1993 મુંબઈ બોમ્બ બ્લાસ્ટ મામલે આજીવન સજા કાપી રહેલા યુસુફ મેમણનું મોત

યુસુફ મેમણ પર મુંબઈ સિરિયલ બ્લાસ્ટના કાવતરામાં સામેલ હોવાનો આરોપ હતો. યુસુફ મેમણને 2007 માં આજીવન કેદની સજા ફટકારવામાં હતી.

મુંબઈ: મુંબઇમાં 1993માં થયેલા બોમ્બ બ્લાસ્ટના આરોપી અને ભાગેડુ ટાઇગર મેમણનાં ભાઈ યુસુફ મેમણનું નાસિકની જેલમાં મોત થયું છે. એક અધિકારીએ જણાવ્યું કે, 57 વર્ષીય મેમણે શુક્રવારે સવારે હ્રદયમાં દુખાવો અને શ્વાસ લેવામાં તકલીફ હોવાની ફરિયાદ કરી હતી. તેમણે જણાવ્યું કે, મેમણને જિલ્લાની હોસ્પિટલમાં લઈ જવામાં આવ્યો હતો જ્યાં પોણા અગિયાર વાગ્યે તેનું મોત થયું હતું. તેમણે જણાવ્યું કે, મોતનું કારણ હજી સ્પષ્ટ થઇ શક્યું નથી. તેનો મૃતદેહ પોસ્ટમોર્ટમ માટે મોકલવામાં આવ્યો છે. નાસિક પોલીસ આયુક્ત વિશ્વાસ નાંગ્રે પાટિલે યૂસુફ મેમણની મોતની પુષ્ટી કરી હતી.

યુસુફ મેમણ પર મુંબઈ સિરિયલ બ્લાસ્ટના કાવતરામાં સામેલ હોવાનો આરોપ હતો. યુસુફ મેમણને 2007 માં આજીવન કેદની સજા ફટકારવામાં હતી. સજા સંભળાવ્યા બાદ પહેલા તેને ઓરંગાબાદ જેલમાં અને પછી નાસિક જેલમાં ખસેડવામાં આવ્યો હતો. યુસુફ મેમણને 2007 માં આજીવન કેદની સજા ફટકારવામાં હતી. તે પહેલા મુંબઈની આર્થર રોડ જેલમાં બંધ હતો. આ પછી, તેને 2018 માં નાસિક જેલમાં ખસેડવામાં આવ્યો હતો. યાકુબ મેમણનો ભાઈ ઇસાક મેમણ પણ નાસિક જેલમાં સજા ભોગવી રહ્યો છે. મુંબઈમાં 12 માર્ચ, 1993 ના રોજ બોમ્બ બ્લાસ્ટ થયો હતો. જેમાં 250 થી વધુ લોકોના મોત થયા હતા અને સેંકડો લોકો ઘાયલ થયા હતા. આ કેસમાં યાકૂબ મેમણને 2015માં ફાંસીની સજા આપવામાં આવી હતી.