રશિયા ભારતને 2025 સુધીમાં સોંપશે S-400 મિસાઇલ સિસ્ટમ

ભારતના વિદેશમંત્રી એસ. જયશંકર ૨૨ અને ૨૩ માર્ચે રશિયા-ભારત અને ચીનની ત્રિપક્ષીય મંત્રણામાં હાજરી આપવાના છે.

નવી દિલ્હીઃ રશિયા ભારતને 2025 સુધીમાં તમામ S-૪૦૦ ડિફેન્સ મિસાઇલ્સ સિસ્ટમ્સ પૂરી પાડશે.રશિયાના ડેપ્યુટી ચીફ ઓફ મિશન રોમાન બકસ્કીએ આ  જાણકારી આપી હતી. તેમણે કહ્યું હતું કે, રશિયાએ ભારત માટે  S-૪૦૦ મિસાઇલ્સનું ઉત્પાદન  શરૂ કરી દીધું છે અને તે ભારતને ૨૦૨૫ સુધીમાં તમામ S-૪૦૦ ડિફેન્સ મિસાઇલ્સ સિસ્ટમ્સ પૂરી પાડશે.ભારતના વિદેશમંત્રી એસ. જયશંકર ૨૨ અને ૨૩ માર્ચે રશિયા-ભારત અને ચીનની  ત્રિપક્ષીય મંત્રણામાં હાજરી આપવાના છે. ડિફેન્સ મિસાઇલ સિસ્ટમ S-૪૦૦નું ઉત્પાદન આલ્માઝ- એન્ટિ દ્ધારા કરવામાં આવી રહ્યું છે. આ સિસ્ટમ એક સાથે ૩૬ નિશાન તાકી શકે છે. આ સિસ્ટમથી એક સાથે ૭૨ મિસાઇલ્સ છોડી શકાય છે. S-૪૦૦ મિસાઇલ્સ ખાસ કરીને S-૩૦૦ અને PMU-૨ એર ડિફેન્સ મિસાઇલ્સ આધારિત છે. હાલમાં આ ડિફેન્સ મિસાઇલ સિસ્ટમનો ઉપયોગ રશિયન આર્મી કરી રહી છે.આ મિસાઇલ્સ સિસ્ટમ ૬૦૦ કિ.મી. દૂર સુધી ટાર્ગેટને શોધી શકે છે. આ સિસ્ટમ સાથેની બેલેસ્ટિક મિસાઇલ્સ ૫થી ૬૦ કિ.મી. સુધી ટાર્ગેટને તોડી શકે છે.

Roman Babushkin, Russian Deputy Ambassador: We will give 5 S400 missiles defence system (to India) by 2025. Russia is possessing one of the world's best defence system and it would serve well for Indian security. pic.twitter.com/5EN8YVVX4N

— ANI (@ANI) January 17, 2020

નોંધનીય છે કે રશિયાએ ફરીવાર કાશ્મીર મુદ્દે ભારતનો સાથ આપ્યો હતો. રશિયાના રાજદૂત નિકોલ સુદશેવે કહ્યું હતું કે  કાશ્મીર એ ભારતનો આંતરિક મામલો છે અને તે ભારતનાં બંધારણના દાયરામાં આવે છે. ત્યાં સ્થિતિની સમીક્ષા કરવા માટે કાશ્મીરની મુલાકાત લેવાની જરૂર નથી. અમે કયારેય કાશ્મીર મુદ્દે શંકા વ્યકત કરી નથી.