Karnataka Election Result 2023: કર્ણાટક ચૂંટણીના પરિણામ પર મમતા બેનર્જીનું પ્રથમ નિવેદન, જાણો શું બોલ્યા ?

પશ્ચિમ બંગાળના મુખ્યમંત્રી અને TMC સુપ્રીમો મમતા બેનર્જીએ કર્ણાટક વિધાનસભા ચૂંટણીના પરિણામો પર પહેલું નિવેદન આપ્યું છે.

મુખ્યમંત્રી મમતા બેનર્જી

Mamata Banerjee Reaction On Karnataka Election Result 2023: પશ્ચિમ બંગાળના મુખ્યમંત્રી અને TMC સુપ્રીમો મમતા બેનર્જીએ કર્ણાટક વિધાનસભા ચૂંટણીના પરિણામો પર પહેલું નિવેદન આપ્યું છે. મમતા બેનર્જીએ કહ્યું, "પરિવર્તનના પક્ષમાં  નિર્ણાયક જનાદેશ માટે કર્ણાટકની જનતાને મારા સલામ!! 

My salutations to the people of Karnataka for their decisive mandate in favour of change!! Brute authoritarian and majoritarian politics is vanquished!! When people want plurality and democratic forces to win, no central design to dominate can repress their spontaneity : that is…

— Mamata Banerjee (@MamataOfficial) May 13, 2023

બપોરે 3 વાગ્યા સુધીના આંકડા મુજબ 224 સીટોમાંથી કોંગ્રેસ 1365 સીટો પર આગળ છે. જ્યારે ભાજપ 64 બેઠકો પર આગળ છે. જેડીએસના ખાતામાં 20 સીટો જતી જોવા મળી રહી છે. બીજી તરફ, અન્યોએ ચાર બેઠકો પર આગેકૂચ કરી છે. કોંગ્રેસને 43 ટકાથી વધુ વોટ મળતાં જણાય છે. અને ભાજપને લગભગ 36 ટકા મત મળ્યા છે. જ્યારે 13 ટકા વોટ જેડીએસના ખાતામાં જતા જોવા મળી રહ્યા છે.

2018ની વિધાનસભા ચૂંટણીમાં ભાજપે 104 બેઠકો જીતી હતી અને 36.22 ટકા મત મેળવ્યા હતા.  કોંગ્રેસને 78 બેઠકો મળી હતી અને પાર્ટીને 38.04 ટકા મત મળ્યા હતા. જેડીએસને 37 બેઠકો મળી હતી અને તેને 18.36 ટકા મત મળ્યા હતા.

ડીકે શિવકુમાર કર્ણાટકમાં કોંગ્રેસ પાર્ટીના અધ્યક્ષ છે

ડીકે શિવકુમાર હાલમાં કર્ણાટક કોંગ્રેસના અધ્યક્ષ છે. તેઓ ગાંધી પરિવારના ખૂબ જ નજીકના ગણાતા નેતા છે. આ વખતે કર્ણાટક ચૂંટણીમાં કોંગ્રેસ માટે સીએમ ઉમેદવાર પણ છે. સીએમ પદ માટે તેમની સીધી ટક્કર સિદ્ધારમૈયા સાથે છે. રાજનેતા હોવા ઉપરાંત, ડીકે શિવકુમાર એક શિક્ષણશાસ્ત્રી અને સામાજિક કાર્યકર પણ છે. તેમણે વર્ષ 2006માં કર્ણાટક સ્ટેટ ઓપન યુનિવર્સિટી મૈસૂરમાંથી પોલિટિકલ સાયન્સમાં માસ્ટર ઓફ આર્ટ્સમાં પોસ્ટ ગ્રેજ્યુએશન કર્યું છે.

કનકપુરા બેઠક પરથી 9મી વખત ધારાસભ્ય

આ વખતે પણ તેઓ તેમની પરંપરાગત બેઠક કનકપુરાથી ચૂંટણી લડી રહ્યા હતા. પરંપરાગત બેઠક કારણ કે તેઓ અહીંથી 8 વખત ધારાસભ્ય ચૂંટાયા છે. કનકપુરામાં તેઓ આર અશોક સામે હતા, જેઓ ભાજપ સરકારમાં મહેસૂલ મંત્રી હતા. જેમને તેણે હરાવ્યા છે. બધાની નજર આ સીટ પર ટકેલી હતી. આ વખતે કોંગ્રેસ 22 વર્ષ પછી કર્ણાટકમાં સત્તામાં આવશે. કર્ણાટકમાં કોંગ્રેસે સરકાર બનાવવાની તૈયારી શરૂ કરી દીધી છે.     

દેશને જોડનારી રાજનીતિની જીતઃ પ્રિયંકા ગાંધી

કોંગ્રેસ મહાસચિવ પ્રિયંકા ગાંધી વાડ્રાએ રાજ્યના લોકોનો આભાર વ્યક્ત કર્યો અને કહ્યું કે આ દેશને જોડનારી રાજનીતિની જીત છે. તેમણે કહ્યું કે કર્ણાટક કોંગ્રેસના તમામ મહેનતુ કાર્યકરો અને નેતાઓને મારી શુભકામનાઓ. તમારી બધી મહેનત રંગ લાવી. કોંગ્રેસ પાર્ટી કર્ણાટકના લોકોને આપવામાં આવેલી ગેરંટીનો અમલ કરવા માટે સંપૂર્ણ સમર્પણ સાથે કામ કરશે. જય કર્ણાટક, જય કોંગ્રેસ.