Hafiz Saeed: ઇદના દિવસે હાફિઝ સઇદના નજીકના અબ્દુલ રહેમાનનું કામ તમામ, કરાંચીમાં મરાયો ઠાર

Hafiz Saeed Close Aide Murder: કહેવામાં આવી રહ્યું છે કે અબ્દુલ રહેમાન અહલ-એ-સુન્નત વાલ જમાતનો સ્થાનિક નેતા હતો. તે કરાચીમાં લશ્કર માટે ભંડોળ એકત્ર કરતો હતો

(તસવીર- એબીપી લાઇવ)

Source : એબીપી અસ્મિતા

Hafiz Saeed Close Aide Murder: પાકિસ્તાનમાં એક પછી એક ઘણા આતંકવાદીઓને ઠાર કરવામાં આવ્યા છે. હવે કરાંચીમાં હાફિઝ સઈદના વધુ એક નજીકના સાથીની હત્યા કરવામાં આવી છે. કરાચીમાં, લશ્કર-એ-તૈયબા માટે ભંડોળ એકત્ર કરી રહેલા અબ્દુલ રહેમાન પર અજાણ્યા બંદૂકધારીઓએ ગોળીબાર કર્યો, જેમાં તેનું મોત થયું.

કહેવામાં આવી રહ્યું છે કે અબ્દુલ રહેમાન અહલ-એ-સુન્નત વાલ જમાતનો સ્થાનિક નેતા હતો. તે કરાચીમાં લશ્કર માટે ભંડોળ એકત્ર કરતો હતો. તેના એજન્ટો આખા વિસ્તારમાંથી ભંડોળ લાવીને તેની પાસે જમા કરાવતા હતા, ત્યારબાદ તે ભંડોળ હાફિઝ સઈદ સુધી પહોંચાડતો હતો.

આ હુમલામાં અબ્દુલ રહેમાનના પિતા પણ ઘાયલ થયા હતા - 
હાફિઝ સઈદના નજીકના સાથી પર આ હુમલો ત્યારે થયો જ્યારે તે તેના પિતા અને અન્ય લોકો સાથે હતો. આ હુમલામાં તેના પિતા સહિત ત્રણ લોકો ગંભીર રીતે ઘાયલ થયા હતા, જેમાં અબ્દુલ રહેમાનનું ઘટનાસ્થળે જ મોત નીપજ્યું હતું. પાકિસ્તાન છેલ્લા કેટલાક વર્ષોથી આતંકવાદથી પીડાઈ રહ્યું છે. એકતરફ, BLA અને તહરીક-એ-તાલિબાન બલુચિસ્તાનમાં પાકિસ્તાની સેનાને નિશાન બનાવી રહ્યા છે. બીજીતરફ, આતંકવાદીઓને એક પછી એક ઠાર કરવામાં આવી રહ્યા છે. હાફિઝ સઈદના નજીકના સાથીને નિશાન બનાવનાર વ્યક્તિને ન તો કોઈએ જોયો છે અને ન તો કોઈ તેને ઓળખે છે.

ક્વેટામાં મુફ્તીની ગોળી મારીને હત્યા - 
તાજેતરમાં, ક્વેટામાં અજાણ્યા હુમલાખોરોએ જમિયત-ઉલેમા-એ-ઇસ્લામના મુફ્તી અબ્દુલ બાકી નૂરઝાઈની ગોળી મારીને હત્યા કરી દીધી હતી. ક્વેટા એરપોર્ટ નજીક નૂરઝાઈ પર ગોળીબાર કરવામાં આવ્યો હતો, જેમાં તે ગંભીર રીતે ઘાયલ થયો હતો અને હોસ્પિટલમાં સારવાર દરમિયાન તેનું મૃત્યુ થયું હતું.

લશ્કરનો કમાન્ડ પણ માર્યો ગયો - 
અબ્દુલ રહેમાન પહેલા પંજાબ પ્રાંતના ઝેલમ વિસ્તારમાં લશ્કર-એ-તૈયબાના ટોચના કમાન્ડર, ઝિયા-ઉર-રહેમાન ઉર્ફે નદીમ ઉર્ફે કતલ સિંધીની ગોળી મારીને હત્યા કરવામાં આવી હતી. નદીમ લશ્કરના સ્થાપક હાફિઝ સઈદનો વિશ્વાસુ સાથી માનવામાં આવતો હતો. તે જમ્મુ અને કાશ્મીરના પૂંછ-રાજૌરી વિસ્તારમાં આતંકવાદી પ્રવૃત્તિઓમાં સામેલ હતો. તે 2000 ની શરૂઆતમાં જમ્મુ ક્ષેત્રમાં ઘૂસણખોરી કરી હતી અને 2005 માં પાકિસ્તાન પાછો ફર્યો હતો.

                                                                                         

આ પણ વાંચો

મ્યાનમાર ભૂકંપમાં મૃત્યુઆંક 2,000ની નજીક પહોંચ્યો, લોકોને બચાવવા હજુ પણ ચાલી રહ્યું છે રેસ્ક્યૂ ઓપરેશન

સ્વિમિંગ પુલમાં કપલ કરી રહ્યું હતું રોમાન્સ, અચાનક આવ્યો ભૂકંપ અને થઇ ગયું કાંડ, જુઓ વીડિયો