'અમને અમારા લોકોએ આપ્યો દગો, પ્રથમ દિવસથી જ સરકાર....' ઉદ્ધવના રાજીનામા બાદ સંજય રાઉતે પ્રથમવાર આપી પ્રતિક્રિયા
ઉદ્ધવ ઠાકરેના રાજીનામા બાદ શિવસેનાના સાંસદ સંજય રાઉતે પ્રથમવાર પ્રતિક્રિયા આપી છે
Sanjay Raut:ઉદ્ધવ ઠાકરેના રાજીનામા બાદ શિવસેનાના સાંસદ સંજય રાઉતે પ્રથમવાર પ્રતિક્રિયા આપી છે. સંજય રાઉતે કહ્યું હતું કે જ્યારે પણ મહારાષ્ટ્રમાં નવી સરકાર આવે છે ત્યારે તેમની પાસેથી એવી અપેક્ષા રાખવામાં આવે છે કે તેઓ રાજ્યના હિત માટે કામ કરે. તમામ પક્ષો તેને સમર્થન આપશે. જો કે તેમણે વધુમાં જણાવ્યું હતું કે અમને અમારા જ લોકો દ્વારા દગો આપવામાં આવ્યો છે. અમારા લોકોએ જ પીઠમાં ખંજર ભોંક્યુ છે.
તેમણે વધુમાં કહ્યું કે આજે મેં બળવાખોર ધારાસભ્યો સાથે વાત કરી હતી (હું નામ નહીં આપીશ). શિવસેનાના ધારાસભ્યો પર દબાણ કરવામાં આવ્યું છે. હવે સવાલ એ છે કે જે લોકોએ શિવસેના સામે બળવો કર્યો, શું તેમના નેતા મુખ્યમંત્રી બનશે? તેમણે વધુમાં કહ્યું કે, એકનાથ શિંદે કટ્ટર શિવસૈનિક છે. તેમણે ઘણા વર્ષોથી પાર્ટીમાં કામ કર્યું છે. હવે જો તેઓ ભાજપ સાથે જશે તો તેમને શુભકામના છે.
જો કે, તેમણે ભાજપ પર કટાક્ષ કરતા કહ્યું હતું કે, હું જાણું છું કે આ બધા પાછળ કોણ છે. ખરેખર કોનો હાથ છે? રાઉતે કહ્યું કે આખો દેશ જાણે છે અને જોઈ રહ્યો છે.
સંજય રાઉતે વધુમાં કહ્યું કે આ બાળાસાહેબની શિવસેના છે. અમે અમારું કામ કરતા રહીશું અને બાળાસાહેબના માર્ગ પર ચાલીશું. તેમણે કહ્યું કે અમે સત્તા માટે નથી બન્યા, સત્તા અમારા માટે બનાવવામાં આવી છે. હવે અમે અમારા કામના કારણે ફરીથી સત્તા પર આવીશું.
હું ED સમક્ષ જઈશ
EDની નોટિસ પર બોલતા રાઉતે કહ્યું હતુ કે હું કાલે ED સમક્ષ જઈશ. તેમણે કહ્યું કે, સરકાર બને કે ના બને.ઈડી જે પણ કાર્યવાહી કરશે, હું ઈડી સમક્ષ જઈશ. તેમણે કહ્યું કે, મેં હમણાં જ શરદ પવાર સાથે વાત કરી છે. તેમણે મને કહ્યું હતું કે અમે બધા તમારી સાથે છીએ. તેથી જ હું ડરતો નથી.
ટ્રેન્ડિંગ સમાચાર
ટોપ સ્ટોરી
