Monsoon Update: ચોમાસાએ પકડી તોફાની ગતિ! આગામી 2-3 દિવસમાં આ રાજ્યોમાં તૂટી પડશે ભારે વરસાદ

દક્ષિણ-પશ્ચિમ ચોમાસું ઝડપથી આગળ વધી રહ્યું છે. આગામી 2 થી 5 દિવસમાં મહારાષ્ટ્ર, કર્ણાટક, તેલંગાણા અને ઓડિશા સહિતના રાજ્યોમાં ભારે વરસાદ, વાવાઝોડા અને તેજ પવનની આગાહી કરવામાં આવી છે.

monsoon update 2026 imd heavy rain warning maharashtra karnataka

Source : ai

Show Quick Read

Key points generated by AI, verified by newsroom

• ચોમાસું ગોવા, કર્ણાટક, મહારાષ્ટ્ર, તમિલનાડુ સહિત વિસ્તારોમાં પહોંચ્યું.
• આગામી બે-ત્રણ દિવસમાં વધુ રાજ્યોમાં ચોમાસું સક્રિય થશે.
• પછીના ચાર-પાંચ દિવસમાં છત્તીસગઢ, ઓડિશા સહિત પહોંચશે.
• ભારે વરસાદ સાથે વાવાઝોડા, તેજ પવનની ચેતવણી જારી.

Monsoon update 2026: કાળઝાળ ગરમીથી રાહત મેળવવા ચાતક નજરે વરસાદની રાહ જોતા લોકો માટે એક ખુશખબર છે. દેશમાં દક્ષિણ-પશ્ચિમ ચોમાસાએ હવે બરાબરની ગતિ પકડી લીધી છે. 6 જૂન, 2026 ના લેટેસ્ટ હવામાન અપડેટ મુજબ, ચોમાસું ગોવા, કર્ણાટક, મહારાષ્ટ્ર અને તમિલનાડુ સહિતના વિસ્તારોમાં પહોંચી ગયું છે. હવામાન વિભાગના જણાવ્યા અનુસાર, આગામી 2 થી 5 દિવસમાં ચોમાસું દેશના અન્ય ઘણા રાજ્યોમાં સક્રિય થઈ જશે. આ દરમિયાન ઘણા વિસ્તારોમાં ભારેથી અતિ ભારે વરસાદની સાથે વાવાઝોડા અને તેજ પવનની ચેતવણી પણ જારી કરવામાં આવી છે.

હાલ ચોમાસું ક્યાં પહોંચ્યું છે?

હવામાન વિભાગની માહિતી પ્રમાણે, દક્ષિણ-પશ્ચિમ ચોમાસું પશ્ચિમ-મધ્ય અને પૂર્વ-મધ્ય અરબી સમુદ્રના કેટલાક ભાગોને કવર કરી ચૂક્યું છે. આ ઉપરાંત, આખું ગોવા, કર્ણાટકના અમુક ભાગો, મહારાષ્ટ્ર અને આંધ્રપ્રદેશના કેટલાક વિસ્તારો તેમજ તમિલનાડુના મોટાભાગના વિસ્તારોમાં મેઘરાજાએ એન્ટ્રી મારી દીધી છે. ઉત્તરપૂર્વ ભારતના મિઝોરમ અને મણિપુરમાં પણ ચોમાસું સારી રીતે આગળ વધ્યું છે. બંગાળની ખાડીના કેટલાક ભાગોમાં પણ વાતાવરણ ચોમાસા માટે એકદમ સાનુકૂળ બન્યું છે.

આ પણ વાંચોઃ ગુજરાતના અનેક જિલ્લાઓમાં ભારે વાવાઝોડા સાથે વરસાદ; જાણો તમારા વિસ્તારના હાલ

આગામી 2 થી 5 દિવસ માટે હવામાન વિભાગની આગાહી

ચોમાસાને વધુ આગળ વધવા માટે અત્યારે વાતાવરણ એકદમ અનુકૂળ છે.

આગામી 2 થી 3 દિવસમાં: હવામાન વિભાગની આગાહી મુજબ, આગામી 2 થી 3 દિવસમાં ચોમાસું મહારાષ્ટ્ર, કર્ણાટક, તેલંગાણા અને તમિલનાડુના બાકી રહેલા વિસ્તારોમાં પહોંચી જશે. આ સાથે જ બંગાળની ખાડી અને ઉત્તરપૂર્વ ભારતના વધુ ભાગોમાં પણ તે આગળ વધે તેવી પૂરી સંભાવના છે.

આગામી 4 થી 5 દિવસમાં: ત્યારબાદના 4 થી 5 દિવસની વાત કરીએ તો, મેઘરાજા મધ્ય અરબી સમુદ્ર, છત્તીસગઢ, આંધ્રપ્રદેશ, ઓડિશા, ઉપ-હિમાલયી પશ્ચિમ બંગાળ અને સિક્કિમ સુધી પહોંચી શકે છે.

જે-જે રાજ્યોમાં ચોમાસું આગળ વધી રહ્યું છે ત્યાં લોકોને સાવચેત રહેવા અપીલ કરવામાં આવી છે, કારણ કે શરૂઆતના વરસાદ સાથે તેજ પવન અને ગાજવીજ થવાની પણ શક્યતાઓ છે.

ગુજરાતમાં 15 જૂનથી ચોમાસાની એન્ટ્રી! 2 સિસ્ટમ સક્રિય થતાં આગામી 7 દિવસ વરસાદની આગાહી

રાજ્યના લોકો માટે હવામાન વિભાગે મોટા રાહતના સમાચાર આપ્યા છે. કાળઝાળ ગરમીથી પરેશાન ગુજરાતમાં 15 જૂનની આસપાસ વિધિવત રીતે ચોમાસું બેસી જવાની શક્યતા છે. અત્યારે એકસાથે 2 સિસ્ટમ સક્રિય થવાથી રાજ્યમાં આગામી 1 સપ્તાહ સુધી વરસાદી માહોલ જોવા મળશે. એક તરફ દક્ષિણ ગુજરાત અને સૌરાષ્ટ્રમાં મેઘરાજાની એન્ટ્રીના મંડાણ થયા છે, તો બીજી તરફ અમદાવાદ સહિતના વિસ્તારોમાં હજુ પણ આકરી ગરમીનો પ્રકોપ ચાલુ છે. હવામાન વિભાગના જણાવ્યા અનુસાર, દેશમાં ચોમાસું આગળ વધીને મેંગ્લોર સુધી પહોંચી ગયું છે. બધું સમુંસૂતરું રહ્યું તો 15 જૂન સુધીમાં ગુજરાતમાં પણ મેઘરાજાની ધમાકેદાર એન્ટ્રી થઈ શકે છે. હાલમાં સિનોપ્ટિક સિસ્ટમમાં સાયક્લોનિક સર્ક્યુલેશન અને વેસ્ટર્ન ડિસ્ટર્બન્સ - એમ 2 સિસ્ટમ એકસાથે એક્ટિવ છે. જેના કારણે રાજ્યમાં આગામી 7 દિવસ સુધી વરસાદ પડવાની આગાહી કરવામાં આવી છે.

આ પણ વાંચોઃ ગુજરાતમાં આગામી 3 કલાક ભારે! આ જિલ્લાઓમાં ત્રાટકશે વરસાદ, હવામાન વિભાગનું એલર્ટ