Pawan Khera Arrested: કોગ્રેસ નેતા પવન ખેરાની દિલ્હી પોલીસે કરી ધરપકડ, દિલ્હી એરપોર્ટ પર કોગ્રેસના કાર્યકર્તાઓએ કર્યા ધરણા

કોંગ્રેસના નેતા પવન ખેરાની દિલ્હી પોલીસે ધરપકડ કરી છે. ખેરાને સવારે દિલ્હીથી છત્તીસગઢ જતા કથિત રીતે અટકાવવામાં આવ્યા હતા

ફોટોઃ ટ્વિટર

કોંગ્રેસના નેતા પવન ખેરાની દિલ્હી પોલીસે ધરપકડ કરી છે. ખેરાને સવારે દિલ્હીથી છત્તીસગઢ જતા કથિત રીતે અટકાવવામાં આવ્યા હતા. પક્ષના નેતાઓએ આ અંગે એરપોર્ટ પર વિરોધ પણ કર્યો હતો. કોંગ્રેસનો આરોપ છે કે ખેરાને દિલ્હી એરપોર્ટ પર અટકાયત કરવાનો પ્રયાસ કરવામાં આવ્યો હતો. ઈન્ડિગો એરલાઈન્સે કહ્યું છે કે પવન ખેરાને રાયપુર ન લઈ જવાની સૂચનાઓ મળી હતી.

Assam Police arrests Congress leader Pawan Khera. He will be presented in a Delhi court and will be taken to Assam on transit remand pic.twitter.com/GGlU0zkgKn

— ANI (@ANI) February 23, 2023

દિલ્હી પોલીસનો દાવો છે કે આસામ પોલીસની ભલામણ પર દિલ્હી પોલીસે તેમની ધરપકડ કરી છે. આસામ પોલીસના આઈજીપી પ્રશાંત કુમાર ભુયાને સમાચાર એજન્સી એએનઆઈને જણાવ્યું હતું કે કોંગ્રેસ નેતા પવન ખેરા વિરુદ્ધ આસામના દિમા હસાઓના હાફલોંગમા કેસ નોંધવામાં આવ્યો છે. આ કેસમાં આસામ પોલીસ તેના રિમાન્ડ લેવા દિલ્હી રવાના થઈ ગઈ છે. તેમણે જણાવ્યું કે આસામ પોલીસે દિલ્હી પોલીસને પવન ખેરાની ધરપકડ કરવા માટે અપીલ કરી હતી. સ્થાનિક કોર્ટની પરવાનગી લીધા બાદ તેમને આસામ લાવવામાં આવશે. પવન ખેરાએ પણ તાજેતરમાં વડાપ્રધાન નરેન્દ્ર મોદી વિરુદ્ધ ટિપ્પણી કરી હતી. આસામ પોલીસની આ કાર્યવાહીને આ નિવેદન સાથે જોડવામાં આવી રહ્યું છે.

A case has been registered against Congress leader Pawan Khera at Haflong police station in Assam's Dima Hasao district

A team of Assam police left for Delhi to take remand of Pawan Khera in connection with the case: Prasanta Kumar Bhuyan, IGP L&O & Spox of Assam police to ANI pic.twitter.com/qUoceR8tzY

— ANI (@ANI) February 23, 2023

ઉલ્લેખનીય છે કે ખેરાએ થોડા દિવસો પહેલા વડાપ્રધાન નરેન્દ્ર મોદીના પિતાને લઈને વિવાદાસ્પદ નિવેદન આપ્યું હતું. મળતી માહિતી મુજબ, તેની સામે લખનઉમાં પણ કેસ નોંધવામાં આવ્યો હતો. કોંગ્રેસે કહ્યું હતું કે, ખેરાને રાયપુર જવા માટે ફ્લાઈટમાં ચઢતા અટકાવાયા હતા. બાદમાં તેમને સામાન ચેક કરાવવાના બહાને નીચે ઉતારી દેવામાં આવ્યા હતા.

Pawan Khera stopped from boarding flight at Delhi airport, Congress alleges "dictatorship"

Read @ANI Story | https://t.co/lgje3Scr3J#PawanKhera #Congress #DelhiAirport #Indigo #AssamPolice pic.twitter.com/XSmbbz7dX3

— ANI Digital (@ani_digital) February 23, 2023

કોંગ્રેસનો આરોપ

કોંગ્રેસનો આરોપ છે કે આસામ પોલીસ વોરંટ લઈને એરપોર્ટ પહોંચી હતી. કોંગ્રેસ પ્રવક્તા સુપ્રિયા શ્રીનાતે કહ્યું હતું કે આ કેટલું મનસ્વી છે? શું કાયદાનું શાસન છે? કયા આધારે અને કોના આદેશ પર આ કરવામાં આવી રહ્યું છે? કોંગ્રેસના નેતા જયરામ રમેશે તેને સરમુખત્યારશાહી ગણાવી છે. તેમનું કહેવું છે કે પવન ખેરાને દિલ્હી પોલીસે રાયપુરની ફ્લાઈટમાંથી ઉતાર્યા હતા.  સરમુખત્યારશાહીનું બીજું નામ 'અમિતશાહી' છે. મોદી સરકાર આપણા રાષ્ટ્રીય સંમેલનને ખોરવી નાખવા માંગે છે. અમે ડરવાના નથી, દેશવાસીઓ માટે લડતા રહીશું.

કોંગ્રેસના સત્તાવાર ટ્વિટર એકાઉન્ટ પરથી પણ આ બાબતને ટ્વિટ કરવામાં આવી છે. કોંગ્રેસનું કહેવું છે કે કોંગ્રેસના વરિષ્ઠ નેતાઓ ઈન્ડિગોની ફ્લાઈટ 6E-204 દ્વારા દિલ્હીથી રાયપુર જઈ રહ્યા હતા. દરેક વ્યક્તિ ફ્લાઈટમાં ચઢી ગયા હતા, અમારા નેતા પવન ખેડાને ફ્લાઈટમાંથી ઉતરવાનું કહેવામાં આવ્યું હતું. આ તાનાશાહી વલણ છે. સરમુખત્યારે સંમેલન પહેલા EDના દરોડા પાડ્યા હતા અને હવે તેણે આવા કૃત્યનો આશરો લીધો છે.

પવન ખેડાએ આ મામલે જણાવ્યું હતું કે તેમને કહેવામાં આવ્યું હતું કે તેમનો સામાન જોવા માંગે છે. તેમણે એ પણ કહ્યું કે તેમની પાસે હેન્ડબેગ સિવાય કંઈ નથી. જ્યારે તે ફ્લાઈટમાંથી નીચે ઉતર્યા ત્યારે તેમને કહેવામાં આવ્યું કે તેઓ જઈ શકશે નહીં અને ડીસીપી આવે છે.