પાકિસ્તાનમાં રામાયણની ગુંજ: કરાચીમાં મુસ્લિમ કલાકારોએ કર્યું મંચન, 'જય શ્રી રામ'ના નારાથી માહોલ ગુંજી ઉઠ્યો

સહિષ્ણુ સમાજનું ઉદાહરણ: 'મૌજ' જૂથ દ્વારા AIના ઉપયોગથી ભવ્ય પ્રદર્શન.

પાકિસ્તાનમાં રામાયણની ગુંજ

Source : social media

• પાકિસ્તાનના કરાચીમાં મુસ્લિમ કલાકારોએ રામાયણનું ભવ્ય મંચન કર્યું, જેમાં આર્ટિફિશિયલ ઇન્ટેલિજન્સ (AI) નો પણ ઉપયોગ થયો.
• દિગ્દર્શક યોહેશ્વર કરેરાએ જણાવ્યું કે આ પ્રદર્શન પાકિસ્તાની સમાજની વધતી સહિષ્ણુતા દર્શાવે છે.
• આ નાટકને દર્શકો અને કલા-ફિલ્મ વિવેચકો તરફથી ભરપૂર પ્રતિસાદ અને પ્રશંસા મળી.
• પ્રકાશ વ્યવસ્થા, સંગીત અને કલાકારોના પોશાક દ્વારા રામાયણની ભાવનાત્મકતા અને ભવ્યતા ને સારી રીતે રજૂ કરાઈ.
• આ ઘટના પાકિસ્તાનમાં ધાર્મિક સહિષ્ણુતા અને કલાત્મક અભિવ્યક્તિનું મહત્વપૂર્ણ ઉદાહરણ પૂરું પાડે છે.

Ramayana drama in Karachi: પાકિસ્તાનના કરાચી શહેરમાં એક અનોખી અને પ્રશંસનીય ઘટના બની છે, જ્યાં મુસ્લિમ કલાકારોએ રામાયણનું મંચન કર્યું છે. કરાચી આર્ટ્સ કાઉન્સિલમાં સપ્તાહના અંતે 'મૌજ' (Mauj) જૂથ દ્વારા આ ભવ્ય નાટક રજૂ કરવામાં આવ્યું, જેમાં આર્ટિફિશિયલ ઇન્ટેલિજન્સ (AI) નો પણ ઉપયોગ કરવામાં આવ્યો હતો. આ પ્રદર્શન માટે પાકિસ્તાની નાટક જૂથની વ્યાપક પ્રશંસા થઈ રહી છે.

પાકિસ્તાનમાં લઘુમતી હિન્દુઓની સુરક્ષાનો મુદ્દો ઘણીવાર ઉઠાવવામાં આવે છે, ત્યારે આ રામાયણ મંચન વિશે અનેક અટકળો હતી. જોકે, નાટકના દિગ્દર્શક યોહેશ્વર કરેરાએ (Yoheshwar Karera) જણાવ્યું કે, "મને ક્યારેય એવું લાગ્યું નથી કે લોકો મને નાપસંદ કરશે અથવા રામાયણનું મંચન કરવાથી તેમને કોઈપણ પ્રકારના ખતરાનો સામનો કરવો પડશે."

પાકિસ્તાની સમાજ સહિષ્ણુ છે: યોહેશ્વર કરેરા અને વિવેચકોના પ્રશંસનીય પ્રતિભાવો

દિગ્દર્શક યોહેશ્વર કરેરાએ વધુમાં ઉમેર્યું કે, "મારા માટે, રામાયણને સ્ટેજ પર જીવંત કરવું એ એક અદ્ભુત દ્રશ્ય અનુભવ છે અને તે દર્શાવે છે કે પાકિસ્તાની સમાજ માનવામાં આવે છે તેના કરતાં વધુ સહિષ્ણુ છે." તેમણે જણાવ્યું કે આ નાટકને ખૂબ સારો પ્રતિસાદ મળ્યો છે અને ઘણા વિવેચકોએ તેના નિર્માણ અને કલાકારોના અભિનયની પ્રશંસા કરી છે.

Performance of Ramayan in Karachi, Pakistan pic.twitter.com/6kciamWJap

— Sabahat Zakariya (@sabizak) July 13, 2025

પાકિસ્તાનના જાણીતા કલા અને ફિલ્મ વિવેચક ઓમૈર અલ્વીએ (Omair Alvi) પણ આ પ્રદર્શનની ભરપૂર પ્રશંસા કરી. તેમણે વાર્તા કહેવાની પ્રામાણિકતાથી (authenticity) પ્રભાવિત થયા હોવાનું જણાવ્યું. તેમણે કહ્યું કે, રામાયણના સ્ટેજિંગ દરમિયાન પ્રકાશ વ્યવસ્થા, સંગીત, કલાકારોના રંગબેરંગી પોશાક અને ભાવનાત્મક ડિઝાઇને શોની ભવ્યતામાં વધારો કર્યો. અલ્વીએ ભારપૂર્વક કહ્યું કે, "રામાયણ એક એવી વાર્તા છે જે વિશ્વભરના લાખો લોકો સાથે જોડાય છે."

સીતાની ભૂમિકા ભજવનાર કલાકારનો અનુભવ

કરાચીમાં આ રામાયણના મંચનમાં માતા સીતાની (Mata Sita) ભૂમિકા ભજવનારા નિર્માતા રાણા કાઝમીએ (Rana Kazmi) જણાવ્યું કે, તેઓ આ પ્રાચીન વાર્તાને દર્શકો માટે જીવંત અનુભવ તરીકે રજૂ કરવાના વિચારથી ખૂબ જ રોમાંચિત હતા. આ ઘટના પાકિસ્તાનમાં ધાર્મિક સહિષ્ણુતા અને કલાત્મક અભિવ્યક્તિનું એક ઉદાહરણ પૂરું પાડે છે.