શું એલોન મસ્કને અમેરિકામાંથી હાંકી કાઢવામાં આવશે ? વિવાદ વચ્ચે ટ્રમ્પે આપ્યો આ જવાબ
અમેરિકાના રાષ્ટ્રપતિ ડોનાલ્ડ ટ્રમ્પ અને અબજોપતિ એલોન મસ્ક જેઓ એક સમયે એકબીજાની ખૂબ નજીક હતા. તેમની વચ્ચે હવે કડવાશ વધી ગઈ છે.
Donald Trump Elon Musk News: અમેરિકાના રાષ્ટ્રપતિ ડોનાલ્ડ ટ્રમ્પ અને અબજોપતિ એલોન મસ્ક જેઓ એક સમયે એકબીજાની ખૂબ નજીક હતા. તેમની વચ્ચે હવે કડવાશ વધી ગઈ છે. ડૉનાલ્ડ ટ્રમ્પ વારંવાર એલોન મસ્કને સબસિડીમાં કાપ મૂકવાની ધમકી આપી રહ્યા છે. જ્યારથી એલોન મસ્ક 'વન બિગ બ્યુટીફુલ બિલ'નો વિરોધ કરી રહ્યા છે, ત્યારથી ડોનાલ્ડ ટ્રમ્પ પણ તેમની સામે આક્રમક દેખાઈ રહ્યા છે.
શું એલોન મસ્કને અમેરિકામાંથી હાંકી કાઢવામાં આવશે ?
આ દરમિયાન, જ્યારે ટ્રમ્પને મસ્કને દેશમાંથી હાંકી કાઢવા વિશે પૂછવામાં આવ્યું, ત્યારે તેમણે કહ્યું, "મને ખબર નથી... આપણે તેના પર વિચાર કરવો પડશે." યુએસ રાષ્ટ્રપતિ ડોનાલ્ડ ટ્રમ્પે ટ્રુથ સોશિયલ પર પોસ્ટ કર્યું, "એલોન મસ્કને રાષ્ટ્રપતિ માટે મને ટેકો આપ્યો તે પહેલાં જ ખબર હતી કે હું EV જનાદેશનો સખત વિરોધ કરું છું. તે હાસ્યાસ્પદ છે અને હંમેશા મારા અભિયાનનો મુખ્ય ભાગ રહ્યો છે. ઇલેક્ટ્રિક કાર સારી છે, પરંતુ દરેકને EV કાર ખરીદવા માટે દબાણ કરી શકાતું નથી." દક્ષિણ
દક્ષિણ આફ્રિકા પાછા ફરવું પડશે - ટ્રમ્પની ચેતવણી
ડોનાલ્ડ ટ્રમ્પે એલોન મસ્કને ધમકી આપતા કહ્યું, "મસ્કને ઇતિહાસમાં અન્ય કોઈપણ વ્યક્તિ કરતાં વધુ સબસિડી મળી શકે છે. જો તેને સબસિડી નહીં મળે, તો તેણે કદાચ પોતાની દુકાન બંધ કરીને દક્ષિણ આફ્રિકા પાછા ફરવું પડશે. સબસિડી વિના હવે રોકેટ લોન્ચ, ઉપગ્રહ કે ઇલેક્ટ્રિક કારનું ઉત્પાદન શક્ય નહીં બને."
DOGE વિભાગની તપાસ કરવામાં આવશે - ટ્રમ્પ
તેમણે ડિપાર્ટમેન્ટ ઓફ ગવર્નમેન્ટ એફિશિયન્સી (DOGE) ની કામગીરીની તપાસ કરવાની વાત કરી. ટ્રમ્પ રાષ્ટ્રપતિ બન્યા પછી આ વિભાગ એલોન મસ્કને સોંપવામાં આવ્યો હતો. વન બિગ બ્યુટીફુલ બિલ અંગે, એલોન મસ્કે કહ્યું કે જો આ બિલ સેનેટમાં પસાર થશે, તો તે બીજા જ દિવસે એક નવી પાર્ટી બનાવશે. તે પાર્ટીનું નામ અમેરિકન પાર્ટી હશે.
કરવેરા છૂટ અને ખર્ચમાં કાપ મૂકવાને લઈને અબજોપતિ એલોન મસ્ક અને રાષ્ટ્રપતિ ડોનાલ્ડ ટ્રમ્પ વચ્ચે શાબ્દિક યુદ્ધ ફરી શરૂ થયું છે. મસ્ક કહે છે કે તેઓ એક નવો રાજકીય પક્ષ બનાવી શકે છે. ટ્રમ્પે ઇલેક્ટ્રિક વાહન સબસિડી અંગે ટેસ્લાના સીઈઓ પર હુમલો કર્યો છે. મસ્કે રિપબ્લિકન સેનેટરો દ્વારા પસાર કરાયેલા બિલની ટીકા કરી છે.
ટોપ સ્ટોરી
ટ્રેન્ડિંગ સમાચાર
