Alia-Ranbir Wedding: આલિયા ભટ્ટ અને રણબીર કપૂરે ‘વાસ્તુ’માં કર્યા લગ્ન, જુઓ લગ્નના શાનદાર Photos

Untitled_design_(6)

બોલિવૂડના પાવર કપલ આલિયા ભટ્ટ-રણબીર કપૂર લગ્નના બંધનમાં બંધાઈ ગયા છે. આલિયા અને રણબીરે વાસ્તુમાં સાત ફેરા લીધા છે. લગ્નની વિધિઓ પૂરી થઈ ગઈ છે.

ચાહકો જેની આતુરતાથી રાહ જોઈ રહ્યા હતા તે લગ્ન આજે પૂર્ણ થઇ ગયા છે. રણબીર સાથે સાત ફેરા લીધા બાદ આલિયા હવે મિસિસ કપૂર બની ગઈ છે.

જેની સૌ આતુરતાથી રાહ જોઈ રહ્યા હતા તે ક્ષણ આવી ગઈ. દુલ્હા અને દુલ્હન બનેલા આલિયા અને રણબીરના લગ્નની તસવીરો સામે આવી છે.

આલિયા ભટ્ટે તેના ઇન્સ્ટાગ્રામ પર લગ્નની શ્રેષ્ઠ તસવીરો શેર કરી છે, જેમાં બંને ખૂબ જ સુંદર અને ખુશ દેખાઈ રહ્યા છે.

આલિયા અને રણબીરના આ ખૂબ જ અનોખા લગ્ન હતા. કારણ કે બંનેએ ઘરની બાલ્કનીમાં સાત ફેરા લીધા હતા.

વાસ્તુ એપાર્ટમેન્ટમાં રહેતા રણબીર કપૂરે ગર્લફ્રેન્ડ આલિયા ભટ્ટ સાથે આ ઘરની બાલ્કનીમાં ઘણી ખાસ ક્ષણો વિતાવી છે, તેથી બંનેએ તેને પોતાના લગ્નનું સ્થળ બનાવ્યું છે.

આ તસવીરો ઈન્સ્ટાગ્રામ પર શેર કરતાં આલિયા ભટ્ટે એક પ્રેમભર્યો સંદેશ પણ શેર કર્યો છે જેમાં આલિયાએ લખ્યું છે : “આજે, મારા પરિવાર અને મિત્રો વચ્ચેના અમારા મનપસંદ સ્થાન પર - બાલ્કની જ્યાં અમે અમારા સંબંધોના છેલ્લા 5 વર્ષ વિતાવ્યા હતા - અમે લગ્ન કર્યા. અમારી પાછળ પહેલેથી જ ઘણું બધું છે, અમે સાથે મળીને વધુ યાદો બનાવવા માટે રાહ જોઈ શકતા નથી... સ્મૃતિઓ જે પ્રેમ, હાસ્ય, હૂંફાળું મૌન, મૂવી રાત, ઝઘડા, વાઇન આનંદથી ભરેલી છે. અમારા જીવનના આ ખૂબ જ મહત્વપૂર્ણ સમય દરમિયાન બધા પ્રેમ માટે આભાર. તેણે આ ક્ષણને વધુ ખાસ બનાવી છે.”

આલિયાએ આ તસવીરો શેર કરતાની સાથે જ તેને વાયરલ થવામાં વધુ સમય ન લાગ્યો કારણ કે દરેક વ્યક્તિ આ તસવીરોની આતુરતાથી રાહ જોઈ રહી હતી. આલિયા અને રણબીર વર-કન્યાના ડ્રેસમાં ખૂબ જ સુંદર લાગતા હતા. ખાસ કરીને આલિયાનો લુક લાઈમલાઈટમાં આવી ગયો છે.