Republic Day 2023: ગૂગલે 74મા ગણતંત્ર દિવસને બનાવ્યો ખાસ, આજનો Google ડૂડલ જોઈને તમારો દિવસ બની જશે

ભારત આજે 26 જાન્યુઆરીએ તેનો 74મો ગણતંત્ર દિવસ ઉજવી રહ્યું છે. પરેડમાં દર વખતની જેમ આ વખતે પણ અનેક રાજ્યોના ટેબ્લો સામેલ કરવામાં આવશે.

ગૂગલ-ડૂડલ (ફોટો સોર્સ- ગૂગલ)

Google Doodle On Republic Day: આજે દેશ બંધારણના સન્માનમાં 74મો ગણતંત્ર દિવસ ઉજવી રહ્યો છે. Google દરેક ખાસ પ્રસંગની ઉજવણી માટે ડૂડલ બનાવે છે. આજે ગણતંત્ર દિવસ નિમિત્તે ગૂગલે એક શાનદાર ડૂડલ બનાવીને દેશવાસીઓને ગણતંત્ર દિવસની શુભેચ્છા પાઠવી છે. ગૂગલે પોતાના હોમપેજ પર એનિમેશનના માધ્યમથી ખાસ રીતે ડૂડલ બનાવ્યું છે.

આવો જાણીએ કેવું છે આ ડૂડલ...

ગૂગલે બનાવેલા આ ડૂડલમાં કર્તવ્ય પથ દેખાઈ રહ્યો છે. આ માર્ગની એક તરફ ઘોડા પર સવાર સૈનિકો અને બીજી તરફ સૈનિકોનું પરાક્રમ દેખાય છે, જે ભારતની તાકાત દર્શાવે છે. આ ડૂડલ દ્વારા ગૂગલે તમામ ભારતીયોને ગણતંત્ર દિવસની શુભેચ્છા પાઠવી છે.

સવારે 10.30 કલાકે કર્તવ્ય પથ પર સમારોહ

ભારત આજે 26 જાન્યુઆરીએ તેનો 74મો ગણતંત્ર દિવસ ઉજવી રહ્યું છે. પરેડમાં દર વખતની જેમ આ વખતે પણ અનેક રાજ્યોના ટેબ્લો સામેલ કરવામાં આવશે. આ સાથે વાયુસેનાના 50 વિમાન પોતાની તાકાત બતાવશે. આ વર્ષે ઇજિપ્તના રાષ્ટ્રપતિ અબ્દેલ ફતહ અલ-સીસી પ્રજાસત્તાક દિવસની ઉજવણીના મુખ્ય અતિથિ હશે. જો કે આ વખતે ગણતંત્ર દિવસ પર તમને ઘણી નવી વસ્તુઓ પણ જોવા મળશે. કારણ કે, પ્રથમ વખત ગણતંત્ર દિવસની પરેડ કર્તવ્ય પથ પરથી પસાર થશે. પહેલા આ જગ્યા રાજપથ તરીકે જાણીતી હતી. પરંતુ આ વખતે ભારત સરકારે આ જગ્યાનો વિકાસ કરીને તેનું નામ કર્તવ્ય પથ રાખ્યું છે. તેથી ગણતંત્ર દિવસની પરેડ રાજપથ પર નહીં, પરંતુ કર્તવ્ય પથ પર યોજાશે.

આ પ્રથમ વખત હશે જ્યારે VVIPs પ્રજાસત્તાક દિવસની પરેડ જોવા માટે પ્રથમ લાઇનમાં નહીં હોય. આ વખતે રિક્ષાચાલકો, ફૂટપાથના દુકાનદારો, કર્તવ્ય પથને બનાવનારા  મજૂરો અને તેમના સંબંધીઓ પ્રથમ હરોળમાં બેસશે. ભારત સરકારે તેમને શ્રમજીવી નામ આપ્યું છે. અગાઉ પ્રજાસત્તાક દિવસની પરેડની પ્રથમ હરોળ હંમેશા વીવીઆઈપી માટે અનામત રાખવામાં આવતી હતી, પરંતુ આ વખતે પ્રથમ હરોળમાં કાર્યકરોને જગ્યા આપવામાં આવશે.

આ સાથે સેન્ટ્રલ વિસ્ટા પ્રોજેક્ટમાં કામ કરતા મજૂરોનું પણ સન્માન કરવામાં આવશે. આ વખતે ગણતંત્ર દિવસ પર મહિલા શક્તિનું પ્રદર્શન થશે. સ્ક્વોડ્રન લીડર સિંધુ રેડ્ડી પ્રજાસત્તાક દિવસની પરેડ માટે ભારતીય વાયુસેનાની કૂચ ટુકડીનું નેતૃત્વ કરશે. આ સિવાય ઘણી માર્ચિંગ સ્ક્વોડ એવી હશે કે જેમાં માત્ર મહિલાઓ જ હશે. ખાસ વાત એ છે કે પ્રજાસત્તાક દિવસની પરેડમાં સેના સિવાય DRDO અને ભૂતપૂર્વ સૈનિકોની ઝાંખી પણ સામેલ કરવામાં આવશે.

અગ્નિવીરોને પણ પરેડમાં સામેલ કરવામાં આવશે. આ વર્ષે ઇજિપ્તના રાષ્ટ્રપતિની સાથે તેમના દેશની 120 સભ્યોની કૂચ ટુકડી પણ પ્રજાસત્તાક દિવસની ઉજવણીમાં પરેડમાં ભાગ લેશે. આ સાથે પ્રથમ વખત 105 એમએમ સ્વદેશી બંદૂકો સાથે 25 પાઉન્ડર ગનને બદલે 21 તોપોની સલામી આપવામાં આવશે. ફ્લાય પાસ્ટમાં ભાગ લેનારા 44 એરક્રાફ્ટમાં નવ રાફેલ જેટ અને લાઇટ એટેક હેલિકોપ્ટર સહિત અન્ય એરક્રાફ્ટ સામેલ હશે.