પહેલગામમા થયેલા આતંકી હુમલાની ગુંજ UNમાં સંભળાઈ, આ દેશોએ લગાવી પાકિસ્તાનને ફટકાર
UN on Jammu Kashmir Terror Attack: UN એ પહેલગામમાં થયેલા આતંકવાદી હુમલાની કડક નિંદા કરી છે. કાઉન્સિલે હુમલાખોરોને જવાબદાર ઠેરવવા અને તેમને ન્યાયના કઠેડામાં લાવવાની જરૂરિયાત પર ભાર મૂક્યો છે.
UN on Jammu Kashmir Terror Attack: સંયુક્ત રાષ્ટ્ર સુરક્ષા પરિષદના સભ્યોએ 22 એપ્રિલે જમ્મુ અને કાશ્મીરમાં થયેલા આતંકવાદી હુમલાની કડક નિંદા કરી છે. યુએનએસસીએ આ ઘટનામાં સામેલ આતંકવાદીઓ અને હુમલા પાછળના કાવતરાખોરોને જવાબદાર ઠેરવવા અને તેમને કડક સજા આપવા પર ભાર મૂક્યો છે. પહેલગામ આતંકવાદી હુમલા બાદ રશિયા, ફ્રાન્સ, ચીન, અમેરિકા અને બ્રિટને પણ ભારતને ટેકો આપ્યો છે અને પાકિસ્તાનનું નામ લીધા વિના તેને ઠપકો આપ્યો છે.
#PahalgamTerrorAttack | The members of the Security Council condemned in the strongest terms the terrorist attack in Jammu and Kashmir on 22 April, during which at least 26 people were killed and many more injured. The members of the Security Council underlined the need to hold… pic.twitter.com/Uh2qJqCTWl
— ANI (@ANI) April 26, 2025
યુએનએસસીએ કહ્યું કે આ ઘટનાને શક્ય તેટલી નિંદા મળવી જોઈએ. તેમણે મૃતકોના પરિવારજનો પ્રત્યે ઊંડી સંવેદના પણ વ્યક્ત કરી અને ઘાયલોના ઝડપથી સ્વસ્થ થવાની કામના કરી. તમને જણાવી દઈએ કે આ આતંકવાદી હુમલામાં 26 લોકોના મોત થયા છે, જ્યારે ઘણા લોકો હોસ્પિટલમાં દાખલ છે. આ ઘટનામાં નિર્દોષ લોકોએ જીવ ગુમાવ્યા છે, ત્યારબાદ દેશ અને વિદેશમાં તેની નિંદા થઈ રહી છે.
સુરક્ષા પરિષદે પોતાના નિવેદનમાં કહ્યું કે આ હત્યાઓ માટે જવાબદાર લોકોને જવાબદાર ઠેરવવા જોઈએ. આ સાથે, કાઉન્સિલે સંબંધિત અધિકારીઓ સાથે સક્રિય રીતે સહયોગ કરવાની વાત કરી. સુરક્ષા પરિષદના સભ્યોએ પુનરોચ્ચાર કર્યો કે આતંકવાદનું કોઈપણ કૃત્ય ગુનાહિત અને ગેરવાજબી છે, તેની પ્રેરણા ગમે તે હોય, ગમે ત્યાં, ગમે ત્યારે અને ગમે તે વ્યક્તિ દ્વારા કરવામાં આવે. તેમણે આવા જોખમોનો દરેક શક્ય રીતે સાથે મળીને સામનો કરવા અપીલ કરી.
ભારત સાથે ઘણા દેશો આવ્યા
શુક્રવારે બ્રિટિશ વડા પ્રધાન કીર સ્ટોર્મરે વડા પ્રધાન નરેન્દ્ર મોદી સાથે ટેલિફોનિક વાતચીતમાં આતંકવાદની નિંદા કરી, પહેલગામ હુમલાને "બર્બર" ગણાવ્યો અને કહ્યું કે આ દુ:ખદ ઘડીમાં બ્રિટન ભારતની સાથે મજબૂત રીતે ઊભું છે. નેધરલેન્ડના વડા પ્રધાન ડિક સ્કૂફ અને શ્રીલંકાના રાષ્ટ્રપતિ અનુરા કુમારા દિસાનાયકે પણ પીએમ મોદી સાથે ફોન પર વાત કરી અને તમામ પ્રકારના આતંકવાદ સામે લડવાની તેમની પ્રતિબદ્ધતાનો પુનરોચ્ચાર કર્યો.
ટોપ સ્ટોરી
ટ્રેન્ડિંગ સમાચાર
