વડોદરાઃ વાઘોડીયા ચોકડી બ્રિજ પર ટ્રેલર-ટેમ્પો વચ્ચે ગમખ્વાર અકસ્માત, 9 લોકોના મોત, 17 ઇજાગ્રસ્ત

સુરતથી પાવાગઢ તરફ આઈસર જઈ રહી હતી ત્યારે જ વાઘોડિયા ચોકડી પાસે ટેમ્પો અને ટ્રેલર વચ્ચે અકસ્માત થયો હતો.

વડોદરાઃ વડોદરાના વાઘોડીયા ચોકડીના બ્રિજ પર ટ્રેલર અને ટેમ્પો વચ્ચે ગમખ્વાર અકસ્માત સર્જાતા 9 લોકોના મોત થયા છે. આ અકસ્માતમાં 17 યાત્રીઓ ગંભીર રીતે ઇજાગ્રસ્ત થતા તેમને સારવાર માટે હોસ્પિટલ ખસેડવામાં આવ્યા છે. સુરતથી પાવાગઢ તરફ આઈસર જઈ રહી હતી ત્યારે જ વાઘોડિયા ચોકડી પાસે ટેમ્પો અને ટ્રેલર વચ્ચે અકસ્માત થયો હતો. ડેમાં 9 યાત્રીઓ પોતાનો જીવ ગુમાવ્યો છે. મૃતકોમાં એક બાળક, પાંચ મહિલા અને ત્રણ પુરુષો છે. આ અકસ્માતમાં 17 યાત્રીઓ ગંભીર રીતે ઇજાગ્રસ્ત થયા છે. જેમને સયાજી હૉસ્પિટલમાં ખસેડવામાં આવ્યા છે. હોસ્પિટલમાં પોલીસ, ક્લેક્ટર, SDM સહિતના અધિકારીઓ હાજર છે. સાથે જ SSG હોસ્પિટલના મેડિકલ સુપ્રિટેન્ડન્ટ રંજન ઐયર પણ તાત્કાલિક અસરથી ત્યાં પહોંચ્યા છે.