Sonam Wangchuk: સોનમ વાંગચુકે ખતમ કરી ભૂખ હડતાળ, બાળકના હાથે જ્યૂસ પીધું, કહી આ વાત
Sonam Wangchuk: ભૂખ હડતાળને સમાપ્ત કરતા પહેલા, વાંગચુકે સવારે સોશિયલ મીડિયા એકાઉન્ટ 'X' પર એક વીડિયો શેર કર્યો હતો,
Sonam Wangchuk Hunger Strike Called Off: સામાજિક કાર્યકર્તા અને પર્યાવરણવાદી સોનમ વાંગચુક, જે લદ્દાખને સંપૂર્ણ રાજ્યનો દરજ્જો આપવાની માંગ સાથે 21 દિવસથી હડતાળ પર હતા. તેણે મંગળવારે (26 માર્ચ, 2024) ના રોજ પોતાની ભૂખ હડતાળ સમાપ્ત કરી દીધી છે. વાંગચુક છેલ્લા 21 દિવસથી માત્ર મીઠું અને પાણી લેતા હતા. તેણે એક બાળકના હાથમાંથી જ્યુસ પીને આમરણાંત ઉપવાસનો અંત આણ્યો હતો.
ન્યૂઝ એજન્સી ANI અનુસાર, વાંગચુકે કહ્યું કે અમે લદ્દાખમાં હિમાલયના પર્વતોની નાજુક ઇકોસિસ્ટમ અને અહીંની અનોખી સ્વદેશી આદિવાસી સંસ્કૃતિને બચાવવા માટે અમારો અવાજ ઉઠાવી રહ્યા છીએ અને આ લડાઈ ભવિષ્યમાં પણ ચાલુ રહેશે.
પીએમ મોદીને લદ્દાખ મુદ્દે હસ્તક્ષેપ કરવાની વિનંતી કરી
ભૂખ હડતાળને સમાપ્ત કરતા પહેલા, વાંગચુકે સવારે સોશિયલ મીડિયા એકાઉન્ટ 'X' પર એક વીડિયો શેર કર્યો હતો, જેમાં વડા પ્રધાન નરેન્દ્ર મોદી અને કેન્દ્રીય ગૃહ પ્રધાન અમિત શાહને લદ્દાખ સંબંધિત મુદ્દાઓને હસ્તક્ષેપ કરવા અને ઉકેલવા વિનંતી કરી હતી. વાંગચુકે એમ પણ કહ્યું હતું કે આજે તેમની ભૂખ હડતાલનો 21મો દિવસ છે પરંતુ હજુ સુધી કેન્દ્ર સરકાર દ્વારા લદ્દાખ મુદ્દે એક પણ શબ્દ બોલવામાં આવ્યો નથી.
#WATCH | Sonam Wangchuk, an engineer turned educational reformist called off his hunger strike today in Leh, Ladakh.
— ANI (@ANI) March 26, 2024
The hunger strike was for the statehood of Ladakh and the protection of the fragile Himalayan ecology. pic.twitter.com/TDjt2LUrIn
વાંગચુકને બરફીલા પહાડો પર લોકોનો સંપૂર્ણ સહયોગ મળ્યો
સોનમ વાંગચુક દ્વારા ભૂખ હડતાળ એવા સમયે કરવામાં આવી હતી જ્યારે લદ્દાખમાં તાપમાન -10 ડિગ્રી સેલ્સિયસ પર પહોંચી ગયું હતું. તેમની માંગણીઓને મોટી સંખ્યામાં લોકોનું સમર્થન પણ મળ્યું છે. લોકોએ સોમવાર (25 માર્ચ)ની રાત પણ તેમની સાથે લદ્દાખના બરફીલા પહાડોમાં વિરોધ સ્થળ પર સૂઈને વિતાવી હતી.
કોણ છે સોનમ વાંગચુક?
વાંગચુક લદ્દાખના પર્યાવરણ કાર્યકર્તા, મિકેનિકલ એન્જિનિયર અને શિક્ષક છે. તેઓ હિમાલયન ઇન્સ્ટિટ્યૂટ ઑફ ઓલ્ટરનેટિવ્સ, લદ્દાખ (HIAL) ના ડિરેક્ટર પણ છે. તેમને વર્ષ 2018માં મેગ્સેસે એવોર્ડ મળ્યો હતો. સોનમ વાંગચુકને ઘણા પ્રતિષ્ઠિત પુરસ્કારો મળ્યા છે, જેમાં રેમન મેગ્સેસે એવોર્ડનો સમાવેશ થાય છે. તેમને સંતોકબા માનવતાવાદી એવોર્ડથી પણ સન્માનિત કરવામાં આવ્યા છે.
બોલિવૂડની સુપરહિટ ફિલ્મ '3 ઈડિયટ્સ'માં મુખ્ય ભૂમિકા ભજવનાર આમિર ખાન એટલે કે 'રાંચો'નું પાત્ર તેના (સોનમ વાંગચુક)થી પ્રેરિત છે. આ ફિલ્મ 2009માં રીલિઝ થઈ હતી અને 'રાંચો'ની ભૂમિકા આજે પણ દરેકના મન અને હૃદયમાં મોજૂદ છે.
ટોપ સ્ટોરી
ટ્રેન્ડિંગ સમાચાર
