Iran-Israel Crisis: ખામેનેઇનું ઘર, રિવૉલ્યૂશનરી ગાર્ડ હેડક્વાર્ટર, તેલના કુવાઓ... ઇરાનમાં ઇઝરાયેલ કરશે એટેક ?
Iran Israel Crisis: ઈરાને 1 ઓક્ટોબર, 2024ના રોજ ઈઝરાયેલ પર મિસાઈલોથી બૉમ્બમારો કર્યો હતો
Iran Israel Crisis: ઈરાને 1 ઓક્ટોબર, 2024ના રોજ ઈઝરાયેલ પર મિસાઈલોથી બૉમ્બમારો કર્યો હતો. આ હુમલાના જવાબમાં ઈઝરાયેલે કહ્યું હતું કે ઈરાને બહુ મોટી ભૂલ કરી છે અને અમે એવી જવાબી કાર્યવાહી કરીશું જે તે ક્યારેય ભૂલી શકશે નહીં. ઈઝરાયેલે કહ્યું હતું કે, ઈરાનના હુમલાનો ચોક્કસ જવાબ આપવામાં આવશે, પરંતુ ક્યારે અને કેવી રીતે જવાબ આપવો તે અમે નક્કી કરીશું. તેના બદલો લેવા અંગે સસ્પેન્સ યથાવત છે.
ચેનલ 12એ સૂત્રોને ટાંકીને જણાવ્યું હતું કે ઈઝરાયેલ ઈરાનની ઓઈલ ફેસિલિટી, રાષ્ટ્રપતિ મહેલ સંકુલ, સુપ્રીમ લીડર આયાતુલ્લા અલી ખામેનેઇના ઓફિશિયલ બિલ્ડીંગ કૉમ્પ્લેક્સ અને રિવૉલ્યૂશનરી ગાર્ડના હેડક્વાર્ટરને 1 ઓક્ટોબરના મિસાઈલ હુમલાનો બદલો લેવાનું વિચારી રહ્યું છે. એવી શક્યતા છે કે ઈઝરાયેલ 7 ઓક્ટોબરે ઈરાન પર હુમલો કરી શકે છે. તે ઈરાનના પરમાણુ સ્થળોને પણ નિશાન બનાવી શકે છે.
ઈઝરાયેલના એક અધિકારીએ ન્યૂઝ એજન્સી એએફપીને જણાવ્યું કે સેના આ સપ્તાહની શરૂઆતમાં ઈરાની મિસાઈલ હુમલાનો જવાબ આપવાની તૈયારી કરી રહી છે. લશ્કરી અધિકારીએ નામ જાહેર ન કરવાની શરતે AFPને આ માહિતી આપી કારણ કે તેઓ આ મુદ્દે જાહેરમાં બોલવા માટે અધિકૃત ન હતા. લશ્કરી અધિકારીએ ઇઝરાયેલનો બદલો કેટલો ગંભીર હશે અથવા તે ક્યારે થશે તે અંગે વિસ્તૃત માહિતી આપી ન હતી.
ઇરાનની અર્થવ્યવસ્થા ચોપટ કરી શકે છે ઇઝરાયેલ
યુએસ સ્ટેટ ડિપાર્ટમેન્ટના એક ટોચના અધિકારીએ સીએનએનને જણાવ્યું હતું કે ઇઝરાયેલે જો બાઇડેને વહીવટીતંત્રને ખાતરી આપી નથી કે તે મિસાઇલ હુમલાના જવાબમાં ઇરાનના પરમાણુ સ્થળોને નિશાન બનાવશે નહીં. રાષ્ટ્રપતિ જો બાઇડેને આ સપ્તાહની શરૂઆતમાં કહ્યું હતું કે અમેરિકા ઈરાનની પરમાણુ સુવિધાઓને નિશાન બનાવતી ઈઝરાયેલની કાર્યવાહીને સમર્થન નહીં આપે. તેણે ઈરાની ઓઈલ ઈન્ફ્રાસ્ટ્રક્ચર પરના હુમલાને પણ સમર્થન આપ્યું ન હતું.
જો ઈઝરાયેલ ઈરાનની તેલ સુવિધાઓને નિશાન બનાવશે તો તેની ઈરાનની અર્થવ્યવસ્થા અને ઈન્ફ્રાસ્ટ્રક્ચર પર ગંભીર અસર થઈ શકે છે, જે અમેરિકાના પ્રતિબંધોને કારણે પહેલેથી જ તણાવમાં છે. એવી અટકળો છે કે ઈઝરાયેલના હુમલાનું સંભવિત નિશાન ખર્ગ ટાપુ હોઈ શકે છે. આ આઈલેન્ડ ઈરાનનું સૌથી મોટું ઓઈલ ટર્મિનલ છે. ઈરાન તેના મોટાભાગના તેલની નિકાસ અહીંથી કરે છે.
ઇઝરાયેલના જવાબી હુમલાની પડશે ગ્લૉબલ ઇફેક્ટ
ઈરાન દ્વારા ઑક્ટોબર 1 ના રોજ ઈઝરાયેલ પર મિસાઈલ હુમલો કર્યા પછી ખર્ગ દ્વીપની નજીક રાહ જોઈ રહેલા ઓઈલ ટેન્કરોને ખાલી કરવામાં આવ્યા છે, બ્લૂમબર્ગના અહેવાલો, અને વિશ્વ આ હુમલા અંગે ઈઝરાયેલની પ્રતિક્રિયા જોવાની રાહ જોઈ રહ્યું છે. ગૉલ્ડમેન સૅક્સના જણાવ્યા અનુસાર, જો ઇઝરાયલની જવાબી કાર્યવાહીને કારણે ઈરાનના તેલ ઉત્પાદનને અસર થાય છે, તો તેલના ભાવ પ્રતિ બેરલ $20 વધી શકે છે.
આ પણ વાંચો
ટ્રેન્ડિંગ સમાચાર
ટોપ સ્ટોરી
