ઈરાનનો અમેરિકાના ઠેકાણાઓ પર ઘાતક હુમલો, બહેરીન,કુવૈત અને જોર્ડનના આકાશમાં ઉઠી અગનજ્વાળાઓ,ધ્રુજી ઉઠ્યું મિડલ ઈસ્ટ

US Iran War: અમેરિકાએ તેહરાનમાં ઘણી જગ્યાઓ પર ડ્રોન અને મિસાઈલથી અટેક (હુમલો) કર્યો. ઈરાને આનો જડબાતોડ જવાબ આપતા બહેરીન અને કુવૈતને નિશાન બનાવ્યા છે.

અમેરિકા ઈરાન યુદ્ધ

Source : x

Show Quick Read

Key points generated by AI, verified by newsroom

• અમેરિકાના હુમલા બાદ ઇરાને ત્રણ દેશોમાં બદલો લીધો.
• ઇરાને કુવૈત, બહેરીન, જોર્ડનમાં અમેરિકી ઠેકાણાં નિશાન બનાવ્યા.
• જોર્ડન-કુવૈતે ઇરાની મિસાઇલોને તોડી પાડવાનો દાવો કર્યો.
• અમેરિકાએ ઇરાનના 140 સૈન્ય ઠેકાણાં પર હુમલા કર્યા.

US Iran War: અમેરિકા અને ઈરાન વચ્ચે ચાલી રહેલું યુદ્ધ ઘાતક સ્વરૂપ લઈ ચૂક્યું છે. અમેરિકાએ ઈરાનના પાંચ રાજ્યો પર એક સાથે હુમલો કરી દીધો હતો. હવે તેહરાને આનો બદલો લીધો છે. તેણે સોમવારે (13 જુલાઈ) ત્રણ અમેરિકાના ઠેકાણાઓને ટાર્ગેટ કર્યા. તેહરાને કુવૈત, બહેરીન અને જોર્ડનને નિશાન પર લીધા છે. તેણે મિસાઈલ અને ડ્રોનથી ઘાતક હુમલો કર્યો છે.

 

ઇસ્લામિક રિવોલ્યુશનરી ગાર્ડ કોર્પ્સ (IRGC) એ દાવો કર્યો છે કે તેણે અમેરિકાને જવાબ આપતા કુવૈત, બહેરીન અને જોર્ડનમાં ઘણી જગ્યાઓ પર હુમલો કર્યો છે. ઈરાને જોર્ડનના પ્રિન્સ હસન એરબેઝ પર ફ્યુઅલ ટેન્ક અને મિસાઈલ ડેપોને નિશાન બનાવ્યા છે. જ્યારે બહેરીનમાં અમેરિકાના ડ્રોન કમાન્ડ સેન્ટર પર ધમાકો કર્યો છે. ઈરાને ડોનાલ્ડ ટ્રમ્પને ચેતવણી આપતા કહ્યું છે કે જો અમેરિકાએ અટેક નહીં રોક્યા તો તે તેના ઠેકાણાઓને તબાહ કરી દેશે.

જોર્ડને ઈરાનની ચાર મિસાઈલોને તોડી પાડવાનો દાવો કર્યો

જોર્ડને દાવો કર્યો છે કે ઈરાન તરફથી ઘણી મિસાઈલો દાગવામાં આવી છે. તેણે ચાર મિસાઈલોને તોડી પાડવાનો દાવો કર્યો. વળી કુવૈતે કહ્યું છે કે તેનું એર ડિફેન્સ સિસ્ટમ દુશ્મનની મિસાઈલોનો સામનો કરી રહ્યું છે. 'અલ જઝીરા' ના અહેવાલ મુજબ, કુવૈતી સેનાના જનરલ સ્ટાફનું કહેવું છે કે એર ડિફેન્સ સિસ્ટમે ઘણી મિસાઈલોને તોડી પાડી છે.

અમેરિકાએ ઈરાનના ઘણા ઠેકાણાઓને નિશાન બનાવ્યા

'ફોક્સ ન્યૂઝ' ના અહેવાલ મુજબ, અમેરિકાની ફોર્સે રાતભરમાં આશરે 140 ઈરાની સૈન્ય ટાર્ગેટ પર હુમલો કર્યો, જેનાથી ત્રણ રાતોમાં કુલ હુમલાની સંખ્યા 300 થી વધુ થઈ ગઈ છે. વળી ઈરાને વીકેન્ડમાં અમેરિકા સાથે જોડાયેલી જગ્યાઓ અને આ વિસ્તારના દેશો પર હુમલા કર્યા. કુવૈતે કહ્યું કે ત્રણ ઉત્તરી બોર્ડર પોસ્ટને નુકસાન થયું છે. એક ડ્રોને કુવૈત ઓઈલ કંપનીના એક ઓફશોર ડ્રિલિંગ પ્લેટફોર્મ પર પણ હુમલો કર્યો, જેમાં એક વર્કર ઘાયલ થયો છે.

At 5 p.m. ET today, U.S. Central Command forces began launching more strikes against Iran to continue degrading their ability to attack civilian mariners and commercial ships freely transiting the Strait of Hormuz. The Commander in Chief has directed the strikes to hold Iranian…

— U.S. Central Command (@CENTCOM) July 12, 2026

આ પણ વાંચો

બેંગકોંકમાં પબમાં ભીષણ અગ્નિકાંડ, 27 લોકોના મોત, 63 ઈજાગ્રસ્ત