NASA Artemis 1: ચંદ્ર હવે દૂર નથી! નાસાનું મિશન ચંદ્ર લોન્ચ, આર્ટેમિસ-1 ચંદ્રની ભ્રમણકક્ષામાં સ્થાપિત થશે

પહેલા તેને 29 ઓગસ્ટ અને પછી 03 સપ્ટેમ્બરે લોન્ચ કરવાનો પ્રયાસ કરવામાં આવ્યો હતો, પરંતુ ટેક્નિકલ સમસ્યાઓ અને ખરાબ હવામાનને કારણે તેને યોગ્ય સમયે રોકી દેવામાં આવ્યું હતું.

નાસાનું મિશન ચંદ્ર લોન્ચ

Artemis Moon Mission Launch: અમેરિકન સ્પેસ સેન્ટર નાસા તેના મિશન મૂન માટે તૈયાર છે. નાસા મિશન મૂન માટે દોઢ મહિના પછી ફરી એકવાર તેનું આર્ટેમિસ-1 રોકેટ લોન્ચ કર્યું છે. તે તેના લોન્ચિંગ સમયથી લગભગ 10 મિનિટ મોડું થયું હતું. અગાઉ તેને ભારતીય સમય અનુસાર રાત્રે 11.34 કલાકે ફ્લોરિડાના કેનેડી સ્પેસ સેન્ટરથી લોન્ચ કરવાનું હતું. નાસાનો આ ત્રીજો પ્રયાસ છે, આ પહેલા ટેકનિકલ ખામીના કારણે આ રોકેટનું લોન્ચિંગ 2 વખત રોકવું પડ્યું હતું.

10 મિનિટ માટે લોન્ચિંગ રોકવું પડ્યું હતું

નાસાના આર્ટેમિસ-1 મૂન મિશનનું લોન્ચિંગ 10 મિનિટ માટે રોકી દેવામાં આવ્યું હતું. લૉન્ચ કરતા પહેલા જ ફરીથી કેટલીક ટેકનિકલ ખામીઓ આવી હતી. જેને વિજ્ઞાનીએ દૂર કરી હતી. નાસાએ ટ્વીટ કરીને આ અંગેની માહિતી આપી હતી.

અગાઉ બે લોન્ચિંગ રોકવામાં આવ્યું

પહેલા તેને 29 ઓગસ્ટ અને પછી 03 સપ્ટેમ્બરે લોન્ચ કરવાનો પ્રયાસ કરવામાં આવ્યો હતો, પરંતુ ટેક્નિકલ સમસ્યાઓ અને ખરાબ હવામાનને કારણે તેને યોગ્ય સમયે રોકી દેવામાં આવ્યું હતું. નાસા દ્વારા 03 સપ્ટેમ્બરે તેનું પ્રક્ષેપણ અટકાવ્યા બાદ ખરાબ હવામાનને જવાબદાર ઠેરવવામાં આવ્યું હતું. નાસાએ જણાવ્યું હતું કે તાજેતરમાં ફ્લોરિડામાં આવેલા વાવાઝોડા નિકોલના કારણે લોન્ચિંગ પેડને ઘણું નુકસાન થયું છે.

We are going.

For the first time, the @NASA_SLS rocket and @NASA_Orion fly together. #Artemis I begins a new chapter in human lunar exploration. pic.twitter.com/vmC64Qgft9

— NASA (@NASA) November 16, 2022

વાવાઝોડાને કારણે ભાગો ઢીલા પડી ગયા હતા

એજન્સીએ જણાવ્યું હતું કે વાવાઝોડાને કારણે અવકાશયાનનો એક ભાગ ઢીલો પડી ગયો હતો. જોકે હવે તેને ઠીક કરી દેવામાં આવ્યું છે. રોકેટમાં હાઇડ્રોજન લીકેજની સમસ્યા આજે સવારે જ સામે આવી હતી, પરંતુ વૈજ્ઞાનિકોએ તેને સમયસર સુધારી લીધી છે.

The @NASA_SLS rocket has reached main engine cutoff, or MECO, in the mission timeline. The RS-25 engines have powered off and the core stage has separated. @NASA_Orion is now in orbit. pic.twitter.com/OlnxhFAlET

— NASA (@NASA) November 16, 2022

અમેરિકા 50 વર્ષ પછી ફરી ચંદ્ર મિશન પર

લગભગ 50 વર્ષ બાદ અમેરિકા ફરી મિશન મૂન પર જોડાયું છે. આર્ટેમિસ-1ની મદદથી મનુષ્યને ચંદ્ર પર મોકલવાની તૈયારી. આ સમગ્ર અભિયાનને 3 ભાગમાં આર્ટેમિસ-1, આર્ટેમિસ-2 અને આર્ટેમિસ-3માં વહેંચવામાં આવ્યું છે. આર્ટેમિસ-1 ની સફળતા બાદ 3 વર્ષ બાદ ફરી ચંદ્ર પર માનવીના પગલાં ભરાશે.