CoronaVirus: એક વર્ષ બાદ નવા નામથી ફરી આવ્યો કોરોના, ચામાચિડીયા નહીં હવે પ્રાણીઓમાંથી ફેલાઇ રહ્યો છે માણસોમાં....

MERS-CoV (મીડલ ઇસ્ટ રેસ્પિરેટરી સિન્ડ્રૉમ કોરોનાવાયરસ) જેવું જ છે, તે એક ઝૂનૉટિક વાયરસ છે. તે MERS કોરોના વાયરસને કારણે થતો વાયરલ શ્વસન રોગ છે

તસવીર (સોશ્યલ મીડિયા પરથી)

CoronaVirus: 'વર્લ્ડ હેલ્થ ઓર્ગેનાઈઝેશન' (WHO) એ ફરી એકવાર કોરોના વાયરસને લઈને ચિંતા વ્યક્ત કરી છે. ખરેખરમાં, યૂનાઇટેડ આરબ અમીરાતની રાજધાની અબુ ધાબીમાં MERS કોરોના વાયરસનો એક નવો કેસ સામે આવ્યો છે, કોરોનાના નવા વાયરસથી ફરી એકવાર લોકોમાં ફફડાટ ફેલાયો છે. 2012માં પહેલીવાર વાયરસની ઓળખ થયા પછી અબુ ધાબીમાં આ પ્રથમ કેસ છે. અબુ ધાબીમાં દર્દી જે કોરોનાના નવા વેરિએન્ટ MERS-CoV માટે સારવાર લઈ રહ્યો છે. તે 28 વર્ષનો યુવાન છે જેને સ્વાસ્થ્ય સંબંધિત કેટલીક સમસ્યાઓ હતી. તે વ્યક્તિમાં વાયરસના લક્ષણો દેખાવા લાગ્યા કે તરત જ તેને હોસ્પિટલમાં દાખલ કરવામાં આવ્યો હતા. 

MERS-CoV શું છે ?
MERS-CoV (મીડલ ઇસ્ટ રેસ્પિરેટરી સિન્ડ્રૉમ કોરોનાવાયરસ) જેવું જ છે, તે એક ઝૂનૉટિક વાયરસ છે. તે MERS કોરોના વાયરસને કારણે થતો વાયરલ શ્વસન રોગ છે. જે સાર્સ (SARS) વાયરસ જેવું જ છે. તે સામાન્ય રીતે ઊંટ અને અન્ય પ્રાણીઓમાં જોવા મળે છે. તે ચેપગ્રસ્ત પ્રાણીઓ અથવા પ્રાણી ઉત્પાદનોના સંપર્કમાં આવવાથી વ્યક્તિથી માણસમાં ફેલાય છે. તે વ્યક્તિથી વ્યક્તિના સંપર્કમાં પણ ફેલાય છે. આવા કેટલાય કિસ્સાઓ પણ સામે આવ્યા છે જેમાં આ બિમારીએ જીવલેણ સ્વરૂપ બતાવ્યું છે.

MERS-CoV ના લક્ષણો - 
MERS-CoV ના લક્ષણો હળવાથી ગંભીર સુધીના હોઈ શકે છે અને તેમાં તાવ, ઉધરસ અને શ્વાસ લેવામાં તકલીફનો સમાવેશ થાય છે. કેટલાક કિસ્સાઓમાં તે ન્યૂમૉનિયા અથવા કિડની ફેઇલ તરફ દોરી શકે છે. જે લોકોને ગંભીર બીમારીનું જોખમ વધારે હોય છે, તેમની રોગપ્રતિકારક શક્તિ ઘણી નબળી હોય છે. જેમ કે ક્રૉનિક રોગોથી પીડિત અથવા અમૂક દવાઓ લેતા લોકો. જ્યારે દર્દીને શૌચાલયમાં સમસ્યા થવા લાગી અને લક્ષણો તરીકે ઉલ્ટી થવા લાગી ત્યારે તેણે તેનું ચેકઅપ કરાવ્યું. છોકરાને પેટથી ગળા સુધી ગંભીર ચેપ લાગ્યો હતો.

WHOએ જાહેર કરી ચેતાવણી - 
WHO મુજબ 2012થી નોંધાયેલા MERS કેસોની કુલ સંખ્યા 2,605 છે, જેમાં 936 મૃત્યુ છે. તેની ઓળખ પછી 27 દેશોમાં MERS કેસ નોંધાયા છે, જેમાં અલ્જેરિયા, ઑસ્ટ્રિયા, બહેરિન, ચીન, ઇજિપ્ત, ફ્રાન્સ, જર્મની, ગ્રીસ, ઇસ્લામિક રિપબ્લિક ઓફ ઇરાન, ઇટાલી, જોર્ડન, કુવૈત, લેબનોન, મલેશિયા, નેધરલેન્ડ, ઓમાન, ફિલિપાઇન્સ, કતાર, રિપબ્લિક ઓફ કોરિયા, કિંગડમ ઓફ સાઉદી અરેબિયા, યૂનાઇટેડ સ્ટેટ્સ, તુર્કી, યૂનાઇટેડ સ્ટેટ્સ સામેલ છે. 

ડબ્લ્યુએચઓ અબુ ધાબીની પરિસ્થિતિ પર નજીકથી નજર રાખી રહ્યું છે અને આરોગ્યસંભાળ પ્રદાતાઓ અને અન્ય સત્તાવાળાઓને વાયરસના વધુ ફેલાવાને કેવી રીતે અટકાવવો તે અંગે તકનીકી માર્ગદર્શન પૂરું પાડે છે. WHO વિશ્વભરમાં ઓળખાતા MERS-CoV ના કોઈપણ નવા કેસ પર સમયસર અપડેટ્સ આપવા માટે પણ પ્રતિબદ્ધ છે.

WHOએ સાફ-સફાઇને લઇને જાહેર કરી એડવાઇઝરી - 
WHOએ વિશ્વના તમામ દેશોને આ સંક્રમણથી દૂર રહેવા માટે નૉટિસ જારી કરી છે. જેમાં જણાવવામાં આવ્યું છે કે તમામ લોકોને વિનંતી છે કે બહારથી આવ્યા બાદ અથવા તમારી આસપાસના પેટની તબિયત ખરાબ હોય તો હાથ ધોવા. એવા લોકોથી દૂર રહો કે જેઓ MERS-CoV અથવા શ્વસન સંબંધી બીમારીના લક્ષણો દર્શાવે છે. તમારા ચહેરાને વારંવાર સ્પર્શ કરવાનું ટાળો. પ્રાણીઓ અથવા ડેરી ઉત્પાદનો જેમ કે ઊંટનું માંસ અથવા ઊંટનું દૂધનું સેવન કરવાનું ટાળો. ખાંસી અથવા છીંકતી વખતે તમારા મોં અને નાકને ઢાંકીને છીંક લો.

Disclaimer: આ આર્ટિકલમાં બતાવવામાં આવેલી વિધિ, રીતો અને સૂચનો પર અમલ કરતાં પહેલા ડૉક્ટરો કે સંબંધિત એક્સપર્ટની સલાહ જરૂર લો.