ઈરાનની ટ્રમ્પને લુખ્ખી ધમકીઃ જો અમેરિકા ઈઝરાયલ સાથે યુદ્ધમાં ઝંપલાવશે તો બધાની હાલત...
ઈરાનના વિદેશ મંત્રી અબ્બાસ અરાઘચીએ ઈસ્તાંબુલમાં નિવેદન આપ્યું; જ્યાં સુધી ઈઝરાયલી હુમલા ચાલુ રહેશે ત્યાં સુધી અમેરિકા સાથે વાતચીત નહીં કરવાની ચીમકી.
Iran warns Trump: ઈઝરાયલ સાથે ચાલી રહેલા તણાવપૂર્ણ સંઘર્ષ વચ્ચે ઈરાને અમેરિકાના રાષ્ટ્રપતિ ડોનાલ્ડ ટ્રમ્પને (US Iran tensions) સીધી અને કડક ચેતવણી આપી છે. ઈરાનના વિદેશ મંત્રી અબ્બાસ અરાઘચીએ સ્પષ્ટ શબ્દોમાં જણાવ્યું છે કે, જો અમેરિકા ઈઝરાયલ સાથેના આ યુદ્ધમાં સક્રિય રીતે જોડાશે, તો તે "બધા માટે અત્યંત, અત્યંત ખતરનાક" સાબિત થશે. તેમણે યુએસ રાષ્ટ્રપતિ ડોનાલ્ડ ટ્રમ્પ લશ્કરી હસ્તક્ષેપ પર વિચાર કરી રહ્યા હોવાના અહેવાલોને "અત્યંત દુર્ભાગ્યપૂર્ણ" ગણાવ્યા હતા.
ઈઝરાયલી હુમલા બંધ ન થાય ત્યાં સુધી અમેરિકા સાથે વાતચીત નહીં
ઈસ્તાંબુલમાં પત્રકારો સાથે વાતચીત કરતી વખતે અરાઘચીએ આ નિવેદન આપ્યું હતું. તેઓ જીનીવામાં યોજાયેલી વાટાઘાટો પછી પરત ફરી રહ્યા હતા, જોકે આ વાટાઘાટોમાંથી કોઈ મહત્વપૂર્ણ રાજદ્વારી ઉકેલ આવી શક્યો ન હતો. વાટાઘાટોના સમાપન પર, અરાઘચીએ જણાવ્યું કે ઈરાન આગળની વાટાઘાટો માટે ખુલ્લું છે, પરંતુ સાથે જ તેમણે એ પણ સ્પષ્ટ કર્યું કે જ્યાં સુધી ઈઝરાયલ દ્વારા હુમલા (Iran Israel war news) ચાલુ રહેશે, ત્યાં સુધી ઈરાનને અમેરિકા સાથે વાટાઘાટોમાં કોઈ રસ નથી.
ઈરાન પર યુદ્ધ લાદવામાં આવ્યું: અરાઘચી
સંયુક્ત રાષ્ટ્ર માનવાધિકારમાં વાટાઘાટો દરમિયાન, ઈરાનના વિદેશ પ્રધાન અરાઘચીએ ભારપૂર્વક કહ્યું કે, "ઈઝરાયલે આપણા પર ખોટી રીતે હુમલો કર્યો છે. યુદ્ધ આપણા પર લાદવામાં આવ્યું છે." તેમણે વધુમાં જણાવ્યું કે, "ઝાયોનિસ્ટ શાસન પેલેસ્ટિનિયનો સામે પણ ગુનાઓ કરી રહ્યું છે. તેણે પડોશીઓની જમીન પર પણ કબજો કર્યો છે. તેથી, બધા દેશોએ તેની સામે ઊભા રહેવું જોઈએ."
અમેરિકન હસ્તક્ષેપ વૈશ્વિક સ્થિરતા માટે ખતરો
અરાઘચીએ ચેતવણી આપી કે આ સંઘર્ષમાં અમેરિકન લશ્કરી હસ્તક્ષેપ પ્રાદેશિક અને વૈશ્વિક સ્થિરતા માટે ગંભીર ખતરો ઉભો કરી શકે છે. તેમની ટિપ્પણી એવા સમયે આવી છે જ્યારે યુએસ રાષ્ટ્રપતિ ડોનાલ્ડ ટ્રમ્પ આ યુદ્ધમાં અમેરિકાની લશ્કરી ભૂમિકા પર વિચાર કરી રહ્યા હોવાના અહેવાલ છે. આના પર પ્રતિક્રિયા આપતા, અરાઘચીએ કહ્યું કે, "આ અમેરિકા માટે પણ એક દુર્ભાગ્યપૂર્ણ નિર્ણય હશે." તેમણે ભાર મૂક્યો કે પ્રદેશમાં શાંતિ અને સ્થિરતા ત્યારે જ શક્ય છે જ્યારે બધા પક્ષો રાજદ્વારીને પ્રાધાન્ય આપે અને સંઘર્ષને પ્રોત્સાહન આપતા પગલાં ટાળે.
ટોપ સ્ટોરી
ટ્રેન્ડિંગ સમાચાર
