UP: CM યોગી આદિત્યનાથની મોટી જાહેરાત- ત્રણ મહિના માટે ફરી લાગુ થશે મફત રાશન યોજના, 15 કરોડ લોકોને થશે ફાયદો
ઉત્તર પ્રદેશના મુખ્યમંત્રી યોગી આદિત્યનાથે શનિવારે કેબિનેટની બેઠક બાદ પ્રેસ કોન્ફરન્સ કરી હતી
UP Ration News: ઉત્તર પ્રદેશના મુખ્યમંત્રી યોગી આદિત્યનાથે શનિવારે કેબિનેટની ઔપચારિક બેઠક બાદ પ્રેસ કોન્ફરન્સ કરી હતી. આ દરમિયાન તેમણે રાશનની યોજના પર મોટી જાહેરાત કરી. સીએમ યોગીએ કહ્યું કે ફ્રી રાશનની યોજના આગામી ત્રણ મહિના સુધી ચાલુ રહેશે. તેમણે કહ્યું કે કેબિનેટની બેઠકમાં આ નિર્ણય લેવામાં આવ્યો છે. તેમણે કહ્યું કે માર્ચ 2022માં સમાપ્ત થનારી આ યોજના હવે જૂન 2022 સુધી ચાલુ રહેશે.
સીએમ યોગીએ કહ્યું કે 15 કરોડ લોકોને મફત રાશનનો લાભ મળતો રહેશે. સીએમ યોગીની જાહેરાત મુજબ, રાજ્યમાં અંત્યોદય કાર્ડ ધરાવતા લોકોને 35 કિલો અનાજ ઉપરાંત એક કિલો ખાંડ, કઠોળ, મીઠું અને એક લિટર તેલ મળતું રહેશે.
બીજી તરફ ડેપ્યુટી સીએમ કેશવ પ્રસાદ મૌર્યએ કહ્યું કે લોકોને સુવિધા આપતા રહેવાની જવાબદારી અમારી છે. તેમણે કહ્યું કે આજે મળેલી પ્રથમ કેબિનેટ બેઠકમાં અમે મફત રાશન યોજનાને આગામી 3 મહિના સુધી લંબાવી છે. આ માટે સરકાર 3,270 કરોડ રૂપિયા ખર્ચ કરશે. તેનાથી 15 કરોડ લોકોને ફાયદો થશે.
આ સિવાય મંત્રી રાકેશ સચાને કહ્યું કે 15 કરોડ લોકોને મળવાપાત્ર ફૂડ સ્કીમ વિશે એવું કહેવામાં આવી રહ્યું છે કે સરકાર બનશે તો બંધ થઈ જશે પણ એવું નહીં થાય. સરકાર ગરીબોના કલ્યાણ માટે પ્રતિબદ્ધ છે.નોંધનીય છે કે ગયા વર્ષે દિવાળીના અવસર પર સીએમ યોગી આદિત્યનાથે જાહેરાત કરી હતી કે ફ્રી રાશન યોજના માર્ચ 2022 સુધી ચાલુ રહેશે. બીજી તરફ સીએમ યોગી આદિત્યનાથે રાજ્યપાલ આનંદીબેન પટેલ સાથે મુલાકાત કરી હતી. આ દરમિયાન ધારાસભ્ય રમાપતિ શાસ્ત્રીએ પ્રોટેમ સ્પીકરના શપથ લેવડાવ્યા હતા.
Before You Go
Ahmedabad Crime: અમદાવાદના અમરાઈવાડી અંગત અદાવતમાં યુવકની હત્યા
ટોપ સ્ટોરી
ટ્રેન્ડિંગ સમાચાર
