Surat: ભારે વરસાદથી વરાછામાં કમ્પાઉન્ડ વોલ તૂટી, 3 ફોર વ્હીલ ખાડીમાં ખાબકી

ખાડી કિનારે બનેલી સારથી રેસીડેન્સીની દિવાલ વરસાદના કારણે નબળી પડી હતી. દિવાલ તુટી જતાં પાલિકા- ફાયર તંત્ર દોડતું થયું હતું.

સુરતમાં કમ્પાઉન્ડ વોલ ધરાશાયી થતાં કાર ખાડીમાં ખાબકી

Surat News: ભારતમાં ભારે વરસાદના કારણે એક બિલ્ડીંગની કમ્પાઉન્ડ દવાલ તૂટી પડતા 3 ફોર વહીલ ખાડી  ખાબકી હતી.વરાછા ઝોનના પુણા કુંભારીયામાં સારથી રેસીડેન્સીની દિવાલ તુટી જતાં મસમોટો ખાડો પડી ગયો હતો, જેનું પુરાણ સુરત મનપા દ્વારા કરવામાં આવ્યું  હતું.ખાડી કિનારે બનેલી સારથી રેસીડેન્સીની દિવાલ વરસાદના કારણે નબળી પડી હતી. દિવાલ તુટી જતાં પાલિકા- ફાયર તંત્ર દોડતું થયું હતું.

ખાડીઓ બંને કાંઠે વહેતી થઈ

સુરત શહેર અને જિલ્લામાં પડેલા ભારે વરસાદના કારણે સુરતમાંથી પસાર થતી ખાડીઓ બંને કાંઠે વહેતી થઈ છે. આજના વરસાદ અને ખાડીમાં વહેતા ધસમસતા પાણીના કારણે પુણા કુંભારીયા વિસ્તારમા એક રેસીડન્સી બિલ્ડીંગની દિવાલ તુટી પડી હતી. ખાડી કિનારે બનેલા આ બિલ્ડીંગની કમ્પાઉન્ડ વોલ તુટી જતાં છ જેટલા વાહનો ખાડીમાં ખાબક્યા હતા, જેના કારણે પાલિકા અને ફાયર તંત્ર દોડતું થયું હતું . ફાયર વિભાગે આવીને વાહનો બહાર કાઢ્યા હતા.

ત્રણ બાઈક અને ત્રણ કાર ખાડીમાં પડ્યા

 સુરતમાં આજે પડેલા વરસાદના કારણે અનેક જગ્યાએ પાણીનો ભરાવો થયો હતો. દરમિયાન જિલ્લામાં પણ વરસાદના કારણે સુરતમાંથી પસાર થતી ખાડીઓ બંને કાંઠે વહેતી થઈ છે. ખાડીઓ બન્ને કાંઠે વહેતી હોવા સાથે પાણીનો પ્રવાહ પણ ભારે જોવા મળી રહ્યો છે. સુરતમાં પડેલા વરસાદ અને ખાડીના પાણીના કારણે ખાડી કિનારે પુણા- કુંભારિયા વિસ્તારમાં બનેલી સારથી રેસીડેન્સીની પાર્કિંગની દિવાલ તુટી પડી હતી. આ દિવાલ તુટી પડતાં પાર્કિંગમાથી ત્રણ બાઈક અને ત્રણ કાર ખાડીમાં પડી ગયા હતા. આ ઘટનામાં વાહનોને નુકસાન થયું હતું. આ અંગેની જાણ પાલિકા અને ફાયર વિભાગને કરાતા તંત્ર દોડતું થયું હતું અને વાહનો કાઢવાની કામગીરી હાથ ધરી હતી., જોકે, આ ઘટનામાં કોઈ જાનહાની ન થતાં તંત્રને રાહત થઈ હતી.

ગુજરાતમાં બે દિવસ ભારેથી અતિ ભારે વરસાદની આગાહી

હવામાન વિભાગની આગાહી મુજબ આજે પણ રાજ્યભરમાં સાર્વત્રિક વરસાદ રહેશે. હાલ બંગાળમાં સર્જાયેલ લો પ્રેશર સિસ્ટમ અને ગુજરાત તરફ આવતી મોનસૂન ટ્રફ રેખાના કારણે ગુજરાતમાં અનરાધાર વરસાદ વરસી રહ્યો છે.રાજ્ય પર એક સાથે ત્રણ સિસ્ટમ એક્ટિવ હોવાથી ગુજરાતમાં મેઘતાંડવની સ્થિતિ સર્જાઇ છે. હવામાન વિભાગે આજે પણ વરસાદની આગાહી કરી છે. આજે ગુજરાતભરમાં ભારે વરસાદનું અનુમાન છે. તો એવા સાત જિલ્લા છે. જ્યાં અતિભારે વરસાદના અનુમાનને જોતા રેડ એલર્ટ અપાયું છે. હવામાન વિભાગે ભારે વરસાદના અનુમાન મુજબ રાજ્યના 2 જિલ્લામાં રેડ એલર્ટ, 5 જિલ્લામાં ઓરેંજ એલર્ટ તો 7 જિલ્લામાં યલો એલર્ટ આપ્યું છે. હવામાન વિભાગના અનુમાન મુજબ 24 જુલાઇથી વરસાદનું જોર ઘટશે. ગુજરાતમાં હાલ ભારે વરસાદ આફતરૂપ બન્યો છે. અતિ ભારે વરસાદના અનુમાનને લઇને હવામાન વિભાગે સૌરાષ્ટ્રના દરિયાકાંઠે ભારે વરસાદની આગાહી કરી છે. હવામાન વિભાગે દેવભૂમિ દ્વારકા અને પોરબંદરમાં રેડ એલર્ટ આપ્યું છે.   આજે કચ્છ,જૂનાગઢ,વલસાડ,દમણ,દાદરાનગર હવેલીમાં પણ ભારે વરસાદની શક્યતાને જોતા  ઓરેંજ એલર્ટ આપ્યું છે. હવામાન વિભાગે ગીર સોમનાથ,અમરેલી, ભાવનગર,સુરત,નવસારી,આણંદ,વડોદરામાં વરસાદની તીવ્રતાને લઇને યલો અલર્ટ જાહેર કર્યું છે. આગામી પાંચ દિવસ માછીમારોને દરિયો ન ખેડવા સૂચન આપવામાં આવી છે.

Join Our Official Telegram Channel:

https://t.me/abpasmitaofficial