Jimmy Carter: અમેરિકાના પૂર્વ રાષ્ટ્રપતિ જિમી કાર્ટરનું નિધન, 100 વર્ષની ઉંમરમાં લીધા અંતિમ શ્વાસ

Jimmy Carter: તેઓ ઘણા સમયથી બીમાર હતા. 1 ઓક્ટોબર, 1924ના રોજ જન્મેલા કાર્ટરને 2002માં નોબેલ શાંતિ પુરસ્કાર એનાયત કરવામાં આવ્યો હતો

જિમી કાર્ટર

Source : ફોટોઃ X

Jimmy Carter: અમેરિકાના 39માં રાષ્ટ્રપતિ જિમી કાર્ટરનું રવિવારે 100 વર્ષની વયે નિધન થયું હતું. તેઓ 1977 થી 1981 સુધી અમેરિકાના રાષ્ટ્રપતિ હતા. મળતી માહિતી મુજબ તેઓ ઘણા સમયથી બીમાર હતા. 1 ઓક્ટોબર, 1924ના રોજ જન્મેલા કાર્ટરને 2002માં નોબેલ શાંતિ પુરસ્કાર એનાયત કરવામાં આવ્યો હતો. કાર્ટર 1977માં આર. ફોર્ડને હરાવીને રાષ્ટ્રપતિ બન્યા હતા. દરમિયાન તેમણે મધ્ય પૂર્વ સાથે અમેરિકાના સંબંધોનો પાયો નાખ્યો હતો.

#BREAKING Former US president Jimmy Carter dies aged 100: US media pic.twitter.com/QDVfF541BD

— AFP News Agency (@AFP) December 29, 2024

પદ પર રહેતા અને પદ છોડ્યા બાદ પણ કાર્ટરે શાંતિ અને માનવતાવાદી કારણો માટે અથાક પ્રયત્નો કરી વારસો બનાવ્યો હતો. તેમણે 1978માં ઐતિહાસિક કેમ્પ ડેવિડ સમજૂતિમાં મધ્યસ્થતા કરી હતી જેનાથી મિડલ ઇસ્ટમાં શાંતિ માટે એક માળખું બનાવ્યું અને ઇઝરાયલ-ઇજિપ્ત શાંતિ કરાર થયો હતો. આ કારણે જ તેમને આંતરરાષ્ટ્રીય શાંતિ, લોકશાહી અને માનવ અધિકારોને આગળ વધારવા માટે નોબેલ શાંતિ પુરસ્કાર એનાયત કરવામાં આવ્યો હતો.

કાર્ટરના પુત્રએ તેમના મૃત્યુની પુષ્ટી કરી હતી પરંતુ તરત જ કારણ જાહેર કર્યું ન હતું. ફેબ્રુઆરી 2023માં એક નિવેદનમાં કાર્ટર સેન્ટરે જણાવ્યું હતું કે ભૂતપૂર્વ રાષ્ટ્રપતિને સ્કિન કેન્સરના કારણે સારવાર આપવામાં આવી હતી, જેમાં ગાંઠ તેમના લીવર અને મગજમાં ફેલાઈ ગઈ હતી. કાર્ટરનો છેલ્લો ફોટો તેમના 100મા જન્મદિવસે 1 ઓક્ટોબરે પરિવાર અને મિત્રો સાથે તેમના ઘરની બહાર લેવામાં આવ્યો હતો.

રાષ્ટ્રપતિના રૂપમાં કાર્ટરનો કાર્યકાળ ઉથલપાથલથી ભરેલો હતો. તેમના કાર્યકાળમાં યુએસ ઊર્જા સંકટ અને ઈરાન બંધક સંકટનો સામેલ હતા. કાર્ટર 1971 થી 1975 સુધી જ્યોર્જિયાના ગવર્નર પણ હતા. 1837 પછી તેઓ ડીપ સાઉથમાંથી આવનારા પ્રથમ રાષ્ટ્રપતિ હતા. જોનસન અને બિલ ક્લિન્ટનના કાર્યકાળ દરમિયાન તેઓ એકમાત્ર ડેમોક્રેટ ચૂંટાયેલા રાષ્ટ્રપતિ હતા.

ગયા વર્ષે પત્નીનું અવસાન થયું

જેમ્સ અર્લ કાર્ટર જૂનિયરનો જન્મ 1 ઓક્ટોબર, 1924ના રોજ પ્લેન્સમાં થયો હતો. તેના પિતા ખેડૂત હતા. તેમને પુસ્તકો અને તેમનો બૈપટિસ્ટ ધર્મ ખૂબ પસંદ હતો. તેમણે યુએસ નેવલ એકેડેમીમાં પરમાણુ વિજ્ઞાનનો અભ્યાસ કર્યો અને 1946માં વિશિષ્ટતા સાથે સ્નાતક થયા. તે જ વર્ષે તેમણે રોઝલિન સ્મિથ સાથે લગ્ન કર્યા. તેમની પત્નીનું 19 નવેમ્બર, 2023ના રોજ 96 વર્ષની વયે અવસાન થયું હતું.