(Source: ECI/ABP News/ABP Majha)
MAHARASHTRA : DyCM બન્યા બાદ દેવેન્દ્ર ફડણવીસની ભાજપના ધારાસભ્યો સાથે પ્રથમ બેઠક, જાણો શું કહ્યું
Maharashtra News : દેવેન્દ્ર ફડણવીસે કહ્યું મારે નાયબ મુખ્યપ્રધાન સંભાળવાનું છે, તે અપેક્ષિત ન હતું પરંતુ પાર્ટીએ વિચારીને આ નિર્ણય લીધો છે.
MUMBAI : મહારાષ્ટ્રના નાયબ મુખ્યપ્રધાન બન્યા બાદ દેવેન્દ્ર ફડણવીસે મુંબઈમાં ભાજપના ધારાસભ્યો સાથે પ્રથમ બેઠક યોજી હતી. આ બેઠક દરમિયાન તેમણે જણાવ્યું હતું કે પાર્ટી દ્વારા લેવામાં આવેલ નિર્ણય પાર્ટીના હિતમાં લેવામાં આવ્યો છે. મારે નાયબ મુખ્યપ્રધાન સંભાળવાનું છે, તે અપેક્ષિત ન હતું પરંતુ પાર્ટીએ વિચારીને આ નિર્ણય લીધો છે.
અઢી વર્ષ બાકી છે, અટકેલા તમામ કામ પૂર્ણ કરો
કેન્દ્રીય નેતૃત્વએ મને આ વિશે કહ્યું કે મેં પાર્ટીનો નિર્ણય સ્વીકાર્યો છે. તમે બધા ધારાસભ્યો આને તમારી સરકાર માનો, આ ભાજપની ગઠબંધન સરકાર છે.અઢી વર્ષ બાકી છે, વધુમાં વધુ કામ કરો. છેલ્લા અઢી વર્ષમાં જે કરવું હોય તે કરો.2024 માટે તૈયારી શરૂ કરો, સરકાર તમારી સાથે છે. સ્પીકર પદ માટે નામ નક્કી કરવામાં આવ્યું છે.
Had a nice meeting & interaction with our @BJP4Maharashtra MPs, MLAs, MLCs this evening in Mumbai with State President Chandrakantdada Patil, Sudhirbhau Mungantiwar, Girish Mahajan, Pravin Darekar, Chandrashekhar Bawankule, Ashish Shelar, Rahul Narvekar & other leaders.#BJP pic.twitter.com/mazx39DNbR
— Devendra Fadnavis (@Dev_Fadnavis) July 1, 2022
એબીપી સાથે સીએમ શિંદેની એક્સક્લુઝિવ વતચીત
મહારાષ્ટ્રના નવા મુખ્યમંત્રી એકનાથ શિંદેએ એબીપી સાથેની વાતચીતમાં જણાવ્યું કે અમે સરકાર બનાવવાનો દાવો કરવા માટે રાજ્યપાલ સમક્ષ પહોંચ્યા હતા. બધું આટલી ઝડપથી થયુ તે મારા માટે અનપેક્ષિત હતું. ભાજપે મને મુખ્યમંત્રી માટે સમર્થન આપ્યું હતું. આ માટે હું તેમનો આભાર માનું છું. તેમણે કહ્યું કે હું પીએમ મોદી, અમિત શાહ, જેપી નડ્ડા અને દેવેન્દ્ર ફડણવીસનો આભાર માનું છું. અમારી પાસે 50 ધારાસભ્યો છે અને તેમની પાસે 115થી વધુ ધારાસભ્યો છે. આટલી મોટી સંખ્યા હોવા છતાં પણ અમને ટેકો મળ્યો, આ મોટી વાત છે. તેમણે જે વિશ્વાસ વ્યક્ત કર્યો છે તેના પર હું ઊભો રહીશ.
હું શિવસેના અને ભાજપનો મુખ્યમંત્રી છું : સીએમ શિંદે
એકનાથ શિંદેએ ફડણવીસને ડેપ્યુટી સીએમ પદ આપવાના સવાલ પર કહ્યું કે, તેમણે મને કહ્યું કે પાર્ટીએ મને મોટો બનાવ્યો, મને સર્વોચ્ચ પદ પર બેસાડ્યો. પાર્ટીનું કહેવું છે કે જો તમારે આ જવાબદારી નિભાવવી હોય તો પાર્ટીનો નિર્ણય અંતિમ છે.
એકનાથ શિંદેએ ઉદ્ધવ ઠાકરેને સીધો જવાબ આપતા કહ્યું કે હું શિવસેના અને ભાજપનો મુખ્યમંત્રી છું. હું જનતાના હૃદયનો મુખ્યમંત્રી છું. હું લોકો માટે કામ કરીશ. હું હવે સ્પષ્ટ રીતે બોલવા માંગતો નથી. હું આગળ વાત કરીશ. શિંદેએ કહ્યું કે શરદ પવાર દેશના મોટા નેતા છે. તેની પાસે ઘણો અનુભવ છે. જે 50 ધારાસભ્યોએ એક થઈને મારામાં વિશ્વાસ વ્યક્ત કર્યો છે, આ એક મોટી ઘટના છે.
ટ્રેન્ડિંગ સમાચાર
ટોપ સ્ટોરી
