એકનાથ શિંદે ક્યારેય CM નહીં બની શકે? સંજય રાઉતનું મોટું નિવેદન - તેમનો સમય પૂરો, હવે તેમને ફેંકી….
Maharashtra Oath Ceremony: શિવસેના-યુબીટીના નેતા સંજય રાઉતે કહ્યું કે બહુમતી મળ્યા બાદ 15 દિવસ સરકાર બનાવવામાં લાગ્યા છે. આ લોકો સ્વાર્થ માટે સરકાર ચલાવી રહ્યા છે. જનતા આ પરિણામથી સંમત નથી.
Maharashtra CM Oath Ceremony: મહારાષ્ટ્રમાં મુખ્યમંત્રી પદ માટે દેવેન્દ્ર ફડણવીસ, ઉપ-મુખ્યમંત્રી માટે એકનાથ શિંદે અને અજીત પવાર નામ સ્પષ્ટ થઈ ગયું છે. આજે ગુરુવારે (5 ડિસેમ્બર) ત્રણેય નેતાઓ પોતપોતાના પદના શપથ લેશે. આ વચ્ચે શિવસેના-યુબીટીના નેતા સંજય રાઉતે ફરી વખત CM ન બનાવવા પર એકનાથ શિંદે પર નિશાન સાધ્યું છે. તેમણે કહ્યું, શિંદેનો સમય પૂરો થઈ ગયો છે. હવે તેમને ફેંકી દેવામાં આવ્યા છે. ભાજપ શિંદેની પાર્ટીને તોડી શકે છે.
સંજય રાઉતે કહ્યું, "એકનાથ શિંદે ક્યારેય રાજ્યના મુખ્યમંત્રી નહીં બની શકે. બહુમતી મળ્યા બાદ 15 દિવસ સરકાર બનાવવામાં લાગ્યા છે. આ લોકો સ્વાર્થ માટે સરકાર ચલાવી રહ્યા છે. જનતા આ પરિણામથી સંમત નથી. નવી સરકારનું અમે સ્વાગત કરીએ છીએ. શપથ ગ્રહણમાં જવું કે નહીં, તે અમે સાંજ સુધી નક્કી કરીશું."
સરકારે રમખાણ કરાવ્યા છે - સંજય રાઉત
જ્યારે સંભલ મામલે તેમણે આરોપ લગાવ્યો કે "સરકારે રમખાણ કરાવ્યા છે. રાહુલ ગાંધી એલઓપી છે, તેમને સંભલ જવાનો અધિકાર છે. દેશના પ્રધાનમંત્રીને શપથ ગ્રહણ સાથે મણિપુર પણ જવું જોઈએ."
ધ્યાન આપવા યોગ્ય છે કે શપથ ગ્રહણ સમારોહ મુંબઈના ઐતિહાસિક આઝાદ મૈદાનમાં આજ સાંજે 5.30 વાગ્યે થશે, જેમાં પ્રધાનમંત્રી નરેન્દ્ર મોદી અને એનડીએ શાસિત રાજ્યોના મુખ્યમંત્રી સાથે-સાથે કેન્દ્રીય મંત્રીઓ પણ ભાગ લેશે.
મહારાષ્ટ્ર વિધાનસભા ચૂંટણીમાં ભાજપની આ મજબૂત જીત બાદ બે વાર મુખ્યમંત્રી રહી ચૂકેલા 54 વર્ષીય ફડણવીસ ત્રીજી વાર રાજ્યના મુખિયા બનવા જઈ રહ્યા છે. વર્ષ 2019 ના વિધાનસભા ચૂંટણીઓ બાદ પણ કંઈક સમય સુધી તે મુખ્યમંત્રી રહ્યા હતા અને અજીત પવાર ઉપ-મુખ્યમંત્રી હતા. મહારાષ્ટ્ર વિધાનસભા ચૂંટણીમાં ભાજપને 132, શિવસેનાને 57 અને એનસીપીને 41 બેઠકો મળી હતી.
ભારતીય જનતા પાર્ટી (BJP) ધારાસભ્ય દળના નેતા દેવેન્દ્ર ફડણવીસ ગુરુવારે સાંજે અહીં વડાપ્રધાન નરેન્દ્ર મોદીની હાજરીમાં એક ભવ્ય સમારોહમાં મહારાષ્ટ્રના નવા મુખ્યમંત્રી તરીકે શપથ લેશે. આ ત્રીજી વખત છે જ્યારે નાગપુરના ધારાસભ્ય ફડણવીસ (54) મહારાષ્ટ્રના મુખ્યમંત્રી તરીકે શપથ લેશે. શપથ ગ્રહણ સમારોહ દક્ષિણ મુંબઈના આઝાદ મેદાનમાં યોજાશે જ્યાં આ કાર્યક્રમ માટે વિસ્તૃત સુરક્ષા વ્યવસ્થા કરવામાં આવી છે.
આ પણ વાંચોઃ
ટોપ સ્ટોરી
ટ્રેન્ડિંગ સમાચાર
