Switzerland: સ્વિઝરલેન્ડના ક્રાંસ મોન્ટાનાના બારમાં ભીષણ વિસ્ફોટ, 10 લોકોના મોત

Explosion in Crans-Montana: નવા વર્ષની ઉજવણી દરમિયાન એક બારમાં વિસ્ફોટ અને આગ લાગવાથી મોટી દુર્ઘટના સર્જાઈ હતી

નવા વર્ષની ઉજવણી દરમિયાન એક બારમાં વિસ્ફોટ અને આગ લાગવાથી મોટી દુર્ઘટના સર્જાઈ હતી

Source : ફોટોઃ સોશિયલ મીડિયા

Explosion in Crans-Montana: સ્વિઝરલેન્ડના જાણીતા શહેર ક્રાંસ-મોન્ટેનામાં નવા વર્ષની ઉજવણી દરમિયાન એક બારમાં વિસ્ફોટ અને આગની દુર્ઘટનામાં ઓછામાં ઓછા 10 લોકો માર્યા ગયા હતા. જ્યારે અન્ય 10 લોકો ઈજાગ્રસ્ત થયા હતા. દુર્ઘટના બાદ વિસ્તારમાં અફરાતફરી મચી ગઈ હતી. 

વાલેસ કેન્ટન પોલીસના જણાવ્યા અનુસાર, નવા વર્ષની ઉજવણી દરમિયાન ક્રેન્સ-મોન્ટાનામાં (Le Constellation)નામના બારમાં એક અથવા વધુ વિસ્ફોટ થયા હતા. ત્યારબાદ ભારે આગ લાગી હતી. આગ લગભગ 1:30 વાગ્યે લાગી હતી. તે સમયે બારમાં મોટી સંખ્યામાં લોકો હાજર હતા.

પોલીસ પ્રવક્તાએ એક નિવેદન જાહેર કર્યું

પોલીસ પ્રવક્તા ગેટન લાથિયને એએફપીને જણાવ્યું હતું કે વિસ્ફોટનું કારણ હજુ સ્પષ્ટ નથી. તેમણે કહ્યું કે આ ઘટનામાં ઘણા લોકો ઘાયલ થયા છે અને ઘણા લોકોના મોતની પુષ્ટી થઈ છે. અકસ્માતની માહિતી મળતાં જ મોટી સંખ્યામાં બચાવ અને રાહત ટીમો ઘટનાસ્થળે પહોંચી હતી. ઘણી એમ્બ્યુલન્સ તૈનાત કરવામાં આવી હતી, જ્યારે ઘાયલોને હોસ્પિટલોમાં લઈ જવા માટે એર-ગ્લેશિયર્સ હેલિકોપ્ટરનો પણ ઉપયોગ કરવામાં આવ્યો હતો. આગને કાબૂમાં લેવા માટે અથાક મહેનત કરી હતી.

હેલ્પલાઇન નંબર જાહેર

પોલીસે પીડિતોના પરિવારો માટે 0848 112 117 નામનો હેલ્પલાઇન નંબર જાહેર કર્યો છે. હાલમાં પોલીસ અને તપાસ એજન્સીઓ ઘટનાની તપાસ કરી રહી છે. વિસ્ફોટના કારણની તપાસ કરવામાં આવી રહી છે. નવા વર્ષની ઉજવણી કરવા માટે મોટી સંખ્યામાં પ્રવાસીઓ ક્રેન્સ-મોન્ટાના આવ્યા હતા.

પોલીસના જણાવ્યા અનુસાર, વિસ્ફોટ બારમાં નવા વર્ષની પૂર્વ સંધ્યાની પાર્ટી દરમિયાન થયો હતો, જ્યાં મોટી સંખ્યામાં લોકો હાજર હતા. સ્વિસ પોલીસે ગુરુવારે સવારે અહેવાલ આપ્યો હતો કે ક્રાન્સ-મોન્ટાનાના લક્ઝરી અલ્પાઇન સ્કી રિસોર્ટમાં વિસ્ફોટ થયો હતો. સ્વિસ મીડિયા અનુસાર, દક્ષિણપશ્ચિમ સ્વિઝરલેન્ડના વેલેસ કેન્ટનમાં પોલીસ પ્રવક્તા ગેટન લેથિયનએ એજન્સીઓને જણાવ્યું હતું કે, "આ વિસ્ફોટ અજ્ઞાત કારણોસર થયો હતો." તેમણે કહ્યું, "ઘણા લોકો ઘાયલ થયા હતા અને ઘણા લોકો મૃત્યુ પામ્યા હતા."

સ્વિસ મીડિયામાં પ્રકાશિત થયેલા ફોટા અને વીડિયો અનુસાર, વિસ્ફોટ પછી બાર ધરાવતી ઇમારત આગમાં લપેટાઈ ગઈ હતી, ત્યારબાદ ચીસો અને રડવાનો અવાજ સંભળાયો હતો. પોલીસનું કહેવું છે કે વિસ્ફોટનું કારણ હજુ સુધી અજ્ઞાત છે. વિસ્ફોટ પછી રસ્તાની બાજુમાં વીડિયો રેકોર્ડ કરવામાં આવ્યા હોવાનું માનવામાં આવે છે.

આ બાર બ્રિટિશ પ્રવાસીઓમાં લોકપ્રિય છે.

ક્રાન્સ-મોન્ટાના એ સ્વિસ પ્રદેશના વૈલિસમાં એક પ્રતિષ્ઠિત સ્કી રિસોર્ટ છે. આ રિસોર્ટ ખાસ કરીને બ્રિટિશ પ્રવાસીઓમાં લોકપ્રિય છે. જાન્યુઆરીના અંતમાં આ રિસોર્ટ એક મુખ્ય સ્પીડ સ્કીઇંગ ઇવેન્ટ, FIS વર્લ્ડ કપનું આયોજન કરશે.