અધમતાની ચરમસીમાઃ વોર્ડ બોયે બારણું બંધ કરીને કોરોનાની દર્દી યુવતી સાથે શરીર સંબંધ બાંધવા કર્યો પ્રયાસ ને...........

અડધી રાત્રે વોર્ડ બોયે રૂમને અંદરથી બંધ કરી કોવિડ પોઝિટિવ મહિલાના ચેકઅપના નામે તેની સાથે છેડછાડ કરી દુષ્કર્મ આચરવાનો પ્રયત્ન કર્યો હતો. જ્યારે મહિલાએ બૂમો પાડતા વોર્ડ બોય ત્યાંથી ભાગી છૂટ્યો હતો. આ ઘટના ગ્વાલિયરની લોટસ હોસ્પિટલના કોવિડ સેન્ટર ગોલ્ડન વિલેજની છે.

પ્રતીકાત્મક તસવીર

ગ્વાલિયરઃ દેશના અનેક રાજ્યોમાં કોરોનાથી (Coronavirus) કપરી સ્થિતિ છે. ગંભીર સ્થિતિ ધરાવતાં લોકો હોસ્પિટલમાં સારવાર લઈ રહ્યા છે. આ દરમિયાન મધ્ય પ્રદેશમાં કોવિડ હોસ્પિટલમાં (Covid Hospotal) દાખલ મહિના સાથે દુષ્કર્મનો પ્રયાસ કરવાની ઘટના સામે આવી છે. અડધી રાત્રે વોર્ડ બોયે (Ward Boy) રૂમને અંદરથી બંધ કરી કોવિડ પોઝિટિવ મહિલાના ચેકઅપના નામે તેની સાથે છેડછાડ કરી દુષ્કર્મ આચરવાનો પ્રયત્ન કર્યો હતો. જ્યારે મહિલાએ બૂમો પાડતા વોર્ડ બોય ત્યાંથી ભાગી છૂટ્યો હતો. આ ઘટના ગ્વાલિયરની લોટસ હોસ્પિટલના કોવિડ સેન્ટર ગોલ્ડન વિલેજની છે.

વોર્ડ બોયે મહિલાના દિકરા અને જેઠ સાથે પણ મારપીટ કર્યાનો આરોપ છે. આ ઘટનાની પોલીસ સ્ટેશનમાં ફરિયાદ નોંધાવવામાં આવી છે. પરિવારે કોવિડ હોસ્પિટલના ડો.પ્રશાંત અગ્રવાલ પર પણ આરોપીને બચાવવાનો અને ભગાડવાનો આરોપ મુક્યો છે. આરોપીની ધરપકડ કરી લેવામાં આવી છે.

શિવપુરીની વિવેકાનંદ કોલોનીમાં રહેતા 45 વર્ષિય મહિલાનો રિપોર્ટ કોરોના પોઝિટિવ આવ્યો હતો. 16 એપ્રિલની સાંજે ગ્વાલિયરની લોટસ હોસ્પિટલના કોવિડ સેન્ટર, ગોલ્ડન વિલેજ હોટલ હોસ્પિટલમાં દાખલ કરવામાં આવી હતી. અહીં શનિવારે સવારે મહિલાને ઓક્સિજન આપવામાં આવ્યો હતો. શનિવારે રાત્રે 11 વાગે વોર્ડ બોય વિવેક લોધી મહિલાના રૂમમાં પહોંચ્યો હતો. તેણે પૂછ્યું કે કેવુ લાગી રહ્યું છે. ત્યારે મહિલાએ કહ્યું કે ઠીક નથી.

ત્યારે વોર્ડ બોયે મહિલાના કપડાની ચેન ખોલી છેડછાડ કરવા લાગ્યો. પહેલા મહિલાને લાગ્યું કે આ પ્રકારે કોઈ તપાસ હશે,જે કોવિડ દર્દીની આ રીતે તપાસ કરવામાં આવતી હશે. પણ જ્યારે વોર્ડ બોય તેની મર્યાદા વટાવવા લાગ્યો તો તેણે વિરોધ કર્યો. તે રૂમમાંથી જતો રહ્યો. તે ફરી વખત 12 વાગે રૂમમાં આવ્યો. તેણે રૂમને અંદરથી બંધ કરી દીધો. તેણે ફરી મહિલાને પૂછ્યું કેવું લાગે છે. તો મહિલાએ કહ્યું કે ઠીક નથી. તુ જા અહીંથી. આરોપીએ હાર્ટ બીટ તો વધી નથી તે પૂછી મહિલા સાથે જબરદસ્તી શરૂ કદી દીધી. આ સંજોગોમાં મહિલા જોરજોરથી બૂમો પાડવા લાગી તો તે ભાગી છૂટ્યો.

 ઘટનાથી ગભરાઈ મહિલાએ ફોન કરી દિકરાને બોલાવ્યો. દિકરા તથા મહિલાના જેઠ ત્યાં પહોંચ્યા. જ્યારે મહિલાએ પૂરી ઘટના અંગે વાત કરી ત્યારે દિકરો હોસ્પિટલની નીચે આવ્યો તો બહાર આરોપી વિવેક લોધી ઉભો હતો. જ્યારે તેને પકડ્યો તો તેણે મહિલાના દિકરા અને જેઠ સાથે પણ મારઝૂડ કરી હતી. આ સંજોગોમાં હોસ્પિટલના ડોક્ટર તથા સ્ટાફ ત્યાં આવી જતા તેને ભગાડી દેવામાં આવ્યો હતો.

 
આરોપી સાથે છેડછાડ અને દુષ્કર્મનો પ્રયાસ કરનાર આરોપીની વિવેક લોધીની ધરપકડ કરી લેવામાં આવી છે. ડો.પ્રશાંત અગ્રવાલ પર લગાવવામાં આવેલ આરોપની પણ તપાસ કરવામાં આવી રહી છે.