Raja Raghuvanshi murder case: રાજા રઘુવંશી હત્યા પહેલાનો બીજો વીડિયો આવ્યો સામે, ત્રણેય આરોપીઓ તેમની પાછળ....

ફોટોગ્રાફર દેવ સિંહ દ્વારા શેર કરાયેલો નવો વીડિયો મેઘાલય પોલીસને તપાસમાં મદદરૂપ થઈ શકે છે; શિલોંગના ટ્રેક પર રાજા અને સોનમનો છેલ્લો વીડિયો, જેમાં શંકાસ્પદ આરોપીઓ પણ દેખાય છે.

રાજા રઘુવંશીની હત્યા પહેલાનો બીજો નવો વીડિયો આવ્યો સામે

Source : @m_devsingh

Raja Raghuvanshi murder case: ઇન્દોરના રાજા રઘુવંશીની શિલોંગમાં થયેલી હત્યાનો મામલો વધુ ગૂંચવાઈ રહ્યો છે. તાજેતરમાં રાજા રઘુવંશીની હત્યા પહેલાનો એક વીડિયો સોશિયલ મીડિયા પર વાયરલ થયો હતો. હવે, આ જ ઘટનાનો બીજો વીડિયો સામે આવ્યો છે, જેણે આ કેસમાં નવા રહસ્યો ખોલ્યા છે. આ વીડિયો ફોટોગ્રાફર દેવ સિંહ દ્વારા પોસ્ટ કરવામાં આવ્યો છે, જેમણે અગાઉ રાજા રઘુવંશી અને સોનમનો એક વીડિયો શેર કર્યો હતો જેમાં સોનમ સફેદ શર્ટમાં અને રાજા ટ્રેકિંગ સૂટમાં જોવા મળે છે. આ બંને વીડિયો શિલોંગના ટ્રેકના છે, ખાસ કરીને ડબલ ડેકર રૂટ બ્રિજ તરફ જતી વખતે 23 મે, 2025ના રોજ તેમના કેમેરામાં કેદ થયા હતા.

દેવ સિંહે જણાવ્યું કે તેઓ તાજેતરમાં તેમની મેઘાલય યાત્રાના કેટલાક વીડિયો જોઈ રહ્યા હતા, ત્યારે તેમને આ ચોંકાવનારો ફૂટેજ મળ્યો. આ નવા વીડિયોમાં સોનમ રઘુવંશી અને રાજા રઘુવંશીને એકસાથે જોઈ શકાય છે. દેવે પુષ્ટિ કરી કે આ વીડિયો તે જ દિવસનો છે જ્યારે સોનમ અને તેના સાથીઓએ રાજાની હત્યા કરી હતી. ઇન્સ્ટાગ્રામ પર વીડિયો શેર કરતા દેવે લખ્યું છે કે, "હું 23 મે 2025 ના રોજ મેઘાલયના ડબલ ડેકર રૂટ બ્રિજની મુલાકાત લેવા ગયો હતો. ગઈકાલે જ્યારે હું ત્યાં વીડિયો જોઈ રહ્યો હતો, ત્યારે મને ઇન્દોર દંપતીનો વીડિયો મળ્યો. આ સવારે 9:45 વાગ્યાની આસપાસનો વીડિયો છે, જ્યારે અમે નીચે જઈ રહ્યા હતા અને ઇન્દોર દંપતી નોંગરિયાટ ગામમાં રાત વિતાવ્યા પછી ઉપર જઈ રહ્યા હતા."

દેવે આગળ લખ્યું કે, "મને લાગે છે કે આ આ કપલનો છેલ્લો વીડિયો છે. સોનમ એ જ સફેદ શર્ટ પહેરી છે જે રાજાના મૃતદેહ પાસેથી મળી આવ્યો હતો. મને આશા છે કે આ વીડિયો મેઘાલય પોલીસને તપાસમાં મદદ કરશે."

 

 

 

 

 

View this post on Instagram

 

 

 

 

 

 

 

 

 

 

 

A post shared by Dev (@m_devsingh)

આ વીડિયો ઉપરાંત, દેવે દાવો કર્યો છે કે તેની પાસે બીજો એક વીડિયો પણ છે, જેમાં રાજાની હત્યા કરનારા ત્રણ આરોપીઓ પણ જોઈ શકાય છે. આ આરોપીઓ સોનમ અને રાજાના 20 મિનિટ પહેલા ચઢવાનું શરૂ કરી દીધું હતું, જે સૂચવે છે કે તેઓ કદાચ તેમનો પીછો કરી રહ્યા હતા અથવા ઘટનાને અંજામ આપવા માટે યોગ્ય સમયની રાહ જોઈ રહ્યા હતા.

નોંધનીય છે કે, સોનમ રઘુવંશીએ 23 માર્ચ, 2025ના રોજ શિલોંગમાં તેના પતિ રાજા રઘુવંશીની હત્યા કરાવી હતી. આ ષડયંત્રનો માસ્ટરમાઇન્ડ સોનમનો પ્રેમી રાજ કુશવાહ હતો. સોનમ અને રાજા પછી રાજે તેના ત્રણ મિત્રોને શિલોંગ મોકલ્યા હતા, જેમણે રાજાની હત્યા કરી અને તેનો મૃતદેહ ખાડામાં ફેંકી દીધો હતો. મેઘાલય પોલીસે 2 જૂનના રોજ રાજાનો મૃતદેહ શોધી કાઢ્યો હતો અને ત્યારથી આ કેસમાં તપાસ ચાલી રહી છે. આ નવા વીડિયોઝ પોલીસ તપાસમાં મહત્ત્વપૂર્ણ પુરાવા બની શકે છે.