સુપ્રીમ કોર્ટનો મોટો નિર્ણય- દિવ્યાંગ ઉમેદવારોને IPS સહિત અન્ય નોકરી માટે અરજી જમા કરવાની આપી મંજૂરી

સુપ્રીમ કોર્ટે UPSC પરીક્ષા પાસ કરી ચૂકેલા દિવ્યાંગ ઉમેદવારોને IPS, રેલવે પ્રોટેક્શન ફોર્સ અને DANIPSમાં નોકરી માટે અરજી સબમિટ કરવાની પણ મંજૂરી આપી છે

IPS-Transfer

સુપ્રીમ કોર્ટે UPSC પરીક્ષા પાસ કરી ચૂકેલા દિવ્યાંગ ઉમેદવારોને IPS, રેલવે પ્રોટેક્શન ફોર્સ અને DANIPSમાં નોકરી માટે અરજી સબમિટ કરવાની પણ મંજૂરી આપી છે. કોર્ટે કહ્યું કે આ ઉમેદવારો 1 એપ્રિલે સાંજે 4 વાગ્યા સુધી UPSCમાં અરજી કરી શકે છે. કોર્ટે સ્પષ્ટ કર્યું કે આ વચગાળાનો આદેશ છે. અરજદારોને સેવામાં લેવામાં આવશે કે નહીં તે કોર્ટના અંતિમ આદેશ પર નિર્ભર રહેશે.

જસ્ટિસ એએમ ખાનવિલકર અને અભય એસ ઓકા ની બેન્ચે એનજીઓ નેશનલ પ્લેટફોર્મ ફોર ધ રાઇટ્સ દ્વારા દાખલ કરાયેલી રિટ પિટિશનમાં વચગાળાનો આદેશ આપ્યો હતો. ઉલ્લેખનીય છે કે IRMS ની 150 ખાલી જગ્યાઓમાંથી 6 અલગ-અલગ વિકલાંગ ઉમેદવારો માટે અનામત રાખવામાં આવી છે. IRMS ની નવી ખાલી જગ્યા માટેની લાયકાત એ જ છે, જે સિવિલ સર્વિસ પરીક્ષા 2022 માટે રાખવામાં આવી છે. 

સુપ્રીમ કોર્ટે શુક્રવારે એક વચગાળાનો આદેશ આપ્યો હતો. જેમાં શારીરિક રીતે અશક્ત વ્યક્તિઓને ભારતીય પોલીસ સેવા, ભારતીય રેલવે સુરક્ષા દળ સેવા અને દિલ્હી, દમણ અને દીવ, દાદરા અને નગર હવેલી, આંદામાન અને નિકોબાર ટાપુઓ અને લક્ષદ્વીપ પોલીસ સેવામાં ફરજ બજાવવાની પરવાનગી આપવામાં આવી હતી. પસંદગી માટે યુનિયન પબ્લિક સર્વિસ કમિશનને કામચલાઉ અરજી કરવા માટે મંજૂરી આપવામાં આવી છે.

ન્યાયમૂર્તિ એએમ ખાનવિલકર અને અભય એસ ઓકાની બેન્ચે વિકલાંગ વ્યક્તિઓના અધિકારો માટે એનજીઓ નેશનલ પ્લેટફોર્મ ફોર ધ રાઇટ્સ દ્વારા દાખલ કરાયેલી રિટ પિટિશનમાં આ વચગાળાનો આદેશ આપ્યો હતો. જેમાં આવા લોકોને આ સેવાઓમાંથી બાકાત રાખવા પડકાર ફેંકવામાં આવ્યો હતો.

UPSC એ 2 ફેબ્રુઆરીએ સિવિલ સર્વિસ પરીક્ષા 2022 ની સૂચના બહાર પાડી હતી, જેમાં આ વર્ષ માટે 861 જગ્યાઓ ખાલી હતી. જો કે, હવે રેલ્વેની 8 સેવાઓને મર્જ કરીને એક કેડર IRMS ગ્રુપ Aની રચના કરવામાં આવી છે અને આ ભરતી સિવિલ સર્વિસ પરીક્ષા દ્વારા કરવામાં આવશે. તાજેતરમાં તેનું જાહેરનામું બહાર પાડવામાં આવ્યું હતું.