Khatu Shyam Temple Stampede: રાજસ્થાનમાં ખાટુ શ્યામના મેળામાં નાસભાગ, ત્રણ મહિલા શ્રદ્ધાળુઓના મોત

ઘટનાની માહિતી મળતા જ પોલીસ-પ્રશાસન ઘટનાસ્થળે પહોંચી ગયું હતું અને રાહત કાર્ય શરૂ કર્યું હતું.

ખાટુશ્યામજીમાં બાબા શ્યામ મંદિર

Khatu Shyam Temple Stampede: રાજસ્થાનના પ્રખ્યાત ખાટુ શ્યામજીમાં બાબા શ્યામના માસિક મેળામાં સોમવારે સવારે નાસભાગ મચી ગઈ હતી. આ ઘટનામાં 3 મહિલા શ્રદ્ધાળુઓના મોત થયા હતા. વાસ્તવમાં, સવારે 5 વાગ્યે મંદિરના પ્રવેશદ્વાર ખોલતાની સાથે જ ભીડ વધી ગઈ, ભીડ બેકાબૂ બની ગઈ અને લોકો વચ્ચે નાસભાગ મચી ગઈ. આ અરાજકતામાં ત્રણ મહિલા ભક્તોના મોત થયા હતા જ્યારે ઘણા ભક્તો ઘાયલ થયા હતા. હાલ એક મહિલાની ઓળખ કરવામાં આવી છે.

ઘટનાની માહિતી મળતા જ પોલીસ-પ્રશાસન ઘટનાસ્થળે પહોંચી ગયું હતું અને રાહત કાર્ય શરૂ કર્યું હતું. હાલમાં આ નાસભાગમાં ઘાયલ થયેલા તમામ લોકોને નજીકની હોસ્પિટલમાં દાખલ કરવામાં આવ્યા છે.

એકાદશી નિમિત્તે ખાટુ શ્યામના દર્શન કરવા હજારો લોકો ઉમટી પડ્યા હતા. મોડી રાત્રે અગિયાર વાગ્યાથી મંદિરમાં ભારે ભીડ જોવા મળી હતી. પરંતુ નિયમ મુજબ રાત્રે અગિયાર વાગ્યે મંદિરના દરવાજા બંધ કરી દેવામાં આવ્યા હતા. મંદિરના દરવાજા સવારે ચાર વાગ્યે ખોલવાના હતા. આ દરમિયાન મંદિરમાં હજારો લોકો એકઠા થયા હતા. મંદિરમાં બાર વાગ્યા સુધી ભીડ હાજર રહી. સવારે ચાર વાગ્યે મંદિરના દરવાજા ખુલતાની સાથે જ અચાનક ભીડ બેકાબૂ બની ગઈ હતી. મંદિરમાં લાઇનમાંથી દર્શન કરી શકાય તેવી વ્યવસ્થા કરવા માટે સ્ટીલના બેરિકેડ અને રેલિંગ લગાવવામાં આવી છે. પરંતુ તેને પાર કરવા માટે એવી હરીફાઈ થઈ કે બે ડઝનથી વધુ મહિલાઓ અને બાળકો નીચે પડી ગયા. ટોળાને કાબુમાં લઈ શકાય ત્યાં સુધીમાં ત્રણ મહિલાઓના મોત થઈ ચૂક્યા હતા.

Rajasthan | Three people died, several injured at Khatu Shyamji Temple in Sikar where a stampede occurred during a monthly fair, earlier this morning. Two injured people referred to a hospital in Jaipur. Police present at the spot. Further details awaited. pic.twitter.com/bgnL9sRr1j

— ANI MP/CG/Rajasthan (@ANI_MP_CG_RJ) August 8, 2022

દર વર્ષે લાખો ભક્તો પહોંચે છે

આ મંદિર રાજસ્થાનના શેખાવતીના સીકર જિલ્લામાં આવેલું છે. દર વર્ષે વિશ્વના ખૂણે-ખૂણેથી કરોડો ભક્તો અહીં પહોંચે છે અને શ્યામ બાબાના દર્શન કરે છે. તમને જણાવી દઈએ કે ખાતુનું શ્યામ મંદિર ખૂબ જ પ્રાચીન છે, તેનો શિલાન્યાસ વર્ષ 1720માં કરવામાં આવ્યો હતો. મંદિરના આ પરિસરમાં દર વર્ષે બાબા ખાતુ શ્યામનો પ્રખ્યાત મેળો ભરાય છે.

 

Koo App

राजस्थान के सीकर स्थित खाटू श्यामजी के मेलें में भगदड़ मचने से श्रद्धालुओं की मृत्यु और कई श्रद्धालुओं के घायल होने का हृदय विदारक समाचार मिला है।ईश्वर मृतकों की आत्मा को शांति और शोकाकुल परिवारों को संबल प्रदान करें।घायल श्रद्धालुओं को शीघ्र स्वास्थ्य लाभ की कामना करता हूँ।

 

- Arjun Ram Meghwal (@ArjunRamMeghwal) 8 Aug 2022