અમેરિકાના ઉપરાષ્ટ્રપતિ જે.ડી. વાન્સના ઘર પર હુમલો: વેનેઝુએલા એક્શન બાદ પથ્થરમારો, શંકાસ્પદની ધરપકડ
US VP JD Vance Home Attack: ઓહિયોમાં તોડફોડની ઘટના, વાન્સ અને પરિવાર ગેરહાજર, વેનેઝુએલા સામેની કાર્યવાહીનો બચાવ કર્યાના કલાકો બાદ બની ઘટના, સિક્રેટ સર્વિસ તપાસમાં.
US VP JD Vance Home Attack: અમેરિકા અને વેનેઝુએલા વચ્ચે ચાલી રહેલા ભયાનક તણાવ વચ્ચે એક મોટા સમાચાર સામે આવ્યા છે. યુએસના ઉપરાષ્ટ્રપતિ (Vice President) જે.ડી. વાન્સના ઓહિયો સ્થિત નિવાસસ્થાન પર અજાણ્યા શખ્સો દ્વારા હુમલો (Attack) કરવામાં આવ્યો છે. પ્રારંભિક માહિતી મુજબ, હુમલાખોરોએ ઘર પર પથ્થરમારો કર્યો હતો, જેના કારણે ઘરની ઘણી બારીઓ (Windows) તૂટી ગઈ હતી. સદનસીબે, જ્યારે આ ઘટના બની ત્યારે જે.ડી. વાન્સ કે તેમનો પરિવાર ઘરમાં હાજર નહોતા. ઘટનાની જાણ થતાં જ યુએસ સિક્રેટ સર્વિસ (US Secret Service) અને સ્થાનિક પોલીસનો કાફલો તાત્કાલિક પૂર્વ વોલનટ હિલ્સ સ્થિત તેમના નિવાસસ્થાને પહોંચી ગયો હતો. સુરક્ષા એજન્સીઓએ ત્વરિત કાર્યવાહી કરીને એક શંકાસ્પદ (Suspect) વ્યક્તિને કસ્ટડીમાં લીધો છે, જોકે તેની સામે હજુ સુધી સત્તાવાર આરોપો દાખલ થયા છે કે કેમ તે અંગે અધિકારીઓએ મૌન સેવ્યું છે.
મીડિયા અહેવાલો અને સીએનએનના રિપોર્ટ મુજબ, તપાસમાં એવું સામે આવ્યું છે કે હુમલાખોર ઘરની અંદર ઘૂસવામાં નિષ્ફળ રહ્યો હતો. આ વિસ્તારમાં સુરક્ષા વ્યવસ્થા પહેલાથી જ સઘન હતી, કારણ કે સ્થાનિક અધિકારીઓએ Sunday (4 January, 2026) સુધી રસ્તાઓ બંધ રાખ્યા હતા અને પોલીસ ચોકીઓ ગોઠવી હતી. તેમ છતાં, એક વ્યક્તિ સુરક્ષા ઘેરો તોડીને ઘર સુધી પહોંચવામાં અને તોડફોડ કરવામાં સફળ રહ્યો હતો, જે સુરક્ષા વ્યવસ્થા પર ગંભીર સવાલો ઉભા કરે છે. આ ઘટના એવા સમયે બની છે જ્યારે જે.ડી. વાન્સ વેનેઝુએલા (Venezuela) પર અમેરિકા દ્વારા કરવામાં આવેલા હવાઈ હુમલા અને સૈન્ય કાર્યવાહીનું સમર્થન કરી રહ્યા હતા. વાન્સની ઓફિસે પુષ્ટિ કરી છે કે તેઓ આ મિલિટરી ઓપરેશનના આયોજન અને નિરીક્ષણમાં સામેલ હતા, ભલે તેઓ રાષ્ટ્રપતિ ટ્રમ્પ સાથે લાઈવ રૂમમાં હાજર ન હતા.
આ હુમલા પાછળનો હેતુ હજુ સ્પષ્ટ નથી, પરંતુ તેને જે.ડી. વાન્સના તાજેતરના નિવેદનો સાથે જોડીને જોવામાં આવી રહ્યો છે. વાન્સે સોશિયલ મીડિયા પ્લેટફોર્મ 'X' પર વેનેઝુએલા સામેની કાર્યવાહીનો મજબૂત બચાવ (Defense) કર્યો હતો. તેમણે જણાવ્યું હતું કે વેનેઝુએલા ડ્રગ હેરાફેરી (Drug Trafficking) અને નાર્કો-ટેરરિઝમનું કેન્દ્ર બની ગયું છે. વાન્સે દલીલ કરી હતી કે વેનેઝુએલા પોતાની જપ્ત કરાયેલી ઓઈલ સંપત્તિનો ઉપયોગ આતંકવાદી પ્રવૃત્તિઓને ફંડિંગ કરવા માટે કરે છે. ટીકાકારોને જવાબ આપતા તેમણે સ્પષ્ટ કહ્યું હતું કે, "ભલે ફેન્ટાનાઇલ અન્ય જગ્યાએથી આવતું હોય, પરંતુ કોકેઈન (Cocaine) જે મુખ્યત્વે લેટિન અમેરિકન કાર્ટેલની કમાણીનું સાધન છે, તે વેનેઝુએલા મારફતે જ આવે છે." આમ, ડ્રગ કાર્ટેલની આર્થિક કમર તોડવા માટે અમેરિકાની આ કાર્યવાહી જરૂરી હોવાનું તેમણે ભારપૂર્વક જણાવ્યું હતું.
ટોપ સ્ટોરી
ટ્રેન્ડિંગ સમાચાર
