પાકિસ્તાનમાં બસ-ટ્રક વચ્ચે ભયંકર અકસ્માત, ઈદ પર ઘરે જતાં 30ના મોત

જાબ પ્રાંતના ડેરા ગાઝી ખાન વિસ્તારમાં મુસાફર બસ અને ટ્રક ગમખ્વાર અકસ્માત સર્જાયો હતો. આ અકસ્માત 30 લોકોનાં મોત નીપજ્યાં હતાં. બસ સિયાલકોટથી રાજનપુર જઈ રહી હતી.

પ્રતિકાત્મક તસવીર.

પાકિસ્તાનમાં બસ અને ટ્રક વચ્ચે ભયંકર અકસ્માત થયો હતો. પંજાબ પ્રાંતના ડેરા ગાઝી ખાન વિસ્તારમાં મુસાફર બસ અને ટ્રક ગમખ્વાર અકસ્માત સર્જાયો હતો. આ અકસ્માત 30 લોકોનાં મોત નીપજ્યાં હતાં. બસ સિયાલકોટથી રાજનપુર જઈ રહી હતી. મોટા ભાગના લોકો ઇદની રજા પર ઘરે જવા રવાના થયા હતા. આ દુર્ઘટનામાં 40 થી વધુ લોકો ઘાયલ થયા છે. તમામ ઘાયલોને નજીકની હોસ્પિટલમાં ખસેડાયા હતા. 

ડેરા ગાઝી કમિશનર ડો. ઇરશાદ અહેમદે મીડિયાને જણાવ્યું કે, અકસ્માતની જાણ થતાં જ પોલીસ તાત્કાલિક ઘટના સ્થળે પહોંચી હતી અને ઈજાગ્રસ્તોને હોસ્પિટલ ખસેડાયા હતા. મૃતદેહો અને ઈજાગ્રસ્તોને ડી.એચ.ક્યુ. ટીચિંગ હોસ્પિટલમાં ખસેડાયા હતા. ગૃહમંત્રી શેખ રશીદે પણ અકસ્માત અંગે દૂ:ખ વ્યક્ત કર્યું હતું. તેમણે કહ્યું કે આ ઘટના ઈદની આગામી રજા પર ઘરે પરત જનારા લોકો માટે કોઈ મોટી હોનારતથી ઓછી નથી. મૃતકો માટે તેમણે શોક વ્યક્ત કર્યો હતો.