રાહુલ ગાંધીએ પહેલગામ હુમલાના પીડિતો સાથે કરી મુલાકાત, કહ્યું,  'આપણે બધા આતંકવાદ સામે એકજૂટ' 

કોંગ્રેસ સાંસદ રાહુલ ગાંધી શુક્રવારે (25 એપ્રિલ, 2025) શ્રીનગરની મુલાકાતે પહોંચ્યા હતા. આ દરમિયાન તેઓ પહેલગામ આતંકવાદી હુમલાના પીડિતોને મળ્યા હતા.

રાહુલ ગાંધીએ પહેલગામ હુમલાના પીડિતો સાથે કરી મુલાકાત

Source : PTI

શ્રીનગર: કોંગ્રેસ સાંસદ રાહુલ ગાંધી શુક્રવારે (25 એપ્રિલ, 2025) શ્રીનગરની મુલાકાતે પહોંચ્યા હતા. આ દરમિયાન તેઓ પહેલગામ આતંકવાદી હુમલાના પીડિતોને મળ્યા હતા. તેમણે ઘાયલોની સ્થિતિ વિશે પૂછપરછ કરી અને રાહુલ ગાંધીએ જમ્મુ-કાશ્મીરના મુખ્યમંત્રી ઓમર અબ્દુલ્લા અને નેશનલ કોન્ફરન્સના નેતા ફારુક અબ્દુલ્લાને પણ મળ્યા.

કોંગ્રેસના એક્સ એકાઉન્ટ પરથી રાહુલ ગાંધી પીડિતોને મળ્યા તેની તસવીરો શેર કરવામાં આવી અને લખ્યું કે પહેલગામમાં આતંકવાદી ઘટના માનવતા પર હુમલો છે, પ્રેમ અને ભાઈચારાને નષ્ટ કરવાનો શરમજનક પ્રયાસ છે. આપણે બધા આતંકવાદ સામે એકજૂટ છીએ. આપણે સાથે મળીને નફરતની આ શક્તિઓને જડબાતોડ જવાબ આપવો જોઈએ.

नेता विपक्ष श्री @RahulGandhi ने पहलगाम हमले में घायल हुए लोगों और पीड़ित परिवारों से मुलाकात की।

पहलगाम में हुई आतंकी घटना मानवता पर प्रहार है, मोहब्बत और भाईचारे को मिटाने की एक शर्मनाक कोशिश है।

आतंक के खिलाफ हम सभी एकजुट हैं। हमें साथ मिलकर इन नफरती ताकतों को करारा जवाब… pic.twitter.com/inPUQVBfrp

— Congress (@INCIndia) April 25, 2025

રાહુલ ગાંધીએ કહ્યું કે જમ્મુ-કાશ્મીરના તમામ લોકો આ ઘટનાથી શરમ અનુભવે છે. તેમણે કહ્યું કે 24 એપ્રિલે સર્વપક્ષીય બેઠક યોજાઈ હતી, જેમાં તમામ વિરોધ પક્ષોએ સર્વસંમતિથી આ ઘટનાની નિંદા કરી હતી. તેમણે કહ્યું કે આ સમયે આખો દેશ એક સાથે ઉભો છે. ભાઈને ભાઈ સાથે લડાવવા માટે આ ઘટના બની છે. તેમણે કહ્યું કે જમ્મુ અને કાશ્મીર ભારતનો અભિન્ન અંગ છે અને સરકાર જે પણ પગલા ભરે છે અમે તેની સાથે છીએ.

લોકસભામાં વિપક્ષના નેતા રાહુલ ગાંધીએ કહ્યું કે આતંકવાદ સામે આખો દેશ એક સાથે ઊભો છે. તેમણે કહ્યું કે તેઓ સીએમ ઓમર અબ્દુલ્લાને મળ્યા અને સ્થિતિ વિશે પૂછ્યું. પહેલગામ હુમલા પર તેમણે કહ્યું, "આ એક દુઃખદ ઘટના છે... જમ્મુ-કાશ્મીરના તમામ લોકોએ આ આતંકવાદી હુમલાની નિંદા કરી છે. આ સ્થિતિમાં કાશ્મીરના લોકો સંપૂર્ણ રીતે ભારતની સાથે છે."

કોંગ્રેસ નેતાએ કહ્યું, "આ એક ભયાનક દુર્ઘટના છે. હું એ જોવા માટે આવ્યો છું કે શું  થઈ રહ્યું છે. જમ્મુ અને કાશ્મીરના તમામ લોકોએ આ આતંકવાદી ઘટનાની નિંદા કરી છે. તેમણે આ મુશ્કેલ સમયમાં સંપૂર્ણ સમર્થન આપ્યું છે. હું ઘાયલોને મળ્યો છું." તેમણે કહ્યું કે આ હુમલા પાછળનો ઈરાદો આપણને વિભાજીત કરવાનો છે. સાથે ઊભા રહીને આ લોકોને હરાવવાની આપણી ફરજ છે.