાજ્યની કમાન અજિત પવારને સોંપવામાં આવે. અજિત પવારને મુખ્યમંત્રી બનાવવાના સમર્થનમાં બારામતીમાં પણ પોસ્ટર લગાવવામાં આવ્યા છે.  જો કે મહાગઠબંધનમાં સામેલ ત્રણેય પક્ષોમાંથી રાજ્યના મુખ્યમંત્રી કોણ હશે ? ત્રણેય પક્ષો તરફથી ચર્ચા ચાલી રહી છે. કહેવામાં આવી રહ્યું છે કે તેના પર જલ્દી જ નિર્ણય લેવામાં આવી શકે છે.

મહારાષ્ટ્ર વિધાનસભા ચૂંટણીમાં સત્તાધારી ગઠબંધન 'મહાયુતિ'એ એકલાએ 232 બેઠકો જીતી છે. 'મહાયુતિ'માં સામેલ એકનાથ શિંદેની શિવસેનાને 57 અને અજીતના જૂથને 41 બેઠકો મળી છે.ભાજપને એકલાએ 132 બેઠકો પર જીત મેળવી છે 

આ ચર્ચાઓ વચ્ચે શિવસેનાના નેતા ભરત ગોગાવલેએ રવિવારે મીડિયા સાથે વાત કરતા કહ્યું કે મહારાષ્ટ્રના આગામી મુખ્યપ્રધાનને લઈને એક બેઠક યોજાવાની છે જેમાં મુખ્ય પ્રધાન અને બંને નાયબ મુખ્ય પ્રધાનો હાજર રહેશે. બેઠકમાં આગામી મુખ્યમંત્રીનું નામ નક્કી કરવામાં આવશે.

શિવસેનાના નેતા ભરત ગોગાવલેએ કહ્યું કે એકનાથ શિંદેને સીએમ બનાવવા જોઈએ

જ્યારે તેમને પૂછવામાં આવ્યું કે તેઓ કોને મુખ્યમંત્રી તરીકે જોવા માંગે છે, ત્યારે ગોગાવલેએ કહ્યું કે દરેક પાર્ટીના નેતાને લાગે છે કે મુખ્યમંત્રી તેમની પાર્ટીના હોવા જોઈએ. મને લાગે છે કે એકનાથ શિંદે ફરી એકવાર મુખ્યમંત્રી બનવું જોઈએ.  

14મી મહારાષ્ટ્ર વિધાનસભાનો કાર્યકાળ 26 નવેમ્બરે પૂરો થઈ રહ્યો છે. સરકારની રચનાની પ્રક્રિયા શરૂ કરીને ભારતના ચૂંટણી પંચના નાયબ ચૂંટણી કમિશનર હૃદેશ કુમાર અને મહારાષ્ટ્રના મુખ્ય ચૂંટણી અધિકારી એસ. ચોકલિંગમ રવિવારે માલાબાર હિલમાં રાજભવન ખાતે રાજ્યપાલ સીપી રાધાકૃષ્ણનને મળ્યા હતા અને તેમને 15મી મહારાષ્ટ્ર વિધાનસભામાં ચૂંટાયેલા સભ્યોના નામો ધરાવતી ગેઝેટ અને ભારતના ચૂંટણી પંચની સૂચનાની નકલો રજૂ કરી હતી.