Who is Kash Patel: ટ્રમ્પે એક ગુજરાતીને બનાવ્યા FBIના ડાયરેક્ટર,જાણો કોણ છે કાશ પટેલ જેના પેટભરીને વખાણ કરી રહ્યા છે યૂએસ રાષ્ટ્રપતિ

FBI News: કાશ પટેલ ક્રિસ્ટોફર રેનું સ્થાન લેશે, જેમની નિમણૂક ટ્રમ્પ દ્વારા 2017 માં કરવામાં આવી હતી. ટ્રમ્પ તરફથી તેમની લાંબા સમયથી ચાલી રહેલી ટીકાને ધ્યાનમાં રાખીને તેમને પદ પરથી હટાવવાની લાંબી અટકળો ચાલી રહી હતી.

કાશ પટેલ

Source : X

Kash Patel Will beFBI New Director: ભારતીય મૂળના વધુ એક વ્યક્તિને અમેરિકામાં મોટી જવાબદારી મળી છે. અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પે FBIના ડાયરેક્ટર તરીકે કાશ પટેલની વરણી કરી છે. ટ્રમ્પે શનિવારે (30 નવેમ્બર, 2024) સોશિયલ મીડિયા પ્લેટફોર્મ ટ્રુથ પર લખ્યું, મને એ જાહેરાત કરતાં ગર્વ છે કે કશ્યપ 'કાશ' પટેલ ફેડરલ બ્યુરો ઑફ ઇન્વેસ્ટિગેશન (FBI) ના આગામી ડિરેક્ટર તરીકે સેવા આપશે.

ડોનાલ્ડ ટ્રમ્પે આગળ લખ્યું, કાશ એક તેજસ્વી વકીલ, ઈન્વેસ્ટિગેટર અને 'અમેરિકા ફર્સ્ટ' યોદ્ધા છે જેણે ભ્રષ્ટાચારનો પર્દાફાશ કરવામાં, ન્યાયની રક્ષા કરવામાં અને અમેરિકન લોકોની સુરક્ષા કરવામાં પોતાની કારકિર્દી વિતાવી છે.

શું ટ્રમ્પ એફબીઆઈની કાર્ય પદ્ધતિથી નારાજ છે?

આ નવી નિમણૂક ટ્રમ્પના વિઝનને દર્શાવે છે જેમાં તેઓ કાયદા અમલીકરણ અને સરકારની ગુપ્તચર એજન્સીઓમાં ફેરફારોને જરૂરી માને છે. આ ફેરફાર એ પણ દર્શાવે છે કે ટ્રમ્પ હજુ પણ FBIની કાર્ય પદ્ધતિથી નારાજ છે. વાસ્તવમાં, એફબીઆઈ પોતે જ તેના દોષારોપણનું કારણ હતું.

કાશ પટેલ ક્રિસ્ટોફર રેનું સ્થાન લેશે

જો પટેલની નિમણૂક થાય છે, તો તેઓ ક્રિસ્ટોફર રેનું સ્થાન લેશે, જેમની નિમણૂક ટ્રમ્પ દ્વારા 2017 માં કરવામાં આવી હતી, પરંતુ જેઓ ઝડપથી ટ્રમ્પ અને તેમના સાથીઓની વિરુદ્ધ થવા લાગ્યા હતા. જો કે એફબીઆઈ ચીફના પદનો કાર્યકાળ 10 વર્ષનો હોય છે, પરંતુ ટ્રમ્પની લાંબા સમયથી તેમની અને એફબીઆઈની જાહેર ટીકાને જોતા છેલ્લા કેટલાક દિવસોથી તેમને પદ પરથી હટાવવાની અટકળો ચાલી રહી હતી.

એફબીઆઈ ચીફ બન્યા બાદ પહેલા આ કામ કરશે

કાશ પટેલના માતા-પિતા ભારતીય છે. તેઓ ભૂતકાળમાં વકીલ પણ રહી ચૂક્યા છે. પટેલ "ગવર્નમેન્ટ ગેંગસ્ટર્સ: ધ ડીપ સ્ટેટ, ધ ટ્રુથ, એન્ડ ધ બેટલ ફોર અવર ડેમોક્રેસી" ઉપરાંત  "ધ પ્લોટ અગેઇન્સ્ટ ધ કિંગ" જેવા પુસ્તકો પણ લખ્યા છે. કાશ પટેલે કહ્યું છે કે તેઓ પત્રકારોને માહિતી લીક કરનારા સરકારી અધિકારીઓ પર આક્રમક રીતે કાર્યવાહી કરવા અને તેમની સામે કાર્યવાહી કરવાનું સરળ બનાવવા માટે કાયદામાં ફેરફાર કરવા માગે છે.

ટ્રમ્પ તેમના છેલ્લા કાર્યકાળ દરમિયાન તેમને એફબીઆઈ અથવા સીઆઈએના વડા બનાવવા માંગતા હતા
વાસ્તવમાં, 45માં રાષ્ટ્રપતિ તરીકે, ડોનાલ્ડ ટ્રમ્પ કાશ પટેલને ફેડરલ બ્યુરો ઑફ ઇન્વેસ્ટિગેશન, એફબીઆઈ અથવા સીઆઈએના ડેપ્યુટી ડિરેક્ટર બનાવવા માંગતા હતા. આમ કરીને તેમનો ઉદ્દેશ્ય ગુપ્તચર એજન્સીઓ પર પોતાની પકડ મજબૂત કરવાનો હતો. જોકે, સીઆઈએના ડાયરેક્ટર જીના હાસપેલે રાજીનામું આપવાની ધમકી આપી હતી અને એટર્ની જનરલ બિલે આ પગલાંનો વિરોધ કર્યો હતો. કારણ કે કાશને દુનિયાની સૌથી મોટી ગુપ્તચર એજન્સી ચલાવવાનો બિલકુલ અનુભવ નહોતો. વિરોધને જોતા આખરે ટ્રમ્પે પોતાનો નિર્ણય બદલવો પડ્યો હતો.

આ પણ વાંચો....