Video: ચોકલેટ બનાવતી ફેક્ટરીમાં પહોંચ્યા રાહુલ ગાંધી, જાતે બનાવી, ખાધી અને ખવડાવી

Rahul Gandhi Makes Chocolate: કોંગ્રેસ નેતા રાહુલ ગાંધીએ રવિવારે (27 ઓગસ્ટ) સોશિયલ મીડિયા પ્લેટફોર્મ X (Twitter) પર એક વીડિયો શેર કર્યો છે. આ વિડિયો ઉટીમાં ચોકલેટ મેન્યુફેક્ચરિંગ ફેક્ટરીની તેમની તાજેતરની મુલાકાતનો છે.

( Image Source : PTI )

Source : PTI

Rahul Gandhi Makes Chocolate: કોંગ્રેસ નેતા રાહુલ ગાંધીએ રવિવારે (27 ઓગસ્ટ) સોશિયલ મીડિયા પ્લેટફોર્મ X (Twitter) પર એક વીડિયો શેર કર્યો છે. આ વિડિયો ઉટીમાં ચોકલેટ મેન્યુફેક્ચરિંગ ફેક્ટરીની તેમની તાજેતરની મુલાકાતનો છે. આ વીડિયોમાં તે ચોકલેટ બનાવતા અને ફેક્ટરીમાં તમામ મહિલા કર્મચારીઓ સાથે વાતચીત કરતા પણ જોઈ શકાય છે. એટલું જ નહીં તેણે ત્યાં હાજર એક યુવતી પાસેથી ઓટોગ્રાફ પણ માંગ્યો હતો.

 

A team of 70 incredible women drives one of Ooty’s famous chocolate factories!

The story of Moddys Chocolates is a remarkable testament to the great potential of India's MSMEs.

Here's what unfolded during my recent visit to the Nilgiris:https://t.co/yNdM37M01M pic.twitter.com/UfPvLryBuC

— Rahul Gandhi (@RahulGandhi) August 27, 2023

વિડિયો શેર કરતાં કોંગ્રેસના નેતાએ કહ્યું, ઉટીમાં એક પ્રખ્યાત ચોકલેટ ફેક્ટરી ચલાવતી 70 મહિલાઓની એક ટીમ. મોડીઝ ચોકલેટની કહાની ભારતના MSMEની ક્ષમતાનો નોંધપાત્ર પુરાવો છે. મારી તાજેતરની નીલગીરીની મુલાકાત દરમિયાન, જે કંઈ સામે આવ્યું તે તમે અહીં જોઈ શકો છો.

વાયનાડ જતી વખતે મોડીઝ ચોકલેટ ફેક્ટરીની મુલાકાત લીધી
કોંગ્રેસના નેતાએ કહ્યું કે MSME ને બચાવવા માટે ઔદ્યોગિક કેન્દ્રો બનાવવા અને સિંગલ GST દર લાગુ કરવો ખૂબ જ મહત્વપૂર્ણ છે. તમને જણાવી દઈએ કે રાહુલ ગાંધીએ આ મહિનાની શરૂઆતમાં લોકસભાની સદસ્યતા પુનઃસ્થાપિત કર્યા પછી તેમના સંસદીય મતવિસ્તાર વાયનાડ જતા સમયે ઉટીની સૌથી પ્રખ્યાત બ્રાન્ડ્સમાંથી એક - મોડીઝ ચોકલેટ ફેક્ટરીની મુલાકાત લીધી હતી.

રાહુલ ગાંધી ચોકલેટ બનાવતી મહિલાઓને મળ્યા
રાહુલ ગાંધીએ કહ્યું કે, તાજેતરમાં વાયનાડની મુલાકાત વખતે, મને ઉટીની સૌથી પ્રખ્યાત બ્રાન્ડ પૈકીની એક મોડીઝ ચોકલેટ્સની મુલાકાત લેવાની તક મળી. આ નાના વ્યવસાય પાછળ મુરલીધર રાવ અને સ્વાતિજીની જે ભાવના છે તે ખૂબ જ પ્રેરણાદાયી છે. કામ કરતી તમામ મહિલાઓની ટીમ પણ નોંધપાત્ર છે. 70 મહિલાઓની આ સમર્પિત ટીમ સૌથી શ્રેષ્ઠ ચોકલેટ બનાવે છે, જે મે અત્યાર સુધીમાં ચાખી છે.

તેમણે કહ્યું કે, ભારતના અસંખ્ય નાના અને મધ્યમ ઉદ્યોગોની જેમ મોડીઝ પણ GSTના બોજથી ઝઝૂમી રહ્યો છે. આવી સ્થિતિમાં, સરકાર એમએસએમઈને નુકસાન કરીને મોટી કંપનીઓની તરફેણ કરી રહી હોય તેવું લાગી રહ્યું છે. તેમણે કહ્યું કે મહિલાઓની આગેવાની હેઠળની આવી ટીમો તમામ સંભવિત સમર્થનને પાત્ર છે.