Uttarkashi Tunnel Rescue : ટનલમાંથી બહાર આવ્યા તમામ 41 મજૂર, લાગ્યા ભારત માતા કી જયના નારા
Uttarkashi Tunnel Rescue Live:ઉત્તરાખંડના ઉત્તરકાશીમાં સિલક્યારા ટનલમાં ફસાયેલા મજૂરો 17 દિવસ બાદ બહાર આવ્યા છે.
Background
Uttarkashi Tunnel Rescue Live:ઉત્તરાખંડના ઉત્તરકાશીમાં સિલક્યારા ટનલમાં ફસાયેલા મજૂરોનો આજે 17મો દિવસ છે. છેલ્લા બે અઠવાડિયાથી નિર્માણાધીન સિલક્યારા-બડકોટ ટનલમાં ફસાયેલા 41 કામદારોને બહાર કાઢવા માટે વૈકલ્પિક માર્ગ તૈયાર કરવા માટે રવિવારે ટનલની ઉપરથી વર્ટિકલ 'ડ્રિલિંગ' શરૂ કરવામાં આવી હતી.
વર્ટિકલ ડ્રિલિંગનું કામ 36 મીટર સુધી પહોંચી ગયું છે. દરમિયાન નિષ્ણાતો 'રેટ હોલ માઇનિંગ' ટેકનિકનો ઉપયોગ કરીને કાટમાળને સાફ કરવા માટે સ્થળ પર પહોંચ્યા અને તેમનું કામ શરૂ કર્યું હતું. ઉત્તરાખંડમાં ચારધામ માર્ગ પર બનાવવામાં આવી રહેલી સાડા ચાર કિલોમીટરની ટનલનો એક ભાગ તૂટી પડવાને કારણે ફસાયેલા કામદારોના બહાર આવવાની વધતી જતી રાહ વચ્ચે વર્ટિકલ ડ્રિલિંગ એ પાંચ વિકલ્પોમાંથી એક છે જેના પર કામ શરૂ કરવામાં આવ્યું હતું.
ઉત્તરાખંડ સરકાર દ્વારા બચાવ કામગીરીમાં મદદ કરવા માટે નિયુક્ત નોડલ ઓફિસર નીરજ ખૈરવાલે સિલક્યારામાં મીડિયાને જણાવ્યું કે વહેલી સવાર સુધી કાટમાળની અંદર ફસાયેલા ઓગર મશીનના ભાગોને કાપીને બહાર કાઢવામાં આવ્યા હતા.
તેમણે કહ્યું કે ઓગર મશીનનો કેટલોક ભાગ પાઇપની અંદર ફસાઈ ગયું હતું અને હવે તેને પણ કાઢી નાખવામાં આવ્યો છે. અન્ય અધિકારીઓએ જણાવ્યું હતું કે હોરિઝોન્ટલ ડ્રિલિંગ કરતી અમેરિકન ઓગર મશીન તૂટી ગયાના એક દિવસ બાદ વર્ટિકલ ડ્રિલિંગ શરૂ કરવામાં આવ્યું હતું. તેમણે કહ્યું કે ટનલમાં ફસાયેલા કામદારો સુધી પહોંચવા માટે કુલ 86 મીટરનું વર્ટિકલ ડ્રિલિંગ કરવામાં આવશે અને તેમાં ચાર દિવસનો સમય લાગશે.
મજૂરોના પરિવારજનોને આશા છે કે ટનલની અંદર હાજર તમામ કામદારોને જલ્દીથી બહાર કાઢવામાં આવશે. સુરંગનો એક ભાગ તૂટી પડવાને કારણે કુલ 41 કામદારો ફસાયા છે અને તેમને બચાવવાની કામગીરી કોઈને કોઈ કારણસર અવરોધાઈ રહી છે.
Uttarkashi Tunnel Rescue Live: 10 કામદારોને બહાર કાઢવામાં આવ્યા
અત્યાર સુધીમાં 10 કામદારોને બહાર કાઢવામાં આવ્યા છે. એમ્બ્યુલન્સ ત્યાં હાજર છે. એકસાથે ચાર મજૂરોને બહાર કાઢવામાં આવી રહ્યા છે.
2 મજૂરોને બહાર કાઢવામાં આવ્યા
બચાવ કામગીરીની સફળતા બાદ મજૂરોના પરિવારજનો, બચાવ દળ અને વહીવટીતંત્રે રાહતનો શ્વાસ લીધો છે. હાલમાં એક પછી એક કામદારોને બહાર કાઢવામાં આવી રહ્યા છે. સમાચાર લખાય છે ત્યાં સુધી 2 કામદારોને બહાર કાઢવામાં આવ્યા છે.
ટોપ સ્ટોરી
ટ્રેન્ડિંગ સમાચાર
