Video: અમેઠીના સાંસદ કિશોરી લાલના પત્ની કરી રહ્યા હતા રાહુલ ગાંધીના વખાણ, ત્યારે જ સોનિયા ગાંધીએ કહ્યું, 'ક્યુકી મેં શેરની હું'
Lok Sabha Election Result 2024: લોકસભા ચૂંટણી 2024ના પરિણામો બાદ કોંગ્રેસ પાર્ટીમાં નવો જીવ આવ્યો છે. કોંગ્રેસના આગેવાનો તેમજ તેના સમર્થકોમાં ઉત્સાહનો માહોલ છે.
Sonia Gandhi Video: ઉત્તર પ્રદેશમાં લોકસભા ચૂંટણી 2024ના પરિણામો ભાજપ માટે ખરાબ હતા ત્યારે કોંગ્રેસ માટે સારા સમાચાર લઈને આવ્યા હતા. અમેઠી અને રાયબરેલીની લોકસભા બેઠકો સારા માર્જિનથી જીત્યા પછી, પાર્ટીનો આત્મવિશ્વાસ ઉચ્ચ સ્તરે છે. આ જ ક્રમમાં કોંગ્રેસના પૂર્વ અધ્યક્ષ સોનિયા ગાંધી પણ આ જીતથી ઉત્સાહિત છે. તેનો એક વીડિયો સામે આવ્યો છે જેમાં તે રાહુલ ગાંધી, પ્રિયંકા ગાંધી અને અમેઠીના સાંસદ કિશોરી લાલ શર્મા સાથે જોવા મળી રહ્યા છે.
श्रीमती शर्मा: आपने शेर बच्चा पैदा किया है
— Supriya Shrinate (@SupriyaShrinate) June 7, 2024
सोनिया जी : क्योंकि मैं शेरनी हूँ
🔥🔥🔥🔥🔥🔥👌👌🐯🐅 pic.twitter.com/ALlne2Gwev
અમેઠીમાં જીત બાદ, કિશોરી લાલ શર્માની સોનિયા ગાંધી, રાહુલ ગાંધી અને પ્રિયંકા ગાંધી સાથેની મુલાકાતનો વીડિયો કોંગ્રેસના પ્રવક્તા સુપ્રિયા શ્રીનેતે તેના સોશિયલ મીડિયા પ્લેટફોર્મ X (અગાઉ ટ્વિટર) પર શેર કર્યો હતો. જેમાં બધા હસી મજાક કરતા જોવા મળે છે. આ દરમિયાન, અંતે, કિશોરી લાલની પત્નીએ રાહુલ ગાંધીના વખાણ કર્યા અને સોનિયા ગાંધીને કહ્યું કે તેણે સિંહના બચ્ચાને જન્મ આપ્યો છે. જવાબમાં સોનિયા ગાંધીએ કહ્યું, કારણ કે હું સિંહણ છું!
કિશોરી લાલ શર્માને અભિમાન ન કરવાની સલાહ મળી
અમેઠીથી જીત્યા બાદ કેએલ શર્મા દિલ્હીમાં સોનિયા ગાંધી, રાહુલ ગાંધી અને પ્રિયંકા ગાંધીને મળ્યા હતા. આ વીડિયો પણ આ સમયગાળાનો છે. બેઠક બાદ તેમણે કહ્યું હતું કે, હું ત્રણેય નેતાઓને દિલ્હીમાં મળ્યો હતો. આ દરમિયાન ત્રણેય નેતાઓએ મને કહ્યું હતું કે તમે જેવા છો તેવા જ રહો અને ક્યારેય ઘમંડ ન કરો કે તમે સાંસદ બન્યા છો. આ મીટિંગ દરમિયાન કિશોરી લાલ શર્માની પત્ની પણ તેમની સાથે હતી.
સ્મૃતિ ઈરાનીને હરાવીને અમેઠીના સાંસદ બન્યા
કિશોરી લાલ શર્માએ ભાજપના દિગ્ગજ નેતા અને 2019માં અમેઠીથી સાંસદ બનેલા સ્મૃતિ ઈરાનીને 1 લાખ 67 હજારથી વધુ મતોથી હરાવ્યા હતા. બીજેપી નેતાને હરાવ્યા બાદ કેએલ શર્માએ કહ્યું હતું કે, રાજકારણમાં હંમેશા હાર-જીત ચાલ્યા કરે છે અને તેમાં બદલો હોતો થતો નથી કારણ કે જો એક હારે છે તો બીજો જીતે છે. આ ઉપરાંત તેમણે વાતચીતમાં રાહુલ ગાંધીના પણ ખુબ વખાણ કર્યા હતા.
ટોપ સ્ટોરી
ટ્રેન્ડિંગ સમાચાર
