US-China Tariff War: ચીને અમેરિકાને કહી દીધું યુદ્ધ કરી લો, હવે ટ્રમ્પનો પલટવાર- અમે તૈયાર છીએ...
US-China Tariff War: હેગસેથે સ્પષ્ટપણે કહ્યું કે, જેઓ શાંતિ ઇચ્છે છે તેઓએ યુદ્ધ માટે તૈયાર રહેવું જોઈએ. આ નિવેદન વેપાર વિવાદો વચ્ચે આવ્યું છે
US-China Tariff War: અમેરિકાના સંરક્ષણ સચિવ પીટ હેગસેથે એક નિવેદનમાં કહ્યું છે કે અમેરિકા ચીન સાથે ટેરિફ ધમકીઓ અને વેપાર યુદ્ધનો સામનો કરવા માટે સંપૂર્ણપણે તૈયાર છે. તેમના આ નિવેદનથી બંને દેશો વચ્ચે છેલ્લા કેટલાક સમયથી ચાલી રહેલા વેપાર તણાવમાં વધુ વધારો થયો છે.
હેગસેથે સ્પષ્ટપણે કહ્યું કે, જેઓ શાંતિ ઇચ્છે છે તેઓએ યુદ્ધ માટે તૈયાર રહેવું જોઈએ. આ નિવેદન વેપાર વિવાદો વચ્ચે આવ્યું છે. જ્યાં ચીન અને અમેરિકા વચ્ચે ટેરિફ ધમકીઓ અને વેપાર પ્રતિબંધોને લઈને સંઘર્ષ ચાલુ છે. ફોક્સ ન્યૂઝના અહેવાલ મુજબ, હેગસેથે રાષ્ટ્રપતિ ડોનાલ્ડ ટ્રમ્પને ટાંકીને કહ્યું કે અમેરિકા શાંતિ અને સહયોગની દિશામાં આગળ વધવા માંગે છે, પરંતુ જો જરૂરી હોય તો, અમેરિકા તેના હિતોનું રક્ષણ કરવા માટે તૈયાર રહેશે.
અમેરિકા-ચીન ટ્રેડ વૉર
ટ્રમ્પ વહીવટીતંત્રે ચીનથી આયાત થતી ચીજવસ્તુઓ પર 20 ટકા ટેરિફ લાદવાનો નિર્ણય લીધા બાદ અમેરિકા અને ચીન વચ્ચે વેપાર વિવાદ વધુ વકર્યો હતો. આ પગલું ચીનની આર્થિક નીતિઓ અને વેપાર પ્રથાઓ વિરુદ્ધ લેવામાં આવ્યું હતું, જેનો ઉદ્દેશ્ય અમેરિકાની વેપાર ખાધ ઘટાડવા અને અમેરિકન ઉત્પાદકોને રક્ષણ આપવાનો હતો. આના જવાબમાં ચીને પણ અમેરિકાથી નિકાસ થતી ચીજવસ્તુઓ પર ટેરિફ વધાર્યો, જેનાથી બંને દેશો વચ્ચેનો વેપાર સંઘર્ષ વધુ ગાઢ બન્યો.
અમેરિકાની રક્ષા નીતિ અને ટેરિફ
ટેરિફ યુદ્ધ ફક્ત આર્થિક મુદ્દો નથી, તે અમેરિકાની સુરક્ષા અને વૈશ્વિક પ્રભાવનો પણ મુદ્દો છે. હેગસેથે સ્પષ્ટ કર્યું છે કે આર્થિક નીતિઓની સાથે અમેરિકા તેની સંરક્ષણ તૈયારીઓ પર પણ ભાર મૂકી રહ્યું છે, જેથી કોઈપણ કટોકટીની સ્થિતિમાં તે ચીન સામે મજબૂતીથી ટકી શકે.
If the U.S. truly wants to solve the #fentanyl issue, then the right thing to do is to consult with China by treating each other as equals.
— Chinese Embassy in US (@ChineseEmbinUS) March 5, 2025
If war is what the U.S. wants, be it a tariff war, a trade war or any other type of war, we’re ready to fight till the end. https://t.co/crPhO02fFE
ચીનની અમેરિકાને ધમકી
અમેરિકામાં ચીની દૂતાવાસે ફેન્ટાનાઇલ મુદ્દા પર ટ્રમ્પ વહીવટીતંત્ર દ્વારા લાદવામાં આવેલા ટેરિફ પર પ્રતિક્રિયા આપી હતી. ચીની દૂતાવાસે ટ્વિટર પર પોસ્ટ કરીને ભાર મૂક્યો કે અમેરિકાએ આ મુદ્દાના ઉકેલ માટે ચીન સાથે સમાન રીતે સલાહ લેવી જોઈએ. "જો અમેરિકા ખરેખર ફેન્ટાનાઇલ મુદ્દાને ઉકેલવા માંગે છે, તો યોગ્ય બાબત એ છે કે ચીન સાથે પરામર્શ કરીને એકબીજા સાથે સમાન વર્તન કરવામાં આવે. જો અમેરિકા યુદ્ધ ઇચ્છે છે, પછી ભલે તે ટેરિફ યુદ્ધ હોય, વેપાર યુદ્ધ હોય કે અન્ય કોઈપણ પ્રકારનું યુદ્ધ હોય, અમે અંત સુધી લડવા માટે તૈયાર છીએ," દૂતાવાસની પોસ્ટમાં લખ્યું છે.
આ પણ વાંચો
કાયદેસર રીતે અમેરિકામાં રહેતા ભારતીયોને મોટો ઝટકો, હવે 1,00,000ને ભારત મોકલવાની તૈયારીમાં ટ્રમ્પ!
ટોપ સ્ટોરી
ટ્રેન્ડિંગ સમાચાર
