US election 2024: કમલા હેરિસ હશે અમેરિકાના રાષ્ટ્રપતિ પદના ઉમેદવાર? જો બાઇડને આપ્યું છે સમર્થન
US election 2024:અમેરિકાના રાષ્ટ્રપતિ પદની ચૂંટણીમાં જો બાઇડને પોતાની ઉમેદવારી પાછી ખેંચી લીધી છે
US election 2024: અમેરિકાના રાષ્ટ્રપતિ પદની ચૂંટણીમાં જો બાઇડને પોતાની ઉમેદવારી પાછી ખેંચી લીધી છે. તેણે આ અંગે પત્ર લખીને ચૂંટણી નહીં લડવાની જાહેરાત કરી છે. નોંધનીય છે કે ડેમોક્રેટ પાર્ટીના વરિષ્ઠ નેતાઓ અને તેમના સમર્થકો બાઇડનને તેમનું નામ પાછું ખેંચવાની અપીલ કરી રહ્યા હતા. બાઇડન પછી હવે સૌથી મોટો પ્રશ્ન એ છે કે તેમની જગ્યાએ ડેમોક્રેટિક પક્ષમાંથી ઉમેદવાર કોણ હશે?
My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV
— Joe Biden (@JoeBiden) July 21, 2024
જો બાઇડન 81 વર્ષના છે અને દાવો કરવામાં આવે છે કે તેમને ભૂલવાની સમસ્યા છે. તાજેતરના કાર્યક્રમોમાં તેઓ એટલા એક્ટિવ દેખાતા ન હતા અને આ જ કારણ હતું કે તેમના સમર્થકો તેમની ઉમેદવારીથી નિરાશ થયા હતા. પાર્ટીની અંદર અને પાર્ટીના સમર્થકો તરફથી એવું પણ કહેવામાં આવી રહ્યું હતું કે બાઇડનના સ્થાને કમલા હેરિસને રાષ્ટ્રપતિ પદના ઉમેદવાર બનાવવામાં આવી શકે છે.
Intends to "earn and win" Democratic presidential nomination: US Vice President Kamala Harris
— ANI Digital (@ani_digital) July 21, 2024
Read @ANI Story | https://t.co/T1Ai9waleb#KamalaHarris #US #DemocraticParty #JoeBiden pic.twitter.com/CoQftUB0uu
બાઇડને કમલા હેરિસને સમર્થન આપ્યું હતું
રાષ્ટ્રપતિ બાઇડને એક એક્સ પોસ્ટમાં કહ્યું હતું કે "મારા સાથી ડેમોક્રેટ્સ, મેં નામાંકન ન સ્વીકારવાનો અને મારી બાકીની મુદત માટે રાષ્ટ્રપતિ તરીકેની મારી ફરજો પર ધ્યાન કેન્દ્રિત કરવાનો નિર્ણય કર્યો છે," 2020માં પાર્ટીના ઉમેદવાર તરીકે મારો પ્રથમ નિર્ણય કમલાને મારા ઉપરાષ્ટ્રપતિ પસંદ કરવાનો હતો અને તે મેં લીધેલો અત્યાર સુધીનો સૌથી શ્રેષ્ઠ નિર્ણય રહ્યો છે."
બાઇડને કહ્યું હતું કે "આજે હું કમલાને આ વર્ષે આપણી પાર્ટીની ઉમેદવાર બનવા માટે મારું સંપૂર્ણ સમર્થન આપવા માંગુ છું. ડેમોક્રેટ્સ - હવે એક સાથે મળીને ટ્રમ્પને હરાવવાનો સમય આવી ગયો છે."
જો કમલા હેરિસ રાષ્ટ્રપતિ પદના ઉમેદવાર બનશે તો શું થશે?
અમેરિકન લોકશાહીની બે સદીઓમાં એવું જોવા મળ્યું છે કે મતદારોએ બરાક ઓબામાના રૂપમાં એક માત્ર અશ્વેત રાષ્ટ્રપતિને ચૂંટ્યા છે, પરંતુ અત્યાર સુધી કોઈ અશ્વેત મહિલા રાષ્ટ્રપતિ બની નથી. આવી સ્થિતિમાં જો ડેમોક્રેટ્સ કમલા હેરિસને પોતાના ઉમેદવાર બનાવે છે તો અશ્વેત મતદારોની મોટી વસ્તી એકત્ર થઈ શકે છે.
કમલા હેરિસ માટે આ મોટો પડકાર બની શકે છે
જો કમલા હેરિસને ઉમેદવાર બનાવવામાં આવશે તો તેમની સામે સૌથી મોટો પડકાર ચૂંટણી પ્રચારનો રહેશે. હવે રાષ્ટ્રપતિની ચૂંટણી માટે માત્ર ત્રણ મહિના બાકી છે. આવી સ્થિતિમાં તેમના માટે ચૂંટણી પ્રચાર એક મોટો પડકાર હશે. ડેમોક્રેટ પાર્ટીમાં પણ કમલા હેરિસના નામને લઈને એક પ્રકારનો ક્રેઝ છે. જો તે રાષ્ટ્રપતિ પદના ઉમેદવાર બને છે તો તે પાર્ટી માટે નફાકારક સોદો સાબિત થઈ શકે છે.
ટોપ સ્ટોરી
ટ્રેન્ડિંગ સમાચાર
