'યુવાનોના ભવિષ્ય સાથે ગુનો...'NEET પેપર લીકને લઈ ગુસ્સામાં રાહુલ ગાંધી, જાણો શું બોલ્યા?

તેમણે કહ્યું કે  "ભ્રષ્ટ ભાજપ વ્યવસ્થાએ" એ 22 લાખથી વધુ વિદ્યાર્થીઓની મહેનત, બલિદાન અને સપનાઓને કચડી નાખ્યા છે.

રાહુલ ગાંધી

Source : PTI

Show Quick Read

Key points generated by AI, verified by newsroom

• રાહુલ ગાંધીએ NEET-UG 2026 રદ થવા પર સરકાર પર કર્યો પ્રહાર.
• પેપર લીક, સરકારી બેદરકારીથી વિદ્યાર્થીઓના ભવિષ્ય પર પ્રશ્નાર્થ.
• વિદ્યાર્થીઓ માનસિક તણાવ, નાણાકીય બોજ અને અનિશ્ચિતતાનો સામનો કરશે.

રાહુલ ગાંધીએ NEET-UG 2026 ની પરીક્ષા રદ કરવાને લઈ કેન્દ્ર સરકાર અને ભાજપ પર આકરા પ્રહારો કર્યા છે.  તેમણે કહ્યું કે  "ભ્રષ્ટ ભાજપ વ્યવસ્થાએ" એ 22 લાખથી વધુ વિદ્યાર્થીઓની મહેનત, બલિદાન અને સપનાઓને કચડી નાખ્યા છે. તેમણે આરોપ લગાવ્યો કે પેપર લીક  સરકારી બેદરકારી અને શિક્ષણ પ્રણાલીમાં વ્યાપક ભ્રષ્ટાચારે વિદ્યાર્થીઓના ભવિષ્યને દાવ પર લગાવી દીધું છે.

NEET 2026 की परीक्षा रद्द हो गयी।

22 लाख से ज़्यादा छात्रों की मेहनत, त्याग और सपनों को इस भ्रष्ट भाजपाई व्यवस्था ने कुचल दिया।

किसी पिता ने कर्ज़ लिया,
किसी माँ ने गहने बेचे,
लाखों बच्चों ने रात-रात भर जागकर पढ़ाई की,

और बदले में मिला, पेपर लीक, सरकारी लापरवाही और शिक्षा में…

— Rahul Gandhi (@RahulGandhi) May 12, 2026

વિદ્યાર્થીઓની મહેનત પર પ્રશ્નો ઉભા થયા

રાહુલ ગાંધીએ કહ્યું કે કેટલાક પિતાઓએ તેમના બાળકોના શિક્ષણ માટે લોન લીધી, કેટલીક માતાઓએ તેમના ઘરેણાં વેચી દીધા, જ્યારે લાખો વિદ્યાર્થીઓએ તૈયારી માટે અથાક મહેનત કરી. પરંતુ બદલામાં તેમને પેપર લીક અને અરાજકતા મળી. તેમણે આ  માત્ર વહીવટી નિષ્ફળતા નહીં પરંતુ યુવાનોના ભવિષ્ય સાથે "ગુનો" ગણાવ્યો.

પેપર માફિયાઓ પર નિશાન સાધ્યું

કોંગ્રેસ નેતાએ કહ્યું કે જ્યારે પણ પેપર માફિયા છટકી જાય છે, ત્યારે પ્રામાણિક વિદ્યાર્થીઓ પરિણામ ભોગવે છે. તેમના મતે શિક્ષણ પ્રણાલીમાં ચાલી રહેલી અનિયમિતતાઓ વિદ્યાર્થીઓના વિશ્વાસને ખતમ કરી રહી છે.

વિદ્યાર્થીઓ પરનો બોજ ફરી વધશે

રાહુલ ગાંધીએ કહ્યું કે પરીક્ષાઓ રદ થવાથી લાખો વિદ્યાર્થીઓ ફરી એકવાર માનસિક તણાવ, નાણાકીય બોજ અને અનિશ્ચિતતાનો સામનો કરશે. તેમણે પ્રશ્ન કર્યો કે જો સખત મહેનતને બદલે પૈસા અને પ્રભાવ તેમનું ભવિષ્ય નક્કી કરે છે તો શિક્ષણનો અર્થ શું રહેશે. રાહુલ ગાંધીએ પ્રધાનમંત્રી નરેન્દ્ર મોદી પર પણ નિશાન સાધતા કહ્યું કે સરકારનું તથાકથિત "અમૃતકાળ"દેશના યુવાનો માટે "વિષકાળ" બની ગયો છે. 

આ પણ વાંચો- NEET 2026 પરીક્ષા રદ, ફરીથી ફોર્મ ભરવાની જરૂર નથી, જાણો NTA એ શું કહ્યું?

 NEET UG 2026 માં કુલ ઉમેદવારો: 22.79 લાખ લોકોએ પરીક્ષા આપી. આ વખતે 5,432 પરીક્ષા કેન્દ્રો હતા. કુલ શહેરો: ભારતમાં 551 શહેરો અને વિદેશમાં 14 શહેરો. પરીક્ષા કેન્દ્રોની સ્વતંત્ર દેખરેખ માટે 6,000 થી વધુ નિરીક્ષકો તૈનાત કરવામાં આવ્યા હતા. 674 શહેર સંયોજકો શહેર-સ્તરીય કામગીરીનું નિરીક્ષણ કરે છે. પરીક્ષાનું સુચારુ સંચાલન સુનિશ્ચિત કરવા માટે 200,000 થી વધુ કર્મચારીઓ તૈનાત કરવામાં આવ્યા હતા.