![ABP Premium](https://cdn.abplive.com/imagebank/Premium-ad-Icon.png)
Surat: સુરતમાં પતંગીની દોરીએ વધું એક વ્યક્તિનો લીધો જીવ, પાંડેસરામાં 38 વર્ષના યુવકનું ગળું કપાયું
સુરત: શહેરના પાંડેસરા વિસ્તારમાં હ્યદયદ્રાવક ઘટના સામે આવી છે. પીયૂસ પોઇન્ટ બ્રિજ ઉપર પતંગના દોરાથી એક યુવકનું ગળું કપાયું છે. ઘટનાની જાણ થતા લોકોએ 108 ને ફોન કરતા 108ની ટીમ તાત્કાલિક ઘટના સ્થળે પહોંચી હતી
![Surat: સુરતમાં પતંગીની દોરીએ વધું એક વ્યક્તિનો લીધો જીવ, પાંડેસરામાં 38 વર્ષના યુવકનું ગળું કપાયું A 38-year-old man died due to being hit by a kite string in Surat Surat: સુરતમાં પતંગીની દોરીએ વધું એક વ્યક્તિનો લીધો જીવ, પાંડેસરામાં 38 વર્ષના યુવકનું ગળું કપાયું](https://feeds.abplive.com/onecms/images/uploaded-images/2023/01/16/74888c1183e783cd631931b09aae8a11167384079250876_original.jpg?impolicy=abp_cdn&imwidth=1200&height=675)
સુરત: શહેરના પાંડેસરા વિસ્તારમાં હ્યદયદ્રાવક ઘટના સામે આવી છે. પીયૂસ પોઇન્ટ બ્રિજ ઉપર પતંગના દોરાથી એક યુવકનું ગળું કપાયું છે. ઘટનાની જાણ થતા લોકોએ 108 ને ફોન કરતા 108ની ટીમ તાત્કાલિક ઘટના સ્થળે પહોંચી હતી અને યુવકે સિવિલ હોસ્પિટલે દાખલ કર્યો હતો. જો કે, યુવકનો જીવ બચાવી શકાયો નહતો અને તે મોતને ભેટ્યો હતો. કાળનો કોળિયો બનેલા યુવકનું નામ અકમલ અજદાની છે અને તેની ઉંમર 38 વર્ષની હતી, તે સુરતના કૈલાશ નગરમાં રહેતો હતો. મળતી માહિતી પ્રમાણે અકમલ ઘરથી મોટા ભાઈ મોહમદ અજમલને ત્યાં જવા નીકળ્યો હતો. આ દરમિયાન તેને દોરી વાગતા મોતને ભેટ્યો. અકમલ સ્ટોન ચોંટાડવાનું કામ કરતો હોવાનું હતું.પરિવારે જણાવ્યું બે ભાઈઓમાં અકમલ નાનો હોવાનું અને મૂળ બિહારનો રહેવાસી હોવાનું સામે આવ્યું છે.
ATS ને પેપર લીકની પહેલાં જ પડી ગઈ હતી ખબર
ATS Press Conference: જુનિયાર ક્લાર્કની પરીક્ષાનું પેપર લીક થતા સમગ્ર ગુજરાતના ઉમેદવારો અને તેમના પરિવારમાં રોષ જોવા મળી રહ્યો છે. લાખો લોકોની મહેનત પર પાણી ફરી વળ્યું છે. તો બીજી તરફ આરોપીઓને લઈને ગુજરાત એટીએસે પ્રેસ કોન્ફરન્સ યોજી માહિતી આપી છે. પેપર લીક મુદ્દે એટીએસ અધિકારી સુનીલ જોશીએ કહ્યું કે, જે આરોપીઓ પકડાયા છે તે પહેલા પણ પકડાયેલ છે. અમે તેમના પર વોચ રાખી હતી. બાતમીનાં આધારે ટીમની રચના કરવામાં આવી હતી. ત્યાર બાદ અમારી ટીમ વડોદરા પહોંચી હતી અને સ્થળ ઉપરથી ૧૫ આરોપીની ધરપકડ કરવામાં આવી હતી.
અમે પેપરના ફોટોને લઈને તમામની ચકાસણી કરી હતી. ગુજરાતના લોકોને જીત નાયક દ્વારા પેપરની કોપી આપવામાં આવી હતી. જીત નાયકને હાલ અમદાવાદમાં લઇ આવવાની તૈયારી કરવામાં આવી છે. તો બીજી તરફ ગુજરાતના રાજ બારોટ(અરવલ્લી), પ્રણય શર્મા(અમદાવાદ), હાર્દિક શર્મા(સાબરકાંઠા) અને નરેશ મોહંતી (સુરત) સહિતના લોકો આ કૌભાંડમાં સામેલ છે.
તો બીજી તરફ નાયકની તપાસમા સામે આવ્યું કે, હૈદરાબાદની પ્રેસમાં પેપર છપાતા હતા. જીત નાયકની પણ ધરપકડ કરવામાં આવી છે. આ ઉપરાંત ગુજરાતના પણ બીજા આરોપી પકડાયા છે. કેતન અને ભાસ્કરની હાલ સુધીની ગુનાહિત માહિતી મળી છે. એક આરોપીની તપાસ માટે ટીમ ઓડિશા જવા રવાના કરાઇ છે. હાલમાં પેપરલીક આરોપી રાજ ઉર્ફે શિવમ બારોટના ઘરે પોલીસ પહોંચી છે. બાયડના ગાબટ રોડ પર આવેલા ફ્લેટ પર પૂછપરછ કરાઈ છે. બાયડના કેતન બાદ રાજ બારોટનું નામ પણ સામે આવ્યું છે. રાજ બારોટ આરોપી કેતન બારોટનો સાળો છે. છેલ્લા ૧૫ દિવસથી સતત કેતન સાથે હતો રાજ બારોટ.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)