ઈઝરાયલ પર આતંકી હુમલાઓને લઈ PM મોદીએ દુખ વ્યક્ત કર્યું, બોલ્યા- અમે નિર્દોષ પીડિતો સાથે 

ઇઝરાયેલ પર શનિવારે (7 ઓક્ટોબર) પેલેસ્ટિનિયન ઉગ્રવાદી સંગઠન હમાસ દ્વારા  રોકેટ હુમલા અંગે પ્રધાનમંત્રી નરેન્દ્ર મોદીએ કહ્યું કે અમે નિર્દોષ પીડિતોની સાથે છીએ.

પ્રધાનમંત્રી મોદી

Israel Attack: ઇઝરાયેલ પર શનિવારે (7 ઓક્ટોબર) પેલેસ્ટિનિયન ઉગ્રવાદી સંગઠન હમાસ દ્વારા  રોકેટ હુમલા અંગે પ્રધાનમંત્રી નરેન્દ્ર મોદીએ કહ્યું કે અમે નિર્દોષ પીડિતોની સાથે છીએ. તેમણે તેને આતંકવાદી હુમલો ગણાવ્યો હતો.

પીએમ મોદીએ સોશિયલ મીડિયા X પર લખ્યું, "ઈઝરાયેલમાં આતંકવાદી હુમલાના સમાચારથી આઘાત લાગ્યો. અમારી પ્રાર્થના નિર્દોષ પીડિતો અને તેમના પરિવારો સાથે છે. અમે આ મુશ્કેલ સમયમાં ઇઝરાયેલ સાથે એકજૂટતા સાથે ઊભા છીએ."

Deeply shocked by the news of terrorist attacks in Israel. Our thoughts and prayers are with the innocent victims and their families. We stand in solidarity with Israel at this difficult hour.

— Narendra Modi (@narendramodi) October 7, 2023

બેન્જામિન નેતન્યાહુએ શું કહ્યું ? 

હમાસે ઈઝરાયેલ પર હુમલો કર્યા બાદ વડાપ્રધાન બેન્જામિન નેતન્યાહુએ ફેસબુક પર એક વીડિયો પોસ્ટ કર્યો હતો. આમાં તેણે દેશની જનતાને કહ્યું કે, અમે યુદ્ધમાં છીએ. 

ઈઝરાયેલે શું કહ્યું ? 

એસોસિએટ પ્રેસ (એપી) અનુસાર, ઇઝરાયેલના સંરક્ષણ પ્રધાન યોવ ગેલન્ટે કહ્યું કે હમાસે અમારી વિરુદ્ધ યુદ્ધ શરૂ કર્યું છે. આમાં ફક્ત અમે જ જીતીશું. એપીએ અન્ય એક અહેવાલમાં જણાવ્યું છે કે ઇઝરાયેલના બચાવ સેવા વિભાગે જણાવ્યું હતું કે હમાસના હુમલાને કારણે અત્યાર સુધીમાં ઓછામાં ઓછા 22 લોકોએ જીવ ગુમાવ્યા છે.

વધુમાં, ઇઝરાયેલી સેનાએ ગાઝા પટ્ટીની નજીકના શહેરોના રહેવાસીઓને તેમના ઘરોમાં રહેવા અને બાકીના લોકોને બોમ્બથી બચાવતા  આશ્રયસ્થાનોની નજીક રહેવા સૂચનાઓ જારી કરી છે. આ સિવાય ઈઝરાયેલ ડિફેન્સ ફોર્સ (IDF) એ પણ કહ્યું કે હમાસને તેની કિંમત ચૂકવવી પડશે. અમે સંપૂર્ણ રીતે તૈયાર છીએ. 

મિડલ ઈસ્ટમાં ઈઝરાયેલ અને પેલેસ્ટાઈન વચ્ચેની સ્થિતિ ફરી એકવાર વણસી ગઈ છે. હમાસના ઉગ્રવાદીઓએ શનિવારે (7 ઓક્ટોબર 2023) વહેલી સવારે ગાઝા પટ્ટી પર હુમલો કર્યો. સૌપ્રથમ તેઓએ ઇઝરાયેલ પર હજારો રોકેટ છોડ્યા અને પછી જમીન દ્વારા સતત હુમલો કરીને તેઓ ઇઝરાયેલમાં પ્રવેશ્યા.

કેટલાક ઉગ્રવાદીઓ પેરાગ્લાઈડરનો ઉપયોગ કરીને સરહદમાં પ્રવેશ્યા હતા. કેટલાક ઉગ્રવાદીઓ રસ્તા દ્વારા ઇઝરાયેલમાં પ્રવેશ્યા અને તેઓએ જોયેલા દરેકને ગોળી મારી દીધી. આ અચાનક મોટા પાયે થયેલા હુમલા બાદ ઈઝરાયેલમાં રેડ એલર્ટ જારી કરવામાં આવ્યું છે. વડાપ્રધાન બેન્જામિન નેતન્યાહૂએ તાત્કાલિક ઈમરજન્સી બેઠક બોલાવી છે અને દેશમાં યુદ્ધની જાહેરાત કરી છે.

મીડિયા રિપોર્ટ્સ અનુસાર, પેલેસ્ટાઈનના ઉગ્રવાદી સંગઠન હમાસે ઈઝરાયેલ પર 5 હજારથી વધુ રોકેટ છોડ્યા છે. પેલેસ્ટિનિયન ઉગ્રવાદીઓએ ગાઝા પટ્ટી દ્વારા ઇઝરાયેલ પર હુમલો કર્યો અને તેની સરહદમાં પ્રવેશ કર્યો.

ઇઝરાયલી લોકોને ઘરે જ રહેવાનો આદેશ આપ્યો 

સીએનએન અનુસાર, રોકેટ હુમલા બાદ તરત જ વડાપ્રધાન નેતન્યાહૂના કાર્યાલયે કહ્યું કે પીએમ અને સંરક્ષણ મંત્રી તેલ અવીવમાં ઉચ્ચ સ્તરીય બેઠક કરી રહ્યા છે. દેશના તમામ નાગરિકોને એલર્ટ કરી દેવામાં આવ્યા છે. દરેકને ઘરની અંદર રહેવા માટે કહેવામાં આવ્યું છે. હમાસના હુમલા બાદ મીડિયા સમક્ષ હાજર થયેલા ઈઝરાયેલના સંરક્ષણ મંત્રીએ એક વીડિયો જાહેર કર્યો છે.