રેડ, ઓરેન્જ અને ગ્રીન ઝોનમાં મહારાષ્ટ્ર સરકારે કઈ-કઈ છૂટછાટ આપી ? જાણો વિગતે

મહારાષ્ટ્ર સરકારે લૉકડાઉનના નિયમોમાં ફેરફાર કર્યા છે અને રેડ ઝોનમાં કેટલીક દુકાનને પણ મંજૂરી આપી છે.

મુંબઈ: મહારાષ્ટ્ર સરકારે લૉકડાઉનના નિયમોમાં ફેરફાર કર્યા છે અને રેડ ઝોનમાં કેટલીક દુકાનને પણ મંજૂરી આપી છે. હવે મુંબઈ અને પુણેમાં દારૂની દુકાનો ખુલશે. જો કે, મોલ્સ, હોટલો, રેસ્ટોરન્ટમાં આલ્કોહોલ મળશે નહીં. ભૂતકાળમાં, જીવન જરૂરીયાતો સિવાય રેડ ઝોનમાં કંઇ જ મંજૂરી નહોતી. સરકારે હવે આમાં રાહત આપી છે. જો કે આ માટે કડક નિયમો જાહેર કરવામાં આવ્યા છે. કેન્દ્રીય આરોગ્ય મંત્રાલયે ઝોન દ્વારા મહારાષ્ટ્રના જિલ્લાઓની યાદી જાહેર કરી હતી. તે પછી, રાજ્યએ ઝોન મુજબના જિલ્લાઓની યાદી પણ જાહેર કરી. જો કે, રાજ્યએ પણ કેન્દ્રની સૂચિ પર મહોર મારી દીધી હોવાનું લાગે છે. રાજ્ય સરકારે શનિવારે કયા ઝોન મુજબ શું શરૂ થશે તેના કેટલાક નિયમો જાહેર કર્યા હતા. સરકારે હવે આ નિયમોમાં છૂટછાટ આપી છે.

રેડ ઝોનમાં કન્ટેનમેન્ટ ઝોન સિવાયના અન્ય વિસ્તારોમાં જરૂરી દુકાનની મંજૂરી આપવામાં આવી છે. સ્પા, સલૂન, તે અંગે હજી નિર્ણય લેવામાં આવ્યો નથી. એક જ ગલીમાં ફક્ત પાંચ જ દુકાનને ખુલ્લી રહેવાની છૂટ મળી છે. મુંબઈ અને પુણેમાં પણ વાઇન શોપ શરૂ કરવામાં આવશે. બધા દુકાનદારો અને ગ્રાહકોએ સામાજિક અંતર જાળવવાની જરૂર છે. મોલ, હોટલો, રેસ્ટોરાંમાં દારૂ નહી મળે. આવશ્યક અને જરૂરિયાતની વસ્તુઓ માટે દુકાનોનું સંચાલન ચાલુ રહેશે, તેમાં કોઈ ફેરફાર નથી કરવામાં આવ્યો.