વિશ્વના ક્યા સમૃધ્ધ દેશમાં કોરોનાના કેસોમાં ઉછાળો આવતાં લદાયું એક મહિનાનું લોકડાઉન, જાણો વિગત

વિશ્વભરના દેશોમાં કોરોના વાયરસનો કહેર યથાવત છે ત્યારે કોરોનાની બીજી લહેર શરૂ થતાંની સાથે અનેક દેશોમાં સખ્ત પ્રતિબંધો લગાવી દીધા છે.

નવી દિલ્હી: કોરોનાના કેસમાં વધારો થતા ઈંગ્લેડમાં ફરી લૉકડાઉન લાગુ કરવાની જાહેરાત કરવામાં આવી છે. બ્રિટનના પ્રધાનમંત્રી બોરિસ જૉનસે 2 સપ્ટેમ્બર સુધી વધુ એકવાર લૉકડાઉન લાગુ કરવાની જાહેરાત કરી દીધી છે. જો કે, આ લૉકડાઉનમાં સ્કૂલો અને યુનિવર્સિટીઓ ચાલુ રાખવાની મંજૂરી આપવામાં આવશે. બીન જરૂરી દુકાનો, રેસ્ટરા, પબ અને હોટલ બંધ રહશે. તે સિવાય મુસાફરી પર પણ પ્રતિબંધ છે. ઉલ્લેખનીય છે કે, ઈંગ્લેન્ડમાં કોરોના વાયરસથી સંક્રમિત દર્દીઓની સંખ્યા 10 લાખને પાર પહોંચી ગઈ છે. બ્રિટનમાં દરરોજ 20 હજારથી વધુ નવા કોરોના વાયરસા કેસ નોંધાઈ રહ્યાં છે. 31 જાન્યુઆરીથી 31 ઓક્ટોબર 2020 વચ્ચે ઈંગ્લેડમાં 10,11,660 પોઝિટિવ મળી આવ્યા હતા. છેલ્લા 24 કલાકમાં 21,951 નવા કેસ સામે આવ્યા હતા અને 326 મોત થયા હતા. ઉલ્લેખનીય છે કે, ફ્રાન્સ, બેલ્જિયમ, પોર્ટુગલ, ઓસ્ટ્રિયા અને જર્મની જેવા દેશોમાં કોરોનાની સંભવિત બીજી લહેરને જોતા અગાઉથી જ કડક પ્રતિબંધ લાગાવવામાં આવ્યા છે. વોર્લ્ડોમીટર અનુસાર, દુનિયાભરમાં કોરોના સંક્રમિત લોકોની સંખ્યા 4.62 કરોડની પાર પહોંચી ગઈ ગઈ છે. અત્યાર સુધીમાં 11.97 લાખથી વધુ લોકોના મોત નિપજ્યા છે. જ્યારે અત્યાર સુધી 3 કરોડ 39 લાખ 37 હજાર 845 દર્દીઓ સાજા થયા છે.