મુખ્યમંત્રી મમતા બેનર્જી સાથે તેજસ્વી યાદવે કરી મુલાકાત, કહ્યું-TMCને જીતાડવા પૂરી તાકાત લગાવશે

પશ્ચિમ બંગાળમાં યોજાનારી વિધાનસભા ચૂંટણીમાં લાલૂ પ્રસાદ યાદવની પાર્ટી રાષ્ટ્રીય જનતા દળ મેદાનમાં ઉતરશે. બંગાળમાં આરજેડીએ તૃણમૂલ કોંગ્રેસનું સમર્થન આપવાની જાહેરાત કરી છે.

કોલકાતા: પશ્ચિમ બંગાળમાં યોજાનારી વિધાનસભા ચૂંટણીમાં લાલૂ પ્રસાદ યાદવની પાર્ટી રાષ્ટ્રીય જનતા દળ મેદાનમાં ઉતરશે. બંગાળમાં આરજેડીએ તૃણમૂલ કોંગ્રેસનું સમર્થન આપવાની જાહેરાત કરી છે. સોમવારે નેતા વિપક્ષ તેજસ્વી યાદવએ મુખ્યમંત્રી મમતા બેનર્જી સાથે નબન્નામાં મુલાકાત કરી હતી. આ મુલાકાત બાદ તેજસ્વીએ જાહેરાત કરતા કહ્યું TMCને જીતાડવા પૂરી તાકાત લગાવશે, જ્યાં પણ જરૂર પડે અમે મમતા બેનર્જીની સાથે છીએ.

બંગાળના મુખ્યમંત્રી મમતા બેનર્જી સાથે મુલાકાત બાદ તેજસ્વી યાદવે મીડિયા સાથે વાત કરતા તેમના સવાલોના જવાબ આપ્યા હતા. તેજસ્વી યાદવે કહ્યુ કે, જ્યાં જરૂર પડશે અમે મમતા બેનર્જી સાથે છીએ. અમારો પ્રથમ પ્રયાસ ભાજપને બંગાળમાં આવતા રોકવામાં આવે. મમતા બેનર્જીને જીતાડવા માટે અમે તમામ પ્રયાસ કરીશું. ભાજપે દેશના લોકોને છેતરવાનું કામ કર્યું છે. આરજેડી નેતાએ કહ્યું કે, મમતા બેનર્જીને વિધાનસભા ચૂંટણીમાં પૂર્ણ સમર્થન આપવા માટેનો નિર્ણય રાજદ સુપ્રીમો લાલૂ પ્રસાદ યાદવે કર્યો છે, તેમનો નિર્ણય છે કે બંગાળમાં રાજદ, ટીએમસીનું સમર્થન કરે. તેજસ્વી યાદવે કહ્યુ કે, અમારી પ્રાથમિકતા અને પ્રથમ પ્રયાસ ભાજપને બંગાળમાં આવતા રોકવામાં આવે.