Suicide: સુરતમાં પ્રેમી પંખીડાની મોતની છલાંગ, MP પોલીસ શોધવા આવી તો કપલે પાંચમા માળેથી ઝંપલાવ્યું

સુરતમાં પ્રેમી પંખીડાએ રેસિડેન્ટ કૉમ્પલેક્ષના પાંચમા માળેથી મોતની છલાંગ લગાવી છે. સુરતના કડોદરા વિસ્તારમાં આવેલી સરગમ કોમ્પ્લેક્ષના તૃપ્તિ રેસિડેન્સીમાં આ ઘટના ઘટી છે

(તસવીર- એબીપી અસ્મિતા ન્યૂઝ)

Surat Lovers Suicide News: સુરતમાંથી પ્રેમી પંખીડાએ આત્મહત્યા કરીને જીવન ટૂંકાવ્યુ હોવાની ઘટના સામે આવી છે. સુરતના કડોદરા વિસ્તારમાં પ્રેમી પંખીડાએ પાંચમા માળેથી મોતની છલાંગ લગાવી છે, જેમાં બન્નેનું સારવાર દરમિયાન મોત નીપજ્યુ હતુ. મૃતક યુવક અને યુવતી બન્ને મધ્યપ્રદેશના હતા અને છેલ્લા એક વર્ષથી સુરતના કડોદરા વિસ્તારમાં રહેતા હતા. 

માહિતી પ્રમાણે, સુરતમાં પ્રેમી પંખીડાએ રેસિડેન્ટ કૉમ્પલેક્ષના પાંચમા માળેથી મોતની છલાંગ લગાવી છે. સુરતના કડોદરા વિસ્તારમાં આવેલી સરગમ કોમ્પ્લેક્ષના તૃપ્તિ રેસિડેન્સીમાં આ ઘટના ઘટી છે. છેલ્લા એક વર્ષથી મધ્યપ્રદેશના મંદસોરનું એક પ્રેમી પંખીડા કપલ કડોદરા વિસ્તારમાં આવીને રહી રહ્યું હતુ, આ પ્રેમી પંખીડાને મધ્ય પ્રદેશ પોલીસ ત્યાંથી શોધતી શોધતી અહીં પહોંચી હતા, મધ્ય પ્રદેશ પોલીસ સુરત પોલીસની સાથે જ્યારે તૃપ્તિ રેસિડેન્સીમાં તેમના રૂમની બહાર પહોંચી અને દરવાજો ખખડાવી રહી હતી, તે સમયે પ્રેમી પંખીડાએ બિલ્ડિંગના પાંચમા માળેથી મોતની છલાંગ લગાવી દીધી હતી. બાદમાં બન્નેને શહેરના કડોદરા વિસ્તારમાં આવેલી સંજીવની હૉસ્પીટલમાં પ્રાથમિક સારવાર માટે ખસેડવામાં આવ્યા હતા, જ્યાં ડૉક્ટરોએ તેમને મૃત જાહેર કર્યા હતા.

સુરતમાં કિશોરીની છેડતી, જાગૃત નાગરિકની એક પહેલ અને પોલીસે આરોપીને રાજસ્થાનથી ઝડપી લીધો

સુરતના સિંગણપુર વિસ્તારમાં કિશોરીની છેડતીનો મામલે પોલીસે આરોપીની ધરપકડ છે. મજૂરી કામ કરતા યુવક દ્વારા કિશોરીની છેડતી કરવાના સીસીટીવી સોશિયલ મીડિયામાં થયા હતા. વાઇરલ વીડિયોના આધારે સિંગણપુર પોલીસે આરોપીની ગઈકાલે મોડી સાંજે રાજસ્થાનથી ધરપકડ કરી હતી. સુરત સિંગણપુર પોલીસે આરોપીને મોડી રાત્રે સુરત લઈ આવ્યા બાદ કાર્યવાહી શરૂ કરી છે.

સુરત સિંગનપોર પોલીસની પત્રકાર પરિષદ સંબોધતાં ડીસીપી પીણાકિન પરમારે જણાવ્યું હતું કે, 24મી જાન્યુઆરીના રોજ પોકસો એકટ ગુનો નોંધાયો હતો. 12મી જાન્યુઆરીના રોજ દીકરીની એક અજાણ્યા ઇસમ દ્વારા છેડતી કરવામાં આવી હતી. અજાણ્યો ઇસમ હતો,જેથી અજાણ્યા વિરુદ્ધ ગુનો દાખલ કરાયો હતો. જેથી અલગ અલગ ટીમો બનાવી આરોપીને ઝડપી પાડવા ચક્રોગતિમાન કર્યા હતા. 36 કલાકમાં જ આરોપીને રાજસ્થાનના બાંસવાડા ખાતેથી ઝડપી પાડવામાં આવ્યો છે. ઇસમની ધરપકડ કરી સુરત કોર્ટમાં રજૂ કરી પાંચ દિવસના આરોપીના રિમાન્ડ મેળવવામાં આવ્યા છે.

12મી જાન્યુઆરીના રોજ જાગૃત નાગરિક દ્વારા અભયમને જાણ કરવામાં આવી હતી. જ્યાં પરિવારજનો જે તે સમયે પોલીસ સ્ટેશન ફરિયાદ કરવા આવ્યા હતા. જ્યાં બાદમાં પોલીસ દ્વારા તત્કાલિક તપાસ શરૂ કરવામાં આવી હતી. પરંતુ ત્યારબાદ દીકરીના પિતા પોલીસ સ્ટેશન આવ્યા હતા અને બદનામીના ડરથી ફરિયાદ આપવાનું ટાળ્યું હતું. પરંતુ તમામ પાસાઓને ધ્યાનમાં રાખી કોઈ ક્ષતી પોલીસની જણાશે તો તેઓની સામે પણ કાર્યવાહી કરાશે.

24મી જાન્યુઆરીના રોજ આ ઘટનાનો વિડીયો વાયરલ થયો હતો. જે વિડીયો દીકરીના માતા-પિતા પાસે આવ્યો હતો,જે બાદ માતા-પિતા પોલીસ સ્ટેશન ફરિયાદ આપવા આવ્યા હતા જ્યાં છેડતીની સાથે સાથે દીકરી અને તેના માતા-પિતાની ઓળખ છતી થતાં તે બાબતેનો પણ ગુનો નોંધાયો છે. વિડીયો વાયરલ કઈ રીતે થયો અને ડીવીઆર ક્યાં હતું તેની પણ તપાસ થશે. સાથોસાથ ભોગ બનનારની ઓળખ છતી ન થવી જોઈએ તે મહત્વની બાબત છે.ગુનો બન્યો અને ફરિયાદ મોડી થઈ છે,જેની તપાસ થશે. જે અરજદાર છે તે ડરે નહિ તેવી અપીલ પોલીસ તરફથી કરવામાં આવે છે.

પોલીસે વધુમાં કહ્યું કે, ભારતનો કોઈ પણ નાગરિક સરકાર દ્વારા બનાવવામાં આવેલ અલગ અલગ વેબસાઈટ પર ફરિયાદ કરી શકશે.જેમાં પોલીસ ચોક્કસથી કાર્યવાહી કરશે. હાલ ઘટનામાં રાજસ્થાનના અંતરિયાળ વિસ્તારમાં જઈને ધરપકડ કરી છે.  વિડીયો વાયરલ કરનાર લોકોની તપાસ કરવામાં આવશે. આ ઉપરાંત આરોપીને સાથે રાખી તપાસ કરવામાં આવશે.