![ABP Premium](https://cdn.abplive.com/imagebank/Premium-ad-Icon.png)
Monsoon Update: કેરળ અને પૂર્વોત્તરમાં સમય પહેલા પહોંચી ગયું ચોમાસું, ઉત્તર ભારતમાં ક્યારે પડશે વરસાદ ? જાણો હવામાન વિભાગે શું કહ્યું
દેશમાં કાળઝાળ ગરમી વચ્ચે કેરળ અને પૂર્વોત્તર ભારતમાં ચોમાસાનું બે દિવસ પહેલા આગમન થયું હતું. હવામાન વિભાગે ચોમાસાના આગમનની જાહેરાત કરી હતી.
![Monsoon Update: કેરળ અને પૂર્વોત્તરમાં સમય પહેલા પહોંચી ગયું ચોમાસું, ઉત્તર ભારતમાં ક્યારે પડશે વરસાદ ? જાણો હવામાન વિભાગે શું કહ્યું Monsoon arrived in kerala and northeast imd latest update for monsoon in delhi up bihar north india Monsoon Update: કેરળ અને પૂર્વોત્તરમાં સમય પહેલા પહોંચી ગયું ચોમાસું, ઉત્તર ભારતમાં ક્યારે પડશે વરસાદ ? જાણો હવામાન વિભાગે શું કહ્યું](https://feeds.abplive.com/onecms/images/uploaded-images/2024/05/30/092ad4d3d183ad92487981f51e1bedd61717050737952359_original.jpg?impolicy=abp_cdn&imwidth=1200&height=675)
Monsoon Update: દેશમાં કાળઝાળ ગરમી વચ્ચે કેરળ અને પૂર્વોત્તર ભારતમાં ચોમાસાનું બે દિવસ પહેલા આગમન થયું હતું. હવામાન વિભાગે ચોમાસાના આગમનની જાહેરાત કરી હતી. ભારતીય હવામાન વિભાગ અનુસાર, ચોમાસું બે દિવસ વહેલું આવી ગયું છે, જ્યારે કેરળમાં સામાન્ય રીતે 1 જૂને આવે છે. IMDએ તેને અસામાન્ય ઘટના ગણાવી છે.
જો કે, પૂર્વોત્તર ભારત અને કેરળમાં ચોમાસાની વચ્ચે હવામાન વિભાગે ઉત્તર ભારતમાં ચોમાસાને લઈને એક મહત્વપૂર્ણ અપડેટ આપી છે. હવામાન વિભાગના ડીજી ડો. મૃત્યુંજય મહાપાત્રાએ જણાવ્યું કે ઉત્તર ભારતમાં ચોમાસાની રાહ જોવી પડશે.
ઉત્તર ભારતને લઈને IMD તરફથી મોટું અપડેટ
દિલ્હીમાં ચોમાસાના વહેલા આગમન અંગે હવામાન વિભાગ તરફથી કોઈ આગાહી કરવામાં આવી નથી. IMDના DG ડૉ. મૃત્યુંજય મહાપાત્રાએ કહ્યું, "આગામી એક સપ્તાહ સુધી દિલ્હીમાં ચોમાસાનો વરસાદ નહીં થાય. દિલ્હીમાં ચોમાસાના આગમનની સામાન્ય તારીખ 29મી જૂન છે. જો કે આગામી ત્રણ દિવસમાં દિલ્હીના તાપમાનમાં ઘટાડો જોવા મળશે. ઉત્તર ભારતમાં ચોમાસાની રાહ જોવી પડશે.
આ રાજ્યોમાં આવતા અઠવાડિયે ચોમાસુ પહોંચશે
IMDના ડીજીએ કહ્યું કે ગુરુવારે (30 મે) ચોમાસું દક્ષિણ ભારતમાં કેરળ, કન્યાકુમારી, કોઈમ્બતુર અને ઉત્તર-પૂર્વ ભારતમાં પહોંચી ગયું છે. આ ચોમાસું આગામી એક સપ્તાહમાં તેલંગાણા, કર્ણાટક અને ગોવાના વિસ્તારોમાં ત્રાટકશે.
હીટવેવ વિશે IMDએ શું કહ્યું?
આ દરમિયાન, હીટવેવની સ્થિતિ પર, IMD વૈજ્ઞાનિક ડૉ. નરેશ કુમારે કહ્યું કે અમે છેલ્લા ઘણા દિવસોથી ઉત્તર-પશ્ચિમ ભારત માટે રેડ એલર્ટ જાહેર કરી રહ્યા છીએ. હવે આવતીકાલથી વેસ્ટર્ન ડિસ્ટર્બન્સ અમલમાં છે. આ જ કારણ છે કે દિલ્હી-એનસીઆર, પંજાબ, હરિયાણામાં હળવો વરસાદ થયો હતો. આ ઉપરાંત ગઈકાલથી પાકિસ્તાન તરફથી આવતા પશ્ચિમી પવનોએ પોતાની દિશા બદલી છે. તે હવે અરબી સમુદ્રમાંથી વહી રહ્યું છે અને આ જ કારણ છે કે તાપમાનમાં ધીમે ધીમે ઘટાડો થઈ રહ્યો છે.
ઉત્તર-પશ્ચિમ ભારત માટે ઓરેન્જ એલર્ટ
વૈજ્ઞાનિક ડૉ.નરેશ કુમારે કહ્યું કે અમે ઉત્તર-પશ્ચિમ ભારત માટે હવે ઓરેન્જ એલર્ટ જાહેર કર્યું છે. આવતીકાલે યલો એલર્ટ જાહેર કર્યું છે. તે પછી તે લગભગ સમાપ્ત થઈ જશે. પૂર્વ ભાગમાં પણ હીટવેવ અસરકારક છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)