Seaplane crashes: ઓસ્ટ્રેલિયામાં સી પ્લેનની મોટી દુર્ઘટના, પ્લેન ક્રેશ થતાં પાયલટ સહિત ત્રણનાં મોત, ત્રણ ઘાયલ

Seaplane crashes: આ પ્લેનમાં કુલ સાત લોકો સવાર હતા. માત્ર એક જ મુસાફર છે જેને ઈજા થઈ નથી. સ્વાન રિવર સીપ્લેનની માલિકીનું આ વિમાન રોટનેસ્ટ આઇલેન્ડથી પર્થ પરત ફરી રહ્યું હતું.

ઓસ્ટ્રેલિયામાં સી પ્લેન દુર્ઘટના

Source : Photo x

Seaplane crashes: ઓસ્ટ્રેલિયાના રોટનેસ્ટ ટાપુ પાસે એક વિમાન ક્રેશ થતા બે પ્રવાસીઓ સહિત ત્રણ લોકોના મોત થયા છે અને અન્ય ત્રણ ઘાયલ થયા છે. પોલીસે જણાવ્યું હતું કે, સાત લોકો સાથેનું વિમાન 'સેસ્ના 208 કારવાં' (Cessna 208 Caravan)મંગળવારે બપોરે ટાપુ પરથી ટેકઓફ કરતી વખતે ક્રેશ થયું હતું. તેમણે કહ્યું કે માત્ર એક જ મુસાફર હતો જેને ઈજા થઈ ન હતી. સ્વાન રિવર સીપ્લેનની માલિકીનું આ વિમાન રોટનેસ્ટ આઇલેન્ડથી પર્થ પરત ફરી રહ્યું હતું.

પશ્ચિમ ઓસ્ટ્રેલિયાના રાજ્યના પ્રીમિયર રોજર કૂકે જણાવ્યું હતું કે મૃતકોમાં સ્વિટ્ઝર્લેન્ડના 65 વર્ષીય મહિલા પ્રવાસી,  ડેનમાર્કના 60 વર્ષીય પ્રવાસી,અને પર્થના રહેવાસીનો સમાવેશ થાય છે. આ વ્યક્તિ પ્લેનનો પાઈલટ હતો. કૂકે જણાવ્યું હતું કે અકસ્માતનું કારણ અત્યારે નક્કી કરી શકાયું નથી.

પીએમ અલ્બેનિસે શોક વ્યક્ત કર્યો

વેસ્ટર્ન ઓસ્ટ્રેલિયા સ્ટેટ પોલીસ કમિશનર કર્નલ બ્લેન્ચે જણાવ્યું હતું કે, ઘાયલોને ગંભીર ઇજા નથી થઇ. અકસ્માતની તપાસ કરી રહેલા ઓસ્ટ્રેલિયન ટ્રાન્સપોર્ટ સેફ્ટી બ્યુરોએ જણાવ્યું હતું કે નિષ્ણાત અધિકારીઓને ઘટનાસ્થળે મોકલવામાં આવી રહ્યા છે. ઓસ્ટ્રેલિયાના વડાપ્રધાન એન્થોની અલ્બેનિસે આ ઘટનાને ભયાનક ગણાવી હતી. "બધા ઓસ્ટ્રેલિયનોએ આજે ​​સવારે ઉઠતાંની સાથે જ દ્રશ્યો  જોયા હશે," અલ્બેનિસે એબીસી ટેલિવિઝનને જણાવ્યું કે ઘટનાથી પીડિતને  મારી સંવેદના”                                                          

પ્રવાસીએ અકસ્માત જોયો

રોટનેસ્ટ ખાતે રજાઓ માણી રહેલા પ્રવાસી ગ્રેગ ક્વિને જણાવ્યું હતું કે, તેણે પ્લેન ક્રેશ જોયું હતું. ક્વિને પર્થમાં ઓસ્ટ્રેલિયન બ્રોડકાસ્ટિંગ કોર્પોરેશન રેડિયોને જણાવ્યું હતું કે, "અમે સી પ્લેનને ટેકઓફ થતું જોઈ રહ્યા હતા અને તે પાણીમાંથી ઉતરવાનું શરૂ કર્યું ત્યારે તે પલટી ગયું અને ક્રેશ થયું." પાણીમાં ઘણા લોકો તેમની બોટ પર બેસીને ઘટનાસ્થળ તરફ દોડ્યા અને મને લાગે છે કે તેઓ ખરેખર ઝડપથી ત્યાં પહોંચી ગયા. અધિકારીઓએ જણાવ્યું હતું કે ત્રણ ઘાયલ લોકોને ગંભીર  પર્થ હોસ્પિટલમાં લઈ જવામાં આવ્યા હતા.

આ પણ વાંચો